প্রধানমন্ত্রীগী লোইশঙ
য়ু.এস কংগ্রেসকী অপুনবা মীফমদা প্রধান মন্ত্রী ৱা ঙাংখ্রে
Posted On:
23 JUN 2023 7:33AM by PIB Imphal
জুন ২২, ২০২৩দা য়ু.এস কংগ্রেসকী অপুনবা মীফম অমদা প্রধান মন্ত্রী শ্রী নরেন্দ্র মোদী ৱা ঙাংখ্রে। য়ু.এস হাওস ওফ রিপ্রসেন্তিতিপসকী স্পিকর কেবিন মেক্কারথি; সিনেত মেজোরিতি লুচিংবা চার্লস স্কুমর; সিনেত রিপব্লিকান লুচিংবা মিতচ মেক্কোন্নেল অমসুং হাওস দেমোক্রেতি লুচিংবা হাকিম জেফ্রিসনা চেবাউ পীরকপদগী প্রধান মন্ত্রীনা মীফম অসিদা ৱা ঙাংখিবনি।
থৌরম অদুদা য়ু.এস.এগী উপ রাস্ত্রপতি কমালা হরিসসু শরুক য়াখি।
কেপিতোল হিলদা প্রধান মন্ত্রী থুংলবদা কংগ্রেসকী লুচিংবশিংনা তরাম্না ওকখি। মতুংদা প্রধান মন্ত্রীনা তোখাইনা হাওসকী স্পিকর কেবিন মেক্কারথি অমসুং কংগ্রেসকী লুচিংবশিংগা উনখি।
মহাক্কী ৱারোলদা, ভারত-য়ু.একী মরীশিং হেন্না চৎশিনহন্নবা য়ু.এস কংগ্রেসতা দল অনিনা শৌগৎপা অমসুং মতম শাংনা লৈরক্লবা মরী অদু মহাক্না থাগৎপা ফোঙদোকখি।
ভারত-য়ু.এস লৈবাক অনিগী মরীশিং খুমাঙ চাউশিনবগী মতাংদা প্রধান মন্ত্রীনা ৱাফমশিং ফোঙদোকখি অমসুং মরীশিং হেন্না ফগৎনবা মহাক্কী পান্দমশিং থমখি। হিরম কয়াদা ভারতকী চাউখৎপশিং অমসুং লৈবাক অসিনা মালেমগীদমক পীরিবা খুদোংচাবশিংগী মতাংদসু মহাক্না ফোঙদোকখি।
প্রধান মন্ত্রী ইকায়খুম্নবা উৎপা ওইনা স্পিকর মেক্কারথিনা তরাম্না ওকপগী থৌরম অমা পাংথোকখি। হন্দক্কী অসিনা য়ু.এস কংগ্রেসগী অপুনবা মীফমদা প্রধান মন্ত্রীনা ৱা ঙাংবা অনিরকশুবনি। সেপ্তেম্বর ২০১৬ দা মহাক্কী য়ু.এস.এ খোঙচৎ মনুংদা প্রধান মন্ত্রীনা য়ু.এস কংগ্রেসতা ৱা ঙাংখ্রে।
*****
(Release ID: 1934686)
Visitor Counter : 137
Read this release in:
Punjabi
,
English
,
Urdu
,
Marathi
,
Marathi
,
Hindi
,
Nepali
,
Assamese
,
Bengali
,
Gujarati
,
Odia
,
Tamil
,
Telugu
,
Kannada
,
Malayalam