ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ପ୍ରଧାନମନ୍ତ୍ରୀ ମେ ୨୫ତାରିଖ ଦିନ ଖେଲୋ ଇଣ୍ଡିଆ ବିଶ୍ୱ ବିଦ୍ୟାଳୟ କ୍ରୀଡାର ତୃତୀୟ ସଂସ୍କରଣ ଉଦ୍ଘାଟନର ଘୋଷଣା କରିବେ
ଏଥିରେ ୨୦୦ରୁ ଅଧିକ ବିଶ୍ୱବିଦ୍ୟାଳୟର ୪୭୫୦ରୁ ଅଧିକ କ୍ରୀଡାବିତ୍ ଅଂଶଗ୍ରହଣ କରିବେ, ଯେଉଁମାନେ ମୋଟ ୨୧ଟି ଖେଳରେ ପ୍ରତିଦ୍ୱନ୍ଦିତା କରିବେ
କ୍ରୀଡାର ମାସ୍କଟର ନାମ ଜିତୁ ରଖାଯାଇଛି, ଯାହା ଉତ୍ତରପ୍ରଦେଶର ରାଜ୍ୟ ପ୍ରାଣୀ ବାରାସିଂହାର ପ୍ରତିନିଧିତ୍ୱ କରୁଛି
ମେ ୨୫ତାରିଖରୁ ଜୁନ ୩ତାରିଖ ପର୍ଯ୍ୟନ୍ତ ଏହି କ୍ରୀଡା ପ୍ରତିଯୋଗିତା ଆୟୋଜିତ ହେବ
प्रविष्टि तिथि:
24 MAY 2023 3:42PM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ମେ ୨୫ତାରିଖ ସନ୍ଧ୍ୟା ୭ଟାରେ ଭିଡିଓ କନ୍ଫରେନ୍ସିଂ ଯୋଗେ ଖେଲୋ ଇଣ୍ଡିଆ ବିଶ୍ୱ ବିଦ୍ୟାଳୟ କ୍ରୀଡା ୨୦୨୨ ଉଦ୍ଘାଟନର ଘୋଷଣା କରିବେ ।
ପ୍ରଧାନମନ୍ତ୍ରୀ ଦେଶରେ କ୍ରୀଡା ସଂସ୍କୃତିକୁ ବିକଶିତ କରିବା ଏବଂ ଯୁବପିଢୀକୁ ଖେଳିବା ପାଇଁ ପ୍ରୋତ୍ସାହିତ କରିବା ଉପରେ ବିଶେଷ ଧ୍ୟାନ ଦେଇଆସୁଛନ୍ତି । ଉଦୀୟମାନ କ୍ରୀଡାବିତ୍ମାନଙ୍କୁ ସମର୍ଥନ ଯୋଗାଇ ଦେବା ନିମନ୍ତେ ସରକାