ভারত সরকারগী শেল-থুম মন্ত্রালয়গী দিপার্তমেন্ত ওফ এক্সপেন্দিচরনা হন্দক্কী ফাইনান্সিয়েল য়িয়র অসিগীদমক্তা রাজ্য ১৬তা লুপা করোর ৫৬,৪১৫গী কেপিতল ইনভেস্তমেন্ত প্রোপোজল অদুবু অয়াবা পীখ্রে। ‘কেপিতল ইনভেস্তমেন্ত ২০২৩-২৪গীদমক্তা রাজ্যশিংদা অখন্নবা তেংবাং’ হায়রিবা স্কীম অসিগী মখাদা অয়াবা অসি পীখি। রাজ্যশিংগী মতুং খাইদোক্লবা অয়াবা পীখ্রবা শেনফম অদু মখাদা পীরি:

(লুপা করোরদা)

তোঙান-তোঙানবা সেক্তরশিংদা কেপিতল ইনভেস্তমেন্ত প্রোজেক্তশিং খুদম ওইনা হকশেল, এজুকেশন, ইরিগেশন, ৱাতর সপ্লাই, পাৱর, রোদস, ব্রিজ অমসুং রেলৱেজ য়াওনা অয়াবা পীখ্রে। জল জিৱন মিসন অমসুং প্রধান মন্ত্রী গ্রাম সরাক য়োজনাগী রাজ্যগী শিয়র অদু কোন্নবা ফন্দশিংশু সেক্তরশিং অসিদা পাইখৎলিবা প্রোজেক্তশিংগী খোংজেল য়াংখৎহন্নবা স্কীম অসিগী মখাদা রাজ্যশিংদা পীখ্রে।

কেপিতল এক্সপেন্দিচর হেন্না ৱাংবা মল্তিপ্লায়র ইফেক্তকী মতাংদা য়েংলগা অমসুং রাজ্যশিংনা তৌরিবা মখোয়গী কেপিতল স্পেন্দিংদা ইনোৎ হাপ্নবগীদমক্তা, কেপিতল ইনভেস্তমেন্ত ২০২৩-২৪গীদমক্তা রাজ্যশিংদা অখন্নবা তেংবাং’ হায়রিবা স্কীম অসি ২০২৩-২৪গী কেন্দ্রগী বজেত্তা লাউথোকখ্রে। স্কীম অসিগী মখাদা, ফাইনান্সিয়েল য়িয়র ২০২৩-২৪গী মনুংদা লুপা করোর লাখ ১.৩ ফাওবগী অপুনবা শেনফম অমা চহি ৫০ ফাওবগী ইন্তরেস্ত য়াওদবা লোনগী মওংদা রাজ্য সরকারশিংদা অখন্নবা তেংবাং পীখ্রে।

স্কীম অসিগী পার্ত নিপাল লৈ, পার্ত-I অসিদা লুপা করোর লাখ ১গী খ্বাইদগী চাউনা শেনফম খাইদোকখি। মসিগী শেনফম অসি ১৫শুবা ফাইনান্স কমিসন্না পীখিবা অদুগী মতুং ইন্না সেন্ত্রেল তেক্স অমসুং দ্যুতীশিংদা মখোয়গী শিয়রগী শরুক অদুগী মতুং ইন্না রাজ্যশিংগী মরক্তা খাইদোকই। স্কীম অসিগি অতোপ্পা পার্তশিং অদুদি রিফোর্মশিংদা লিঙ্ক তৌবা নত্রগা অখন্নবা সেক্তরগী প্রোজেক্তশিংগীদমক্তনি।

স্কীম অসিগী পার্ত-II, লুপা করোর ৩,০০০গী শেনফম অমা রাজ্য সরকারগী গারিশিং অমসুং এম্বুলেন্সশিং স্ক্রাপতা থাদোকপগীদমক্তা, অরিবা গারিশিংগী লায়েবিলিতীশিং কোমথোকপা, অরিবা গারিশিং স্ক্রাপতা থাদোকপগীদমক্তা কনাগুম্বা মীওইশিংদা তেক্স কন্সেসনশিং পীবদা অমসুং ওতোমেতিক্কী ওইবা ভেহিকল তেস্তিং ফেসিলিতীশিং লিংখৎপগীদমক্তা রাজ্যশিংদা ইন্সেন্তিবশিং পীনবগীদমক্তা খাইদোক্তুনা থমখ্রে। স্কীম অসিগী পার্ত–III অমসুং IVনা অর্বান প্লানিং অমসুং অর্বান ফাইনান্সতা অওনবশিং পুরক্নবগীদমক্তা রাজ্যশিংইন্সেন্তিবশিং পীনবগী পান্দম থম্লি। লুপা করোর ১৫,০০০গী শেনফম অমা অর্বান প্লানিং রিফোর্মশিংগীদমক্তা খাইদোক্তুনা থমখ্রে, অদুগা অহেনবা লুপা করোর ৫,০০০ অমনা অর্বান লোকেল বোদীশিংবু ক্রেদিতৱর্দী ওইহন্নবা অমসুং মখোয়গী ফাইনান্সশিং অদুবু ফগৎহন্নবগীদমক্তা রাজ্যশিংদা ইন্সেন্তিব পীনবগীদমক্তনি।

