Ka Cabinet Committee on Economic Affairs (CCEA) kaba la khlieh duh da u Myntri Rangbah Duh, u Narendra Modi ka la ai jingmynjur ia ka jingkyntiew ia ki Minimum Support Price (MSP) jong baroh ki mar rep Kharif na ka bynta ka samoi iew 2023-24.

Ka Sorkar ka la kyntiew ia ka MSP jong ki mar rep Kharif na ka bynta ka samoi iew 2023-24, ban pynthikna ba ki nongrep ki ioh ia ka dor kaba biang na ka bynta ki mar rep jong ki bad ban pynshlur ruh ka jingpynbun ia ki jait mar rep, kumba la pyni hangne harum:

Ki Minimum Support Price jong ki mar rep Kharif na ka bynta ka samoi iew (KMS) 2023-24

(T. ha man ka quintal)

*Kane ka iadei bad ka jinglut kaba kynthup ia baroh ki jinglut kum ka bai bylla, bai muid, bai kor, ka jingsiew bai wai ia ka jaka, ka jinglut ha ki symbai, ki dawai sboh, ki bai ai um, ka jinglut ha ki tiar ba pyndonkam ha ki kam rep bad ki jaka treikam, ka sut halor ka bai pyntrei, ka bai diesel/bording elektrik ban pyniaid ia ki pump bad kiwei kiwei, kiwei kiwei ki jinglut bad ka jingshongdor jong ka jingtrei bylla da ki dkhot ka longiing.

^ Ia ka jinglut ym shym la khein lakajong na ka bynta u khaw (Grade A), Jowar (Maldandi) bad Cotton (Long staple)

Ka jingkyntiew ia ka MSP ki mar rep Kharif na ka bynta ka samoi iew 2023-24 ka iahap bad ka jingpynbna ha ka Mang Tyngka 2018-19 ban buh ia ka MSP ha ka kyrdan kaba kumno kumno 1.5 shah ka jinglut jingsep ha ka jingpyntreikam haba khein ia baroh kawei ka India, kaba thmu ia ka jingkamai kaba biang ia ki nongrep. Ka jingantad ia ka jingiohnong ki nongrep hadien ka jinglut jingsep ka dei kaba la khein bun tam na u bajra (82%) bud sa u tur (58%), soybean (52%) bad urad (51%). Ia kiwei kiwei ki mar rep, ka jingiohnong ki nongrep hadien ki jinglut jingsep kadei kaba la antad ban long kumno kumno 50%.

Ha kine ki snem ba la dep, ka Sorkar ka la pynshlur ia ka jingthung ia ki mar rep, kiba lait ki shana dai, oilseed, bad ki Nutri-cereals/ Shree Anna, da kaba ai ia ka MSP kaba kham heh na ka bynta kine ki mar rep. Shuh shuh, ka Sorkar ka la sdang ruh ia ki skhim bad ki prokram bapher bapher kum ka Rashtriya Krishi Vikas Yojana (RKVY), ka National Food Security Mission (NFSM), ban pynshlur ia ki nongrep ba kin pynbun ia ki jait mar rep jong ki.

Katkum ki Advance Estimates ba lai na ka bynta u snem 2022-23, baroh ka jingpynmih ia ki mar bam ha ka ri ka dei kaba la antad ban poi sha ka 330.5 million ton kaba kham bun da 14.9 million ton haba ianujor bad u snem ba la dep 2021-22. Kane ka dei ka jingkiew kaba heh tam ha ki 5 snem ba la dep.

****