પ્રધાનમંત્રીનું કાર્યાલય
પ્રધાનમંત્રી 1લી જુલાઈએ 17મી ભારતીય સહકારી કોંગ્રેસને સંબોધિત કરશે
થીમ - 'અમૃત કાળ : વાઇબ્રન્ટ ઇન્ડિયા માટે સહકાર દ્વારા સમૃદ્ધિ'
Posted On:
30 JUN 2023 3:09PM by PIB Ahmedabad
આંતરરાષ્ટ્રીય સહકારી દિવસ નિમિત્તે, પ્રધાનમંત્રી શ્રી નરેન્દ્ર મોદી 1લી જુલાઈના રોજ સવારે 11 વાગ્યે નવી દિલ્હીના પ્રગતિ મેદાન ખાતે 17મી ભારતીય સહકારી કોંગ્રેસને સંબોધિત કરશે.
"સહકાર સે સમૃદ્ધિ"ના વિઝનમાં પ્રધાનમંત્રીની દ્રઢ માન્યતાથી પ્રેરિત, સરકાર દેશમાં સહકારી ચળવળને વેગ આપવા માટે સતત પગલાં લઈ રહી છે. આ પ્રયાસને બળ આપવા માટે સરકાર દ્વારા એક અલગ સહકાર મંત્રાલય બનાવવામાં આવ્યું હતું. આ કાર્યક્રમમાં પ્રધાનમંત્રીની સહભાગીતા એ આ દિશામાં વધુ એક પગલું છે.
17મી ભારતીય સહકારી કોંગ્રેસનું આયોજન 1-2 જુલાઈ, 2023ના રોજ કરવામાં આવી રહ્યું છે. તેનો ઉદ્દેશ સહકારી ચળવળના વિવિધ વલણોની ચર્ચા કરવાનો, અપનાવવામાં આવી રહેલી શ્રેષ્ઠ પદ્ધતિઓનું પ્રદર્શન, ઇરાદાપૂર્વકના પડકારોનો સામનો કરવાનો અને ભારતની સહકારી ચળવળના વિકાસ માટે ભાવિ નીતિની દિશા નક્કી કરવાનો છે. “અમૃત કાળ : વાઇબ્રન્ટ ઇન્ડિયા માટે સહકાર દ્વારા સમૃદ્ધિ”ની મુખ્ય થીમ પર સાત ટેકનિકલ સત્રો હશે. તે 3600 થી વધુ હિસ્સેદારોની સહભાગિતાના સાક્ષી બનશે જેમાં પ્રાથમિક સ્તરથી રાષ્ટ્રીય સ્તર સુધીની સહકારી સંસ્થાઓ, આંતરરાષ્ટ્રીય સહકારી સંગઠનોના પ્રતિનિધિઓ, આંતરરાષ્ટ્રીય સહકારી જોડાણના પ્રતિનિધિઓ, મંત્રાલયો, યુનિવર્સિટીઓ, પ્રતિષ્ઠિત સંસ્થાઓના પ્રતિનિધિઓ સહિત અન્ય લોકો સામેલ છે.
YP/GP
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(Release ID: 1936385)
Visitor Counter : 189
Read this release in:
Marathi
,
Malayalam
,
English
,
Urdu
,
Hindi
,
Bengali
,
Manipuri
,
Assamese
,
Punjabi
,
Odia
,
Tamil
,
Telugu
,
Kannada