প্রধানমন্ত্রীগী লোইশঙ
প্রধান মন্ত্রীনা জুন ৩দা গৱাগী অহানবা বন্দে ভারত এক্সপ্রেস লমথাগনি
মসি লৈবাক অসিগী ১৯শুবা বন্দে ভারত ত্রেন ওইগনি
বন্দে ভারতনা মুম্বাই অমসুং গৱাগী মরক্তা চৎথোক-চৎশিন্দা চাউরাক্নবা পুং ৭:৩০ রোম চঙগনি; রুত অসিদা হৌজিক খ্বাইদগী য়াংবা ত্রেনগা চাংদম্নবদা পুং ১গী মতম কনবা ঙম্লগনি
ত্রেন অসিনা পেসেঞ্জরশিংদা মালেম থাক্কী খুদোংচাবশিং পীরগনি অমসুং তুরিজম চাউখৎহল্লগনি
Posted On:
02 JUN 2023 1:27PM by PIB Imphal
প্রধান মন্ত্রী শ্রী নরেন্দ্র মোদীনা জুন ৩গী অয়ুক পুং ১০:৩০ তাবদা ভিদিও কনফরেন্সকী খুৎথাংদা মদগাউন রেলৱে স্তেসন্দগী গৱাগী অহানবা বন্দে ভারত এক্সপ্রেস লমথারগনি।
প্রধান মন্ত্রীগী ‘মেক ইন ইন্দিয়া’ অমসুং অত্মানির্ভর ভারতগী পান্দম থবক ওইনা পাংথোক্তুনা, বন্দে ভারত এক্সপ্রেসনা মুম্বা-গৱাগী মরক্তা চৎথোক-চৎশিনগী ফিবম ফগৎহল্লগনি অমসুং লমদম অসিগী মীয়ামদা য়াংনা অমসুং নুংঙাইনা চৎনবগী খুদোংচাবা পীরগনি। মসি লৈবাক অসিগী ১৯শুবা বন্দে ভারত ত্রেন ওইরগনি।
ত্রেন অসিনা মুম্বাইগী ছাত্রপতি সিবাজি মহারাজ তর্মিনস অমসুং গৱাগী মদগাউন স্তেসন অনিগী মরক্তা চেনগনি। বন্দে ভারতনা মুম্বাই অমসুং গৱাগী মরক্তা চৎথোক-চৎশিন্দা চাউরাক্নবা পুং ৭:৩০ রোম চঙগনি; রুত অসিদা হৌজিক খ্বাইদগী য়াংবা ত্রেনগা চাংদম্নবদা পুং ১গী মতম কনবা ঙম্লগনি।
লৈবাক অসিনা মশানা শাজবা ত্রেন অসিদা, মালেম থাক্কী খুদোংচাবশিং অমসুং কভচ তেক্নোলোজি য়াওনা অৱাংবা থাক্কী অশোই-অঙাম ঙাকথোক্নবা খুদোংচাবশিং য়াওরে অমসুং মসিনা রাজ্য অনিমক্তা তুরিজম চাউখৎহনগনি।
******
(Release ID: 1929336)
Visitor Counter : 117
Read this release in:
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam