প্রধানমন্ত্রীগী লোইশঙ
পি.এম.না জুলাই 1দা 17শুবা ইন্দিয়ন কোওপরেতিব কংগ্রেস্তা ৱা ঙাঙগনি
থীম – ‘অমৃত কালঃ ভাইব্রেন্ত ওইবা ভারত অমগীদমক্তা কোওপরেসনগী খুত্থাংদা নুংঙাই য়াইফবা পুরকপা”
Posted On:
30 JUN 2023 3:09PM by PIB Imphal
প্রধান মন্ত্রী শ্রী নরেন্দ্র মোদীনা জুলাই 1গী মালেমগী কোওপরেতিব নুমিৎকী থৌরমদা নই দিল্লীগী প্রগতী মৈদান্দা অয়ুক্কী পুং 11 তাবা মতমদা 17শুবা ইন্দিয়ন কোওপরেতিব কংগ্রেস্তা ৱা ঙাঙগনি।
প্রধান মন্ত্রীগী “সহাকার সে স্মৃধী”গী মঙলান্দা চেৎনা থাজবা থম্লিবা অসিনা শাফু পীদুনা, সরকার অসিনা লৈবাক অসিগী কোওপরেতিবকী ইহৌবু হেন্না খুমাং চাউশিলহন্নবা লেপ্তনা থবক কয়া পায়খত্তুনা লাক্লি। থৌওং অসিগী পাঙ্গল হাপ্নবগীদমক্তা, সরকারনা কোওপরেতিবকী তোঙানবা মন্ত্রালয় অমসু শেমখ্রবনি। প্রধান মন্ত্রীনা থৌরমসিদা শরুক য়ারিবা অসিনা মাইকৈ অসিদা থাংজিনবা অহেনবা খোঙ্কাপ অমা ওইরি।
17শুবা ইন্দিয়ন কোওপরেতিব কংগ্রেস অসি জুলাই 1-2, 2023দা পাংথোকপনি। মসিগী পান্দমদি কোওপরেতিব ইহৌগী চৎনবী কয়াগী মতাংদা খন্ন-নৈনবা, হৌজিক চৎনরিবা খ্বাইদগী ফবা থৌওং উৎপা, হৌজিক থেংনরিবা শিংনবশিংগী মতাংদা খন্নবা অমসুং ভারতকী কোওপরেতিব ইহৌ খুমাং চাউশিলহন্নবা তুংগী মতমদা চৎনবা য়াবা পোলিসী শেম্বগী ৱাফম কয়া খন্ন-নৈনবনি। মপুং ওইবা থীম ওইরিবা ‘অমৃত কালঃ ভাইব্রেন্ত ওইবা ভারত অমগীদমক্তা কোওপরেসনগী খুত্থাংদা নুংঙাই য়াইফবা পুরকপা” অসিগী মরী লৈনবা তেক্নিকেল সেসন তরেৎ অমসু পাংথোক্কনি। মসিদা প্রাইমারী থাক্তগী লৈবাক্কী থাক ফাওবগী কোওপরেতিবকী স্তেকহোলদর 3600 য়াওনা মালেমগী কোওপরেতিব ওর্গনাইজেসনগী দেলিগেত, মালেমগী কোওপরেতিব এল্লাইএন্সকী মীহুৎ, মন্ত্রালয়, য়ুনিভর্সিতী, মমিং লৈবা ইন্সতিত্যুসনগী মীহুৎ কয়া য়াওনা থৌরম অসিদা শরুক য়াগনি।
***
(Release ID: 1936840)
Visitor Counter : 85
Read this release in:
Marathi
,
Malayalam
,
English
,
Urdu
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada