Ka Tnat Information & Broadcasting
Yn ai ei ka Sorkar ia ka dish, pyniar ka jingpoi prokram ka All India Radio ha ki shnong khappud hapdeng ka India bad China: Anurag Thakur
Ka Sorkar ka dang trei ban pynbha ia ka network mobile ha ki shnong kiba don ha kyndong kynshrot: Anurag Thakur
Sahmiet u Thakur bad ki shipai ITBP ha ka shnong Karzok kaba don ha Ladakh
Posted On:
13 JUL 2023 4:23PM by PIB Shillong
U Myntri Sorkar Pdeng ba dei khmih ia ka tnat Information and Broadcasting, u Anurag Thakur u la pynbna ba kane ka tnat kan pynthikna ia ka jingaiei ia ki connection Doordarshan DTH ha ki shnong kiba don ha ki jaka khappud hapdeng ka India bad ka China. U la ong ruh ba yn pynthikna ia ka jingpynkhlain ia ka mobile network ha kine ki shnong bad ba ka Sorkar ka ieng skhem ban pynthikna ia ka jingiasoh kaba kham bha bad kine ki jaka.
U Myntri u la ong ia kane ha ka jingiakren ba u la pynlong bad ki nongshong shnong jong ka Karzok kaba don ha Ladakh kaba jngai kumba 211 kilometre na Leh.
Lah ban shu kdew hangne ba khnang ban pynurlong ia ka thong ban pyniasoh bad ki briew kiba sah ha ki jaka kyndong kynshrot bad ki jaka khappud lyngba ka rynsan jong ka DD “FreeDish”, ka Sorkar ka la ai jingmut ban ai ei 1.5 tylli ki connection FreeDish ha ki shnong kiba don ha ki jaka khappud.
U la ong ba ka Sorkar ka kut jingmut ban kyntiew ia ki shnong kiba don ha ki jaka khappud bad u la kular ia ki nongshong shnong ba ki jingdawa jong ki kiba iadei bad ka jingiasoh kaba kham bha bad ki kam digital bad ki lad ka leit ka wan, ka jingkyntiew ia ki kam jngoh kai, ki jingdon jingem na ka bynta ki kam ialehkai bad ka Jal Jeewan Mission kaba kham bha ki dei ki kam ban pyntreikam lyngba ka jingpeit bniah.
Kum shi bynta jong ka prokram jong ka Sorkar na ka bynta ki shnong kiba khlain, u Myntri u la leit jngoh lai sngi ia ka Leh-Ladakh, ha kaba u la sah ha ka shnong Karzok, u la pynlong ki jingialang bad ki bor pyniaid UT bad distrik ban peit ia ki skhim ba pyntreikam da ka Sorkar Pdeng bad Sorkar Jylla bad ka jingsam ia ki tiar ialehkai ha Karzok, u la iakren bad ki shipai ITBP ha Karzok platoon post kaba don ha ka jingjrong kaba kumba 15000 phut ha ka jaka khappud hapdeng ka India bad China.
Da ka jingthmu ban sngewthuh ia ka jingpoi jong ki projek bad ki skhim jong ka Sorkar bad ruh ban sngewthuh ia ki jingeh ba ki briew kiba sah ha ki shnong khappud hapdeng ka India bad China ki iakynduh, u Myntri u la pynlong ia ka jingiakren bad ki nongshong shnong bad ki ophisar.
Ia u Anurag Thakur la leit bud da ka kynhun ki ophisar bad ki nongmihkhmat. U la iakren bad ki nongshong shnong ka Kharnak, Samad bad kiwei kiwei ki shnong bad u la sngap ia ki jingkhuslai bad ki jingthrang jong ki. Ha Kharnak, u la plié ia ka surok PMGSY kaba pyniasoh bad ka surok bah Dadh Kharnak.
![Description: Description: https://static.pib.gov.in/WriteReadData/userfiles/image/image0019CQ5.jpg](file:///C:\Users\ASUS\AppData\Local\Temp\msohtmlclip1\01\clip_image001.jpg)
U Myntri u la iakren shaphang ki kam kiba iadei bad ka bording solar, ka um dih, ka jaka sah ia 32 tylli ki longiing, ka surok niah cycle, ka wah ba shna da ki briew, bad ka subsidy na ka bynta ki kam jngoh kai. U la iakren ruh shaphang ka jingshngain jong u pud u sam, ka jingpynbha ia ki surok, ki mobile tower, ki kam kiba iadei bad ki mrad khlaw, ka jingpyniasoh hapoh ka prokram Vibrant Village, bad ka jingsah jong ki briew kiba shang shane shatai ha kawei ka jaka.
Ha kawei ka jingiakren jong u bad ki briew na kane ka thain, u Myntri u la ong ba hadien ba la seng ia ka UT, ka la don shibun ka roi ka par ha Ladakh kum ka jingbei tyngka, ka bording baroh shi sngi, ka jingseng ia ka jaka pynmih bording solar kaba kot sha ka T 21000 klur, ki lad ha ka kamai kajih, bad ka jing sanction ia 375 tylli ki mobile tower ha Leh.
![Description: Description: https://static.pib.gov.in/WriteReadData/userfiles/image/image002LUT0.jpg](file:///C:\Users\ASUS\AppData\Local\Temp\msohtmlclip1\01\clip_image002.jpg)
Shuh shuh, u Myntri u la ong ba baroh ki longiing ha ka thain Changthang ki la ioh ia ka um kor lyngba ka Jal Jeevan Mission (JJM).
U Thakur u la iathuh ba ka don ka jingthmu ia ki kam nangne shakhmat ki ban kyntiew ia ka roi ka par ha ka thain Changthang bad ki jaka kiba ker pyllun ia ka. Kine ki sienjam ki kynthup ia ka jingkyntiew ia ki jingdon jingem na ka bynta ki lad pyniasoh bad ka jingkyntiew ia ki kam jngoh kai. U Myntri u la kular ia ki nongshong shnong ba ka Sorkar kan pynbiang ia ka jingkyrshan bad ki jingdonkam ban pyntreikam bha ia kine ki jingthmu.
Ki sienjam jong ka Sorkar Modi kin ialam sha ka jingkyntiew ia ki kam jngoh kai ha Changthang, la ong u Myntri.
Ha ka jingleit jong u sha ka Puga Residential School, u Thakur u la iakren bad ki khynnah bad u la iashim bynta ha ka jingialehkai volleyball. Shuh shuh, ka District Youth Services bad ka tnat Kam Ialehkai ka la sam ia ki tiar ialehkai. Ia kine la sam ha ka skul kaba don ha Karzok ruh. Shuh shuh, u Myntri u la ialehkai table tennis ha ka cell phone/mobile light.
![Description: Description: https://static.pib.gov.in/WriteReadData/userfiles/image/image003EK1T.jpg](file:///C:\Users\ASUS\AppData\Local\Temp\msohtmlclip1\01\clip_image003.jpg)
Ha Chumur, u la iakren bad ki shipai bad u la iakren ruh bad ki nongshong shnong shaphang ki jingeh kiba ki iashem khamtam ha kaba iadei bad ka surok, ka mobile network, JJM bad kiwei kiwei. U Executive Engineer PWD u la iathuh ia u Myntri ba la ai jingmut ban shna ia ka surok kaba 7 km na ka bynta ka shnong bad ba ka DPR na ka bynta kane ka dei kaba la dep pynkhreh.
Shuh shuh, ha ka jingiakren bad ki shipai na ka 37th ITBP Post, u Thakur u la kren shaphang ki jingpynkylla ba la wanrah da ka Sorkar ban ai jingmyntoi ia ki shipai kiba don ha ki jaka khappud kum ki jain kiba kham bha, ki tiar ialeh, ki sienjam Make in India bad ki bai bam tymmen.
Ka jingleit sha ka shnong Changthang ka dei ka dak jong ka sienjam ban pynkupbor ia ki nongshong shnong ha ki jaka nongkyndong, ka jingkyntiew ia ka jingim jong ki bad ka jingplie lad ia ka roi ka par kaba lah ban iaineh ha ka thain. Lyngba ka jingkut jingmut bad ka jingiatrei lang, ka Sorkar ka thmu ban tei ia ki shnong kiba khlain bad kiba lah ban kyrshan ialade ki ban don ka bynta ha ka jingiaid shaphrang jong ka ri.
******
(Release ID: 1939299)
Visitor Counter : 116
Read this release in:
Telugu
,
Kannada
,
English
,
Urdu
,
Marathi
,
Hindi
,
Assamese
,
Bengali
,
Manipuri
,
Punjabi
,
Odia
,
Tamil