স্কীম অসিনা অর্বান এরিয়াশিংদা লৈরিবা পুলিস স্তেশনশিংগী মনুংদা লৈরিবা পুলিস পার্সোনেল অমসুং মখোয়গী ইমুং-মনুংশিংগীদমক্তা হাউসিং স্তোক হেনগৎহনবদা পান্দম থম্লি। মসিগীদমক্তা স্কীম অসিগী পার্ত–Vকী মখাদালুপা করোর ২,০০০গী শেনফম অমা খাইদোকখ্রে। স্কীম অসিগী অতোপ্পা পান্দম অদুদি নেস্নেল ইন্তিগ্রেশন প্রোমোত তৌবা, “মেক ইন ইন্দিয়া”গী কন্সেপ্ত অসিবু পুখৎপা অমসুং রাজ্য খুদিংদা য়ুনিতী মোল শাদুনা “ৱান দিস্ত্রিক্ত, ৱান প্রোদক্ত (ও.দি.ও.পি.)”গী কন্সেপ্ত অসি প্রোমোত তৌবনি। মসিগীদমক্তা স্কীম অসিগী পার্ত–VIকী মখাদা লুপা করোর ৫,০০০গী শেনফম অমা খাইদোক্তুনা থমখ্রে।

লুপা করোর ৫,০০০গী এলোকেশনগা লোইননা স্কীম অসিগী পার্ত-VII অসি অঙাংশিং অমসুং ইনখৎলক্লিবা নহাশিংগীদমক্তা পঞ্চায়ত অমসুং ৱার্দকী থাক্তা দিজিতেল ইফ্রাস্ত্রকচরগা লোইননা লাইব্ররীশিং থম্নবগীদমক্তা রাজ্যশিংদা শেলগী ওইবা তেংবাং পীনবগীদমক্তনি।

অসিগা চপ মান্নবা স্কীম ‘২০২২-২৩গীদমক্তা কেপিতল ইনভেস্তমেন্তকীদমক্তা রাজ্যশিংদা অখন্নবা তেংবাং হায়না’ মিংথোনবা স্কীম অমসুং হৌখিবা ফাইনানা্সিয়েল য়িয়রদা শেল-থুম মন্ত্রালয়না পাইখৎখি। স্কীম অসিগী মখাদা, লুপা করোর ৯৫,১৪৭.১৯গী কেপিতল ইনভেস্তমেন্ত প্রোপোজল অমা অয়াবা পীখি অমসুং লুপা করোর ৮১,১৯৫.৩৫কী শেনফম অমা হৌখিবা ফাইনান্সিয়েল য়িয়রদা রাজ্যশিংদা থাদোকখি।

২০২০-২১দা কোবিদ-১৯ লাইচৎ হৌরকপা মতমদা  শেল-থুম মন্ত্রালয়না খ্বাইদগী ইহান-হান্না শেমখিবা কেপিতল ইনভেস্তমেন্ত/এক্সপেন্দিচরগীদমক্তা রাজ্যশিংদা শেলগী ওইবা তেংবাং পীনবগীদমক্তা ওইবা স্কীম অসিনা রাজ্যশিংনা তৌরিবা মখোয়গী কেপিতল স্পেন্দিং অদুদা মতম চানা ইনোৎ হাপ্পিখি। স্কীমদিজাইন অসিগী ফ্লেক্সিবিলিতী অমসুং সিপ্লিসিতী অসিনা থংন-থংননা পাংথোকখিবা প্রি-বজেত কন্সল্তেশনশিংদা রাজ্যশিংগী মুখ্য মন্ত্রী অমসুং শেল-থুম মন্ত্রীশিংদগী পুকচেল শেংনা থাগৎনরকখি।

****