প্রধানমন্ত্রীগী লোইশঙ
প্রধান মন্ত্রী ওরিসাদা চৎখ্রে অমসুং ত্রেন গুরুং চৎখ্রবা মতুংদা মী কনবা অমসুং মতেং পাংবগী থবকশিং হন্না য়েংশিনখ্রে
মখোয়গী নুংশিরবা মীওইশিং লৈখিদ্রবা ইমুং-মনুংগীদমক সরকারনা লেপ্লি: প্রধান মন্ত্রী
অশোকপশিংদা মেদিকেলগী পাংবা য়াবা মতেং পাংনবা পায়খৎপা য়াবা থবকশিং পায়খৎকনি: প্রধান মন্ত্রী
মসিগী অৱাবা থৌদোক অসি মতেং পাংনবা অপুনবা সরকারগী থৌরাং পায়খৎলে হায়না প্রধান মন্ত্রীনা ফোঙদোকখি
খোঙলৈ থুনা থিজিন্নবা অমসুং মরাল লৈবশিং অকনবা থবক লৌখৎনবা প্রধান মন্ত্রীনা তকশিনখ্রে
প্রধান মন্ত্রীনা হায়খি মী কনবা অমসুং মতেং পাংবগী মথক্তা, ত্রেকশিং হান্নগুম শেমজিন্নবা রেলৱেজনা থবক পায়খৎলি
মতম চানা মী কনবা অমসুং মতেং পাংবগী থবকশিং পাংথোকপগীদমক ওরিসা সরকার, লোকেল এদমিনিস্ত্রেসন অমসুং মফম অদুগী মীয়াম প্রধান মন্ত্রীনা থাগৎপা ফোঙদোকখ্রে
Posted On:
03 JUN 2023 6:49PM by PIB Imphal
প্রধান মন্ত্রী শ্রী নরেন্দ্র মোদী ওরিসাদা চৎখ্রে অমসুং বালাসোরদা ত্রেন গুরুং চৎখ্রবা মতুংদা মী কনবা অমসুং মতেং পাংবগী থবকশিং হন্না য়েংশিনখ্রে। প্রধান মন্ত্রীনা ত্রেন গুরুং চৎফম অমসুং অশোকপশিং লায়য়েংলিবা হোস্পিতালশিংদা চৎখি।
প্রধান মন্ত্রীনা হায়খি ত্রেনশিং তোংদুনা চৎখিবা তোঙান-তোঙানবা রাজ্যশিংগী মীয়াম মসিগী অচৌবা খুদোংথিবা অসিনা অৱাবা তাহল্লে। অশোকপশিংদা মেদিকেলগী পাংবা য়াবা মতেং পাংনবা পায়খৎপা য়াবা থবকশিং পায়খৎকনি।মখোয়গী নুংশিরবা মীওইশিং লৈখিদ্রবা ইমুং-মনুংগী অৱাবদা সরকারনা লেপ্লি।
প্রধান মন্ত্রীনা হায়খি খোঙলৈ থুনা থিজিন্নবা অমসুং মরাল লৈবশিং অকনবা থবক লৌখৎনবা পাউতাক পীখ্রে। হৌজিক অহিং চুপ্পা চৎথরিবা মী কনবগী থবকশিংদা মতম চানা মী কনবা অমসুং মতেং পাংবগী থবকশিং পাংথোকপগীদমক ওরিসা সরকার, লোকেল এদমিনিস্ত্রেসন অমসুং মফম অদুগী মীয়াম প্রধান মন্ত্রীনা থাগৎপা ফোঙদোকখ্রে। অশোকপশিং মতেং পাংনবা ঈ কৎনবা থোরকখিবা মশিং য়াম্লবা মফম অদুগী মীওইশিং প্রধান মন্ত্রীনা থাগৎপা ফোঙদোকখি। মহাক্না হায়খি রেলৱেজনা মী কনবা অমসুং মতেং পাংবগী থবক পায়খৎলি অমসুং ত্রেকশিং হান্নগুম শেমজিন্নবা রেলৱেজনা থবক পায়খৎলি। লোকেল ওথোরিতিশিং, দিজাস্তর রিলিফ ফোর্সশিংগী মীওইশিং অমসুং রেলৱেজ ওফিসিএলশিংগা প্রধান মন্ত্রীগা ৱারি শানবদা মসিগী অৱাবা থৌদোক অসি মতেং পাংনবা অপুনবা সরকারগী থৌরাং পায়খৎলে হায়না ফোঙদোকখি।
****
(Release ID: 1929838)
Visitor Counter : 126
Read this release in:
Kannada
,
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam