স্তেতিস্তিক্স অমসুং ইকোনোমিক প্লান্নিংগী লমদা (লৈখিদ্রবা) প্রোফেসর প্রসান্তা চন্দ্র মহালানোবিসনা তম্লম্বা শরুক কয়াবু শকখঙবা ওইনা ভারত সরকারনা মহাক্কী মপোক কুমওন, জুন 29 অসিবু ইং 2007দগী হৌনা চহি খুদিংগী “স্তেতিস্তিক্স নুমিৎ” হায়না পাংথোক্তুনা লাক্লি।

হন্দক্কী চহিসিদা, স্তেতিস্তিক্স নুমিৎ 2023গী মরু ওইবা থৌরম অসি নই দিল্লীগী লোধী রোদতা লৈবা স্কোপ কমপ্লেক্সকী স্কোপ কনভেন্সন সেন্তরদা পাংথোকখি। থৌরম অসিগী অথোইবা মীথুংলেন, স্তেতিস্তিক্স অমসুং প্রোগ্রাম ইমপ্লিমেন্তেসন (MoSPI) মন্ত্রালয়গী কেন্দ্রগী রাজ্য মন্ত্রী (ইন্দিপেন্দেন্ত চার্জ), প্লান্নিং মন্ত্রালয় অমসুং কোর্পোরেত এফিয়র্স মন্ত্রালয়গী রাজ্য মন্ত্রী রাও ইন্দর্জিত সিংহনা থৌরম অসি হৌদোকখি অমসুং থৌরমসিদা শরুক য়ারিবা মীওইশিংগী মফমদা মহাক্কী ৱারোল থমখি। নেস্নেল স্তেতিস্তিকেল কম্মিসনগী চেয়রমেন, প্রোফঃ রজীবা লক্সমন করান্দিকর অমসুং চীফ স্তেতিস্তিসিয়ন ওফ ইন্দিয়া অমসুং MoSPIগী সেক্রেতরী, দাঃ জি.পি. সমন্তানা থৌরমদা শরুক য়ারিবশিংগী মফমদা ৱাফম থমখি। MoSPIগী সেনিয়র ওফিসর, মরী লৈনবা কেন্দ্রগী মন্ত্রালয়/বিভাগ অমসুং রাজ্য/UT সরকারগী মীহুৎ, UNগী লুপশিংগী মীহুৎশিংনা থৌরমসিদা শরুক য়াখি। থৌরম অসি মন্ত্রালয়গী সোসিএল মীদিয়াগী হেন্দলশিংদা লাইব স্ত্রীম তৌখি।

“ওন দি স্পোত এসে রাইতিং কম্পিতিসন 2023”গী মকোক মথং তারবশিংসু থৌরম অসিদা মনা য়েন্থোকখি।

স্তেতিস্তিক্স নুমিৎ 2023গী থীমগী মতাংদা শম্লপ্পা প্রজেন্তেসন অমা দাঃ অশুতোশ ওঝা, দেপ্যুতী দাইরেক্তর জেনেরেল, MoSPI; শ্রী শোম্বী শার্প, ভারতকী UN রেসিদেন্ত কোওর্দিনেতর; নিতি আয়োগকী সেনিয়র এদভাইজর দাঃ য়োগেশ সুরি অমসুং নিতি আয়োগকী দাইরেক্তর শ্রী রাজেশ গুপ্তসু ঙসিগী থৌরমসিদা স্তেতিস্তিক্স নুমিৎ 2023গী থীমগী মতাংদা ৱা ঙাঙখি। 

সস্তেনেবল দিভেলপমেন্ত গোল-নেস্নেল ইন্দিকেতর ফ্রেমৱর্ক, প্রোগ্রেস রিপোর্ত 2023 অমা থৌরম মনুংদা ফোঙখি। সস্তেনেবল দিভেলপমেন্ত গোল-নেস্নেল ইন্দিকেতর ফ্রেমৱর্ক, 2023গী দেতা স্নেপশোত অমসুং সস্তেনেবল দিভেলপমেন্ত গোল-নেস্নেল ইন্দিকেতর ফ্রেমৱর্ক, 2023 অসিসু রিপোর্ত অসিগা লোয়ননা ফোঙখি। MoSPIগী ৱেবসাইত্তগী গোলশিংগী ওইবা দেতাবু এক্সেল ফাইল ওইনা দাউনলোদ তৌবা য়াবগী খুদোংচাবা অমসু রিপোর্ত অসিদা য়াওরি।

*****