नवी दिल्‍ली, 19 जून 2023

प्रमुख पाहुणे म्हणून उपस्थित राहणार आहेत.  ते या संमेलनाला संबोधित करतील आणि नंतर सामूहिक योग प्रात्यक्षिकाचे नेतृत्व करतील.  आंतरराष्ट्रीय योग दिवस 2023 चे ब्रीदवाक्य "वसुधैव कुटुंबकमसाठी योग" हे आहे.

2014 मध्ये एका ठरावाद्वारे संयुक्त राष्ट्र संघाने 21 जून हा आंतरराष्ट्रीय योग दिवस म्हणून  मान्यता दिल्याला आता नऊ वर्षे झाली आहेत. आंतरराष्ट्रीय योग दिवस 2023 चा जागतिक कार्यक्रम पंतप्रधान नरेंद्र मोदी यांच्या नेतृत्वाखाली अमेरिकेतील न्यूयॉर्कमधील संयुक्त राष्ट्र संघाच्या मुख्यालयात होणार आहे. आंतरराष्ट्रीय योग दिवस 2023 च्या निमित्ताने साजरा केल्या जाणाऱ्या राष्ट्रीय कार्यक्रमाचे नेतृत्व उपराष्ट्रपती जगदीप धनखड करणार आहेत.

धनखड 20 जून रोजी जबलपूरला पोहोचतील, तेथे ते त्यांच्या पत्नी (डॉ.) सुदेश धनखड यांच्यासमवेत प्रार्थना करतील आणि ग्वारीघाट येथे होणाऱ्या नर्मदा जी आरतीला उपस्थित राहतील. 

मध्य प्रदेशचे राज्यपाल मंगुभाई पटेल, मध्य प्रदेशचे मुख्यमंत्री शिवराज सिंह चौहान, केंद्रीय आयुष आणि बंदरे, जहाज आणि जलमार्ग मंत्री सर्बानंद सोनोवाल यांच्यासह इतर मान्यवर  सुद्धा आंतरराष्ट्रीय योग दिवस 2023 च्या या कार्यक्रमात उपस्थित राहण्याची शक्यता आहे.

* * *

N.Chitale/G.Deoda/D.Rane

सोशल मिडियावर आम्हाला फॉलो करा:@PIBMumbai    /PIBMumbai    /pibmumbai  pibmumbai[at]gmail[dot]com  /PIBMumbai    /pibmumbai