প্রধানমন্ত্রীগী লোইশঙ
প্রধান মন্ত্রী, শ্রী নরেন্দ্র মোদীনা সাউথ অফ্রিকাগী রাস্ত্রপতিগা ৱারি শানখ্রে
লুচিংবা অনি অসিনা ব্রিক্সতা কোওপরেশন পীনবা য়াওনা বাইলেতরেল, রিজনেল অমসুং গ্লোবল ইশুশিং য়েংশিনখ্রে
রাস্ত্রপতি রামাফোসানা পি.এম.দা অফ্রিকাগী লুচিংবশিংনা শান্তিগীদমক্তা লৌখৎলিবা অনৌবা থৌরাংশিং অদুগী মতাংদা খঙহনখি
পি.এম.না খুমাং চাউশিন্নবগী পাম্বৈ অমা ওইনা দাইলোগ অমসুং দিপ্লোমেসীগীদমক্তা ভারতনা তত্তনা হায়খি হায়না অমুক হন্না পল্লকখি
রাস্ত্রপতি রামাফোসানা ভারতকী জি.২০ প্রসিদেন্সীদা মহাক্না মপুং ফানা সপোর্ত তৌগনি হায়না ফোংদোরকখি
Posted On:
10 JUN 2023 10:16PM by PIB Imphal
প্রধান মন্ত্রী, নরেন্দ্র মোদীনা ঙসি রিপব্লিক ওফ সাউথ অফ্রিকাগী রাস্ত্রপতি, হিস এক্সেলেন্সী শ্রী মাতেমেলা সাইরিল রামাফোসাগা তেলিফোনদা ৱারি-ৱাতাই শানখ্রে
লুচিংবা অনি অসিনা পুৱারি ওইরবা অমসুং মীশিংগী মরক্তা লৈরিবা অচেৎপা মরি অদুদা য়ুমফম ওইবা বাইলেতরেল কোওপরেশন অদু কদাইফাওবা খুমাং চাউশিল্লবগে হায়বদু য়েংশিনখি। প্রধান মন্ত্রীনা সাউথ অফ্রিকাগী রাস্ত্রপতিবু হন্দক্কী চহি অসিগী অহৌবদা ভারত্তা চীতাহ ১২ রিলোকেত তৌখিবা অদুগীদমক্তা থাগৎপা ফোংদোকখি।
মখোয়না হন্দক্কী চহি অসিদা সাউথ অফ্রিকাগী চেয়রমেনশিপ ওইবগী মতাংদা ব্রিক্সতা কোওপরেশন পীনবা য়াওনা নাকল অনিমক্কী কান্নগদবা রিজনেল অমসুং গ্লোবল ইশুশিং কয়া অমগী মতাংদা মখোয়গী ৱাখল্লোনশিং অদুগী মতাংদশু তাথোক-তাশিন তৌনখি।
রাস্ত্রপতি রামাফোসানা পি.এম.দা অফ্রিকাগী লুচিংবশিংনা শান্তিগীদমক্তা লৌখৎলিবা অনৌবা থৌরাংশিং অদুগী মতাংদা খঙহনখি। ভারতনা য়ুক্রেনদা তুং-কোইনা শান্তি অমসুং তুংদা-লৈতাবা পুরক্নবগী পান্দমদা অনৌবা থৌরাং খুদিংমক্তা মতেং পাংখি হায়না পল্লদুনা, পি.এম.না খুমাং চাউশিন্নবগী পাম্বৈ অমা ওইনা দাইলোগ অমসুং দিপ্লোমেসীগীদমক্তা ভারতনা তত্তনা হায়খি হায়না অমুক হন্না পল্লকখি।
রাস্ত্রপতি রামাফোসানা হৌজিক চত্থরিবা ভারতকী জি.২০ প্রেসিদেন্সী অসিগী শরুক অমা ওইনা ভারতকী অনৌবা থৌরাংশিংদা মহাক্না মপুংফানা মতেং পাংগনি হায়না ফোংদোরকখি অমসুং মহাক্না ভারত্তা মহাক্কী খোংচৎকীদমক্তা খৌরাংনা ঙাইরি হায়না হায়খি।
লুচিংবা অনি অদুনা পাউ ফাওনদুনা লৈনবা য়ানখি।
***
(Release ID: 1931574)
Visitor Counter : 101
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Telugu
,
Kannada
,
Malayalam