ପରିସଂଖ୍ୟାନ ଏବଂ ଅର୍ଥନୈତିକ ଯୋଜନା ନିର୍ମାଣ କ୍ଷେତ୍ରରେ (ସ୍ୱର୍ଗୀୟ) ପ୍ରଫେସର ପ୍ରଶାନ୍ତ ଚନ୍ଦ୍ର ମହାଲନୋବିସଙ୍କ ଦ୍ୱାରା କରାଯାଇଥିବା ଉଲ୍ଲେଖନୀୟ ଯୋଗଦାନର ସମ୍ମାନରେ ଭାରତ ସରକାର ୨୦୦୭ରୁ ପ୍ରତ୍ୟେକ ବର୍ଷ ତାହାର ଜୟନ୍ତୀ ୨୯ ଜୁନରେ ‘ପରିସଂଖ୍ୟାନ ଦିବସ’ ଭାବରେ ପାଳନ କରୁଛି ।

ଚଳିତ ବର୍ଷ ପରିସଂଖ୍ୟାନ ଦିବସ ୨୦୨୩ର ମୁଖ୍ୟ କାର୍ଯ୍ୟକ୍ରମ ନୂଆଦିଲ୍ଲୀର ଲୋଧି ରୋଡସ୍ଥିତ ସ୍କୋପ କମ୍ପ୍ଲେକ୍ସର ସ୍କୋପ କନଭେନସନ ସେଣ୍ଟର ଠାରେ ଆୟୋଜିତ କରାଯାଇଛି । ମୁଖ୍ୟ ଅତିଥି ପରିସଂଖ୍ୟାନ ଏବଂ କାର୍ଯ୍ୟକ୍ରମ କାର୍ଯ୍ୟାନ୍ୱୟନ ମନ୍ତ୍ରଣାଳୟ (ଏମଓଏସପିଆଇ)ର କେନ୍ଦ ରାଜ୍ୟ ମନ୍ତ୍ରୀ (ସ୍ୱତନ୍ତ୍ର ବିଭାଗ), ଯୋଜନା ମନ୍ତ୍ରଣାଳୟ ଏବଂ କର୍ପୋରେଟ କାର୍ଯ୍ୟ ମନ୍ତ୍ରଣାଳୟର କେନ୍ଦ୍ର ରାଜ୍ୟ ମନ୍ତ୍ରୀ ରାଓ ଇନ୍ଦ୍ରଜିତ୍ ସିଂହ କାର୍ଯ୍ୟକ୍ରମର ଉଦଘାଟନ କରିଥିଲେ ଏବଂ ଏହି ଅବସରରେ ଉପସ୍ଥିତ ଜନସାଧାରଣଙ୍କୁ ସମ୍ବୋଧିତ କରିଥିଲେ । ଏହି ଅବସରରେ ରାଷ୍ଟ୍ରୀୟ ପରିସଂଖ୍ୟାନ ଉଦ୍ୟୋଗର ଅଧ୍ୟକ୍ଷ ପ୍ର. ରାଜୀବ ଲକ୍ଷ୍ମଣ କରଂଦିକର ଏବଂ ଭାରତର ମୁଖ୍ୟ ପରିସଂଖ୍ୟାନବିତ ଏବଂ ଏମଓଏସପିଆଇର ସଚିବ ଡକ୍ଟର ଜି. ପି. ସାମନ୍ତ ମଧ୍ୟ ପ୍ରତିଯୋଗୀମାନଙ୍କୁ ସମ୍ବୋଧିତ କରିଥିଲେ । ଏମଓଏସପିଆଇର ବରିଷ୍ଠ ଅଧିକାରୀମାନେ, ସମ୍ପୃକ୍ତ କେନ୍ଦ୍ରୀୟ ମନ୍ତ୍ରଣାଳୟ/ ବିଭାଗ ଏବଂ ରାଜ୍ୟଗୁଡ଼ିକ/ କେନ୍ଦ୍ରଶାସିତ ଅଞ୍ଚଳର ସରକାରୀ ପ୍ରତିନିଧିମାନେ, ସଂଯୁକ୍ତ ରାଷ୍ଟ୍ର ସଂଗଠନଗୁଡ଼ିକର ପ୍ରତିନିଧିମାନେ ମଧ୍ୟ ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ । ଏହି କାର୍ଯ୍ୟକ୍ରମକୁ ମନ୍ତ୍ରଣାଳୟର ସୋସିଆଲ ମିଡିଆ ହ୍ୟାଣ୍ଡେଲ ମାଧ୍ୟମରେ ମଧ୍ୟ ଲାଇଭ୍ ଷ୍ଟ୍ରିମ କରାଯାଇଥିଲା ।

ଏହି କାର୍ଯ୍ୟକ୍ରମ ସମୟରେ ‘ଅନ ଦି ସ୍ପଟ’ ପ୍ରବନ୍ଧ ଲିଖନ ପ୍ରତିଯୋଗିତା, ୨୦୨୩ର ବିଜେତାମାନଙ୍କୁ ମଧ୍ୟ ସମ୍ମାନିତ କରାଯାଇଥିଲା ।

ପରିସଂଖ୍ୟାନ ଦିବସ, ୨୦୨୩ର ବିଷୟବସ୍ତୁ ଉପରେ ଏମଓଏସପିଆଇର ଉପ ମହାନିର୍ଦେଶକ ଡ. ଆଶୁତୋଷ ଓଝାଙ୍କ ଦ୍ୱାରା ସଂକ୍ଷିପ୍ତ ପ୍ରସ୍ତୁତି ପ୍ରଦାନ କରାଯାଇଥିଲା । ଭାରତ ପାଇଁ ସଂଯୁକ୍ତ ରାଷ୍ଟ୍ରର ରେଜିଣ୍ଡେଟ ସମନ୍ୱୟକ ଶ୍ରୀ ଶୋମ୍ବୀ ଶାର୍ପ, ନିତି ଆୟୋଗର ବରିଷ୍ଠ ପରାମର୍ଶଦାତା ଡ. ଯୋଗେଶ ସୁରୀ ଏବଂ ନିତି ଆୟୋଗର ନିର୍ଦେଶକ ଶ୍ରୀ ରାଜେଶ ଗୁପ୍ତା ମଧ୍ୟ ପରିସଂଖ୍ୟାନ ଦିବସ, ୨୦୨୩ର ବିଷୟବସ୍ତୁ ଉପରେ ଭାଗ ନେଇଥିବା ପ୍ରତିଯୋଗୀମାନଙ୍କୁ ସମ୍ବୋଧିତ କରିଥିଲେ ।

ଏହି କାର୍ଯ୍ୟକ୍ରମ ସମୟରେ ସତତ ବିକାଶ ଲକ୍ଷ୍ୟ-ରାଷ୍ଟ୍ରୀୟ ସାଂକେତିକ ସଂରଚନା, ପ୍ରଗତି ରିପୋର୍ଟ ୨୦୨୩ ଜାରି କରାଯାଇଛି । ରିପୋର୍ଟ ସହିତ ସତତ ବିକାଶ ଲକ୍ଷ୍ୟ ରାଷ୍ଟ୍ରୀୟ ସାଂକେତିକ ସଂରଚନା ୨୦୨୩ ଉପରେ ଡାଟା ସ୍ନାପସଟ ମଧ୍ୟ ଜାରି କରାଯାଇଛି । ଏହି ରିପୋର୍ଟ ଏକ୍ସିଲ ଫାଇଲରେ ଏମଓଏସପିଆଇ ୱେବସାଇଟରୁ ଲକ୍ଷ ଲକ୍ଷ ଥର ଡାଟା ଡାଉନଲୋଡ କରିବାର ସୁବିଧା ରହିଛି ।

NS/MB