ସୂଚନା ଓ ପ୍ରସାରଣ ମନ୍ତ୍ରଣାଳୟ
ଭାରତ-ଚୀନ୍ ସୀମାରେ ସରକାର ଫ୍ରି-ଡିସ ଏବଂ ସୀମାନ୍ତବର୍ତ୍ତୀ ଗ୍ରାମଗୁଡିକରେ ଅଲ ଇଣ୍ଡିଆ ରେଡିଓ ପହଞ୍ଚରେ ଉନ୍ନତି ଆଣୁଛନ୍ତି : ଶ୍ରୀ ଅନୁରାଗ ଠାକୁର
ଦୂରବର୍ତ୍ତୀ ଗ୍ରାମଗୁଡିକରେ ମୋବାଇଲ୍ ସଂଯୋଗକୁ ସୁଦୃଢ କରିବା ପାଇଁ ସରକାର କାର୍ଯ୍ୟ କରୁଛନ୍ତି: ଶ୍ରୀ ଅନୁରାଗ ଠାକୁର
ଶ୍ରୀ ଠାକୁର ଲଦାଖର କରଜୋକ ଗ୍ରାମରେ ଆଇଟିବିପି ଯବାନଙ୍କ ସହ ରାତି କଟାଇଲେ
Posted On:
13 JUL 2023 4:23PM by PIB Bhubaneshwar
କେନ୍ଦ୍ର ସୂଚନା ଏବଂ ପ୍ରସାରଣ ମନ୍ତ୍ରୀ ଶ୍ରୀ ଅନୁରାଗ ଠାକୁର ଘୋଷଣା କରିଛନ୍ତି ଯେ ଭାରତ-ଚୀନ୍ ସୀମାରେ ଥିବା ଗ୍ରାମଗୁଡିକର ଅପହଞ୍ଚ ଇଲାକାରେ ମାଗଣା ଦୂରଦର୍ଶନ ଡିଟିଏଚ୍ ସଂଯୋଗକୁ ମନ୍ତ୍ରଣାଳୟ ନିଶ୍ଚିତ କରିବ । ସେ ଏହା ମଧ୍ୟ କହିଛନ୍ତି ଯେ ଏହି ଦୁର୍ଗମ ଗ୍ରାମବାସୀଙ୍କ ସହ ଉନ୍ନତ ମୋବାଇଲ୍ ସଂଯୋଗ ଶୀଘ୍ର ସୁନିଶ୍ଚିତ ହେବ ଏବଂ ଏହି ଅଞ୍ଚଳଗୁଡିକ ସହିତ ଉନ୍ନତମାନର ସମସ୍ତ ପ୍ରକାର ଯୋଗାଯୋଗ ସୁନିଶ୍ଚିତ କରିବାକୁ ସରକାର ପ୍ରତିଶୃତିବଦ୍ଧ ।
ଲେହଠାରୁ ପ୍ରାୟ ୨୧୧ କିଲୋମିଟର ଦୂରରେ ଥିବା ଲଦାଖର କରଜୋକ ଗ୍ରାମରେ ଗ୍ରାମବାସୀଙ୍କ ସହ ହୋଇଥିବା ଆଲୋଚନା ସମୟରେ ମନ୍ତ୍ରୀ ଏହା କହିଛନ୍ତି ।
ଉଲ୍ଲେଖ କରାଯାଇପାରେ ଯେ ଡିଡି ଫ୍ରିଡିଶ୍ ପ୍ଲାଟଫର୍ମ ମାଧ୍ୟମରେ ଦୂର ତଥା ସୀମାନ୍ତ ଅଞ୍ଚଳରେ ରହୁଥିବା ଲୋକଙ୍କ ନିକଟରେ ପହଞ୍ଚିବା ଲକ୍ଷ୍ୟ ହାସଲ କରିବାକୁ ସରକାର ସୀମାନ୍ତବର୍ତ୍ତୀ ଗ୍ରାମଗୁଡିକରେ ୧.୫ ଲକ୍ଷ ମାଗଣା ଫ୍ରିଡିଶ୍ ସଂଯୋଗ ବଣ୍ଟନ କରିବାକୁ ପ୍ରସ୍ତାବ ଦେଇଛନ୍ତି ।
![](https://static.pib.gov.in/WriteReadData/userfiles/image/image0019CQ5.jpg)
ସୀମାନ୍ତ ଗ୍ରାମଗୁଡିକର ବିକାଶ ପାଇଁ ସରକାର ପ୍ରତିଶୃତିବଦ୍ଧ ବୋଲି ଶ୍ରୀ ଠାକୁର ସ୍ଥାନୀୟ ଗ୍ରାମବାସୀଙ୍କୁ ଆଶ୍ୱାସନା ଦେଇ କହିଛନ୍ତି ଯେ ଉନ୍ନତ ଡିଜିଟାଲ ସଂଯୋଗୀକରଣ ଏବଂ ସଡ଼କ ସଂଯୋଗ, ପର୍ଯ୍ୟଟନ ଭିତ୍ତିଭୂମି, କ୍ରୀଡା ଭିତ୍ତିଭୂମି ଏବଂ ଉନ୍ନତ ଜଳ ଜୀବନ ମିଶନ ବିକାଶ ମଧ୍ୟ ପ୍ରାଥମିକତା ଭିତ୍ତିରେ କାର୍ଯ୍ୟକାରୀ ହେବ ।
ସରକାରଙ୍କ ସମୃଦ୍ଧ ଗ୍ରାମ କାର୍ଯ୍ୟକ୍ରମର ଏକ ଅଂଶ ଭାବରେ କେନ୍ଦ୍ର ମନ୍ତ୍ରୀ ଲେହ-ଲଦାଖ ଅଭିମୁଖେ ଏକ ତିନି ଦିନିଆ ଯାତ୍ରା ଆରମ୍ଭ କରିଥିଲେ ଏବଂ ଏହି ସମୟରେ ସେ କରଜୋକ ଗ୍ରାମରେ ରହି କେନ୍ଦ୍ରଶାସିତ ଅଞ୍ଚଳ ଏବଂ ଜିଲ୍ଲା ଅଧିକାରୀଙ୍କ ସହ ଅ।ଲୋଚନା କରି କେନ୍ଦ୍ର / ରାଜ୍ୟ ସରକାରୀ ଯୋଜନା ତଥା କରଜୋକରେ କ୍ରୀଡା ଉପକରଣର ସମୀକ୍ଷା, ଭାରତ-ଚୀନ୍ ସୀମାରେ ସମୁଦ୍ର ପତ୍ତନଠାରୁ ପ୍ରାୟ ୧୫୦୦୦ ଫୁଟ ଉଚ୍ଚରେ ଥିବା କରଜୋକ ପ୍ଲାଟୁନ୍ ପୋଷ୍ଟରେ ଆଇଟିବିପି ଯବାନମାନଙ୍କ ସହିତ ଆଲୋଚନା କରିଥିଲେ ।
![](https://static.pib.gov.in/WriteReadData/userfiles/image/image002LUT0.jpg)
ସରକାରଙ୍କ ବିଭିନ୍ନ ପ୍ରକଳ୍ପ ଏବଂ ଯୋଜନାର ଉପଲବ୍ଧତାକୁ ଆକଳନ କରିବା ଏବଂ ଭାରତ-ଚୀନ୍ ସୀମାରେ ଥିବା ଦୂର ସୀମାନ୍ତବର୍ତ୍ତୀ ଗ୍ରାମରେ ବାସିନ୍ଦାମାନେ ସମ୍ମୁଖୀନ ହେଉଥିବା ଆହ୍ୱାନ ବିଷୟରେ ମଧ୍ୟ ଅବଗତ ପାଇଁ ମନ୍ତ୍ରୀ ସ୍ଥାନୀୟ ଗ୍ରାମବାସୀ ତଥା ପ୍ରଶାସନିକ ଅଧିକାରୀଙ୍କ ସହ ଆଲୋଚନା କରିଥିଲେ ।
ଅଧିକାରୀ ତଥା ସ୍ଥାନୀୟ ପ୍ରତିନିଧୀଙ୍କ ଏକ ଟିମ୍ ଉପସ୍ଥିତିରେ ମନ୍ତ୍ରୀ ଶ୍ରୀ ଅନୁରାଗ ଠାକୁର ଅନ୍ୟମାନଙ୍କ ମଧ୍ୟରେ ଖାର୍ନାକ ଏବଂ ସମଦର ସ୍ଥାନୀୟ ଗ୍ରାମବାସୀଙ୍କ ସହ ଆଲୋଚନା କରି ସେମାନଙ୍କ ଚିନ୍ତା ଏବଂ ଆକାଂକ୍ଷା ଶୁଣିଥିଲେ । ଖର୍ନାକ ଠାରେ ସେ ଦାଧ ଖର୍ନାକର ରାଜପଥକୁ ସଂଯୋଗ କରୁଥିବା ପିଏମଜିଏସୱାଇ ସଡକର ଉଦଘାଟନ କରିଥିଲେ ।
ମନ୍ତ୍ରୀ ସୌର ଶକ୍ତି, ପାନୀୟ ଜଳ, ୩୨ ପରିବାରଙ୍କ ପାଇଁ ଘର, ସାଇକେଲ ଚଲାଇବା ଟ୍ରାକ, କୃତ୍ରିମ ହ୍ରଦ ଏବଂ ପର୍ଯ୍ୟଟନ ସବସିଡି ସମ୍ପର୍କରେ ଆଲୋଚନା କରିଥିଲେ । ଏହା ବ୍ୟତୀତ ସୀମା ସୁରକ୍ଷା, ରାସ୍ତାର ବିକାଶ, ମୋବାଇଲ୍ ଟାୱାର, ବନ୍ୟଜନ୍ତୁ ସମସ୍ୟା, ସମୃଦ୍ଧ ଗ୍ରାମ କାର୍ଯ୍ୟକ୍ରମରେ ଅନ୍ତର୍ଭୂକ୍ତ କରିବା, ଗୋଟିଏ ଅଞ୍ଚଳରେ ନାମମାତ୍ରଙ୍କ ସମାଧାନ ନେଇ କଥା ହୋଇଥିଲେ ।
![](https://static.pib.gov.in/WriteReadData/userfiles/image/image003EK1T.jpg)
ସ୍ଥାନୀୟ ଲୋକଙ୍କ ସହ ତାଙ୍କର ଅନ୍ୟ ଏକ ଆଲୋଚନା ସମୟରେ ମନ୍ତ୍ରୀ କହିଥିଲେ ଯେ କେନ୍ଦ୍ରଶାସିତ ଅଞ୍ଚଳ ଗଠନ ପରେ ଲଦାଖରେ ସିଧାସଳଖ ବିକାଶ, ୨୪ ଘଣ୍ଟିଆ ବିଦ୍ୟୁତ, ସୌର ପ୍ଲାଣ୍ଟ ସ୍ଥାପନ, ୨୧୦୦୦ କୋଟି ଟଙ୍କା ମୂଲ୍ୟର ଅଲଟ୍ରା-ମେଗା ସୌର ପ୍ଲାଣ୍ଟ, ଜୀବିକା ସୁଯୋଗ ବୃଦ୍ଧି, ଏବଂ ଲେହରେ ୩୭୫ ମୋବାଇଲ୍ ଟାୱାରର ମଞ୍ଜୁରୀ ଭଳି ଭଳି ଅନେକ ବିକାଶ ଘଟିଛି ।
ଏଥିସହ ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ଚାଙ୍ଗଥାଙ୍ଗର ଦୁର୍ଗମ ଅଞ୍ଚଳର ପ୍ରତ୍ୟେକ ଘରକୁ ଜଳ ଜୀବନ ମିଶନ (ଜେଜେଏମ) ମାଧ୍ୟମରେ ଜଳ ଯୋଗାଣ ସୁବିଧା ଯୋଗାଇ ଦିଆଯାଇଛି ।
ଭବିଷ୍ୟତର ପଦକ୍ଷେପ ପାଇଁ ଶ୍ରୀ ଠାକୁର ଯୋଜନା ଉନ୍ମୋଚନ କରିଛନ୍ତି ଯାହା ଚାଙ୍ଗଥାଙ୍ଗ ଏବଂ ଏହାର ଆଖପାଖ ଗାଁର ବିକାଶକୁ ଆହୁରି ବଢାଇବ । ଉନ୍ନତ ଯୋଗାଯୋଗ ପାଇଁ ଭିତ୍ତିଭୂମି ନବୀକରଣ ଏବଂ ଏହି ଅଞ୍ଚଳର ପ୍ରାକୃତିକ ସୌନ୍ଦର୍ଯ୍ୟକୁ ବୃଦ୍ଧି କରିବା ପାଇଁ ଇକୋ-ପର୍ଯ୍ୟଟନକୁ ପ୍ରୋତ୍ସାହିତ କରିବା ଲାଗି ଏହି ପଦକ୍ଷେପଗୁଡିକ ଅନ୍ତର୍ଭୁକ୍ତ । ଏହି ଯୋଜନାଗୁଡ଼ିକୁ ସଫଳ ରୂପାୟନ କରିବା ପାଇଁ ସରକାର ସମସ୍ତ ଆବଶ୍ୟକୀୟ ସହାୟତା ଏବଂ ସମ୍ବଳ ଯୋଗାଇ ଦେବେ ବୋଲି ମନ୍ତ୍ରୀ ଗ୍ରାମବାସୀଙ୍କୁ ଆଶ୍ୱାସନା ଦେଇଛନ୍ତି ।
ମୋଦୀ ସରକାରଙ୍କ ମିଳିତ ପ୍ରୟାସରେ ଚାଙ୍ଗଥାଙ୍ଗରେ ପର୍ଯ୍ୟଟନ ବିକାଶ ବୃଦ୍ଧି ପାଇବ ବୋଲି ମନ୍ତ୍ରୀ କହିଛନ୍ତି ।
ପୁଗା ଆବାସିକ ବିଦ୍ୟାଳୟ ଗସ୍ତ ସମୟରେ ଶ୍ରୀ ଠାକୁର ଛାତ୍ରମାନଙ୍କ ସହ ଆଲୋଚନା କରିଥିଲେ ଏବଂ ଉତ୍ସାହର ସହିତ ଭଲିବଲ୍ ପ୍ରଦର୍ଶନୀ ମ୍ୟାଚ୍ ଖେଳିଥିଲେ । ଅଧିକନ୍ତୁ, ଜିଲ୍ଲା ଯୁବ ସେବା ଏବଂ କ୍ରୀଡା ବିଭାଗ କ୍ରୀଡା ଉପକରଣ ଏବଂ କିଟ୍ ବଣ୍ଟନ କରିଥିଲା । କରଜୋକ ବିଦ୍ୟାଳୟରେ ମଧ୍ୟ ଏହି ଉପକରଣ ବଣ୍ଟନ କରାଯାଇଥିଲା । ଏଥିସହ ମନ୍ତ୍ରୀ ମୋବାଇଲ୍ ଫୋନ୍ / ମୋବାଇଲ୍ ଆଲୋକରେ ଟେବୁଲ୍ ଟେନିସ୍ ଖେଳିଥିଲେ ।
ଚୁମୁରରେ ସେ ଯବାନମାନଙ୍କ ସହ ଆଲୋଚନା କରିଥିଲେ ଏବଂ ଅନ୍ୟମାନଙ୍କ ମଧ୍ୟରେ ମୁଖ୍ୟତଃ ସଡ଼କ ସଂଯୋଗ, ଟେଲିକମ୍, ଜେଜେଏମ୍ ବିଷୟରେ ଗ୍ରାମବାସୀଙ୍କ ସହ କଥା ହୋଇଥିଲେ । ପିଡବ୍ଲ୍ୟୁଡିର କାର୍ଯ୍ୟନିର୍ବାହୀ ଯନ୍ତ୍ରୀ ଗାଁ ପାଇଁ ୭ କିଲୋମିଟର ସଡକ ପ୍ରସ୍ତାବ ଦିଆଯାଇଛି ଏବଂ ଡିପିଆର ପ୍ରସ୍ତୁତ ହୋଇଥିବା ନେଇ ମନ୍ତ୍ରୀଙ୍କୁ ଅବଗତ କରିଥିଲେ ।
ଏଥିସହ, ୩୭ ତମ ଆଇଟିବିପି ପୋଷ୍ଟର ଜବାନଙ୍କ ସହ ଆଲୋଚନା କରୁଥିବାବେଳେ ଶ୍ରୀ ଠାକୁର ସୀମାରେ ମୁତୟନ କରାଯାଇଥିବା ସୈନ୍ୟବାହିନୀକୁ ଉନ୍ନତ ଯୁଦ୍ଧ ପରିଧାନ, ଅସ୍ତ୍ରଶସ୍ତ୍ର, ମେକ୍ ଇନ୍ ଇଣ୍ଡିଆ ପଦକ୍ଷେପ ଏବଂ ପେନସନ ଇତ୍ୟାଦି ଯୋଗାଇବା ପାଇଁ ସରକାରଙ୍କ ଦ୍ୱାରା କରାଯାଇଥିବା ସଂସ୍କାର ବିଷୟରେ କହିଥିଲେ ।
ସମୃଦ୍ଧ ଗ୍ରାମ ଚାଙ୍ଗଥାଙ୍ଗ ପରିଦର୍ଶନ ଗ୍ରାମୀଣ ସମ୍ପ୍ରଦାୟକୁ ସଶକ୍ତିକରଣ, ସେମାନଙ୍କ ଜୀବନଧାରଣ ମାନ ବୃଦ୍ଧି ଏବଂ ଏହି ଅଞ୍ଚଳରେ ନିରନ୍ତର ବିକାଶ ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ସୂଚିତ କରେ । ଉତ୍ସର୍ଗୀକୃତ ପ୍ରୟାସ ଏବଂ ଏକ ସହଯୋଗୀ ଆଭିମୁଖ୍ୟ ସହିତ ସରକାର ସମୃଦ୍ଧ ତଥା ଆତ୍ମର୍ନିଭରଶୀଳ ଗ୍ରାମ ସୃଷ୍ଟି କରିବାକୁ ଲକ୍ଷ୍ୟ ରଖିଛନ୍ତି ଯାହା ଦେଶର ପ୍ରଗତି ଏବଂ ସମୃଦ୍ଧତା ପାଇଁ ସହାୟକ ହେବ ।
HS
(Release ID: 1939301)
Visitor Counter : 136
Read this release in:
Telugu
,
Kannada
,
English
,
Khasi
,
Urdu
,
Marathi
,
Hindi
,
Assamese
,
Bengali
,
Manipuri
,
Punjabi
,
Tamil