প্রধান মন্ত্রী শ্রী নরেন্দ্র মোদীনা জুলাই 1, 2023দা মধ্য প্রদেশতা চৎকনি।

প্রধান মন্ত্রীনা নুংথিলগী পুং 3.30দা শাহদোলদা মীয়ামগী থৌরম অমদা শরুক য়াগনি, মসিদা মহাক্না নেস্নেল সিক্কল সেল এনেমিয়া ইলিমিনেসন মিসন হৌদোক্কনি। মহাক্না বেনিফিশরীশিংগী মফমদা সিক্কল সেল জেনেতিক স্তেতস কার্দসু য়েন্থোক্কনি।

মিসন অসিনা সিক্কল সেল লাইনানা থোকহনবা হকশেলগী শিংনবশিং, মরু ওইনা ত্রাইবেল পোপ্যুলেসনগী মরক্তা লৈরিবা অসিগী ৱারোইশিন পুরক্নবা মিৎয়েং চঙগনি। লোঞ্চ অসিনা সরকার অসিনা সিক্কল সেল লাইনাবু পব্লিক হেল্থ প্রোব্লেম অমা ওইনা ইং 2047 ফাওবগী মনুংদা মুত্থৎনবা হোৎনরিবা অসিদা মশক থোকপা মায় পাকপা অমা ওইগনি। নেস্নেল সিক্কল সেল এনেমিয়া ইলিমিনেসন মিসন অসি ইং 2023গী কেন্দ্রগী বজেত্তা লাউথোকখিবনি। মিসন অসি লৈবাক অসিগী মিৎয়েং ৱাংনা চঙবা রাজ্য 17, মিং ওইনা পল্লবদা, গুজরাত, মহারাস্ত্র, রাজস্থান, মধ্য প্রদেশ, ঝার্খন্দ, ছতিসগর, নোংচুপ বেঙ্গল, ওরিশা, তমিল নাদু, তেলঙ্গানা, আন্ধ্র প্রদেশ, কর্নাতকা, অসম, উত্তর প্রদেশ, কেরলা, বিহার অমসুং উত্তরাখন্দগী জিলা 278তা চলাইগনি।

প্রধান মন্ত্রীনা মধ্য প্রদেশতা অয়ুশমান ভারত প্রধান মন্ত্রী জন আরোগ্যা য়োজনা (AB-PMJAY)গী কার্দশিং চাউরাকপা বেনিফিশরী 3.57দা য়েন্থোকপগী থবক হৌদোক্কনি। অয়ুশমান কার্দ য়েন্থোকপগী থৌরম অসি রাজ্য শিনবা থুংবগী অর্বান বোদী, গ্রাম পঞ্চায়ত অমসুং দিভেলপমেন্ত ব্লোকশিংদা পাংথোক্কনি। অয়ুশমান কার্দ য়েন্থোকপগী কেম্পেন অসি প্রধান মন্ত্রীগী ৱেলফিয়র স্কিমশিংবু বেনিফিশরীশিংগী মফমদা চাদা 100গী চাংদা সেচ্যুরেসন তৌবগী মঙলনা মঙাফাওনহনবগী মাইকৈদা থাংজিনবা খোঙথাং অমা ওইগনি।

প্রধান মন্ত্রীনা থৌরম মনুংদা 16শুবা চহি-চাগী থৌনা লৈরবী গোনদ্বানা মহারানী রানি দুর্গাবতীবু ইকায় খুম্নগনি। মহাকপু মুঘলগী মাইয়োক্তা নিংতম্বা ফংনবগীদমক্তা লান্থেংনখিবী থৌনা ফবী, অকীবা খঙদবী অমসুং মথৌনা লৈবী লান্মী ওইনা নীশিংহৌরি।

য়াম্না তোপ তোপ্পা খোঙথাং অমা ওইনা, প্রধান মন্ত্রীনা শাহদোল জিলাগী পকারিয়া খুঙ্গংদা নুংথিলগী পুং 5 তাবা মতমদা চৎকনি অমসুং মফমদুগী ত্রাইবেল খুন্নাই, সেল্ফ হেল্প গ্রুপ, PESA [পঞ্চায়ত (এক্সতেন্সন তু সেদ্যুল এরিয়া) এক্ত, 1996] কম্মিত্তীগী লুচিংবা অমসুং খুঙ্গংগী ফুতবোল ক্লবশিংগী কেপ্তেনশিংগা উন্নগনি।

***