প্রধানমন্ত্রীগী লোইশঙ
পিএম.না উত্তর প্রদেশকী গোরখপুর রেলৱে স্তেসন্দগী বন্দে ভারত ত্রেন অনি লমথাখ্রে
গোরখপুর রেলৱে স্তেসনগী নৌনা শেমগৎকদবা চাউখৎ ধৌরাংগী উরেপ উয়ুং তমখ্রে
Posted On:
07 JUL 2023 8:09PM by PIB Imphal
প্রাধান মন্ত্রী শ্রী নরেন্দ্র মোদীনা ঙসি উত্তর প্রদেশকী গোরখপুর রেলৱে স্তেসন্দগী বন্দে ভারত এক্সপ্রেস ত্রেন অনি লমথাখ্রে। বন্দে ভারত ত্রেন অনি অদুদি গোরখপুর – লক্ষনৌ বন্দে ভারত এক্সপ্রেস অমসুং জোধপুর – অহমেদবাদ (সবর্মতি) বন্দে ভারত এক্সপ্রেসনি। প্রধান মন্ত্রীনা লুপা করোর ৪৯৮ চংনা নৌনা শেমগৎকদোরিবা গোরখপুর রেলৱে স্তেসনগী উরেপ উয়ুংসু তমখ্রে অমসুং গোরখপুর রেলৱে স্তেসনগী প্রপোজ তৌরিবা মোদেল অদু য়েংশিনখ্রে।
প্রধান মন্ত্রীগা লোয়ননা উত্তর প্রদেশকী রাজ্যপাল, শ্রীমতি অনন্দিবেন পতেল, উত্তর প্রদেশকী মুখ্য মন্ত্রী শ্রী য়োগী অদিত্যনাথ অমসুং গোরখপুরগী পার্লিয়ামেন্তকী মেম্বর, শ্রী রবি কিষনসু শরুক য়াখি।
বেকগ্রাউন্দ:
গোরাখপুর-লখনৌ বন্দে ভারত এক্সপ্রেসনা অয়োধ্যা ফাউদুনা চেনগনি অমসুং তুরিজমদা খুদোংচাবা ফংহন্দুনা রাজ্য অসিগী মরুওইবা সহরশিংগা শম্নবা হেনগৎহনগনি। জোধপুর- সবরমাতি বন্দে ভারত এক্সপ্রেসনা মমিং লৈরবা মফমশিং হায়বদি জোধপুর, অবু রোদ, অহমেদবাদ শম্নবা হেনগৎহল্লগনি অমসুং লমদম অসিগী শেন-থুমগী ফিবম চাউখৎহনগনি।
লুপা করোর ৪৯৮ চংনা নৌনা শেমগৎকদোরিবা গোরখপুর রেলৱে স্তেসনগী উরেপ উয়ুং তমখিবা অসিনা পেসেঞ্জরশিংদা মালেমগী থাক্কী খুদোংচাবশিং ফংহল্লগনি।
***
(Release ID: 1938254)
Visitor Counter : 73
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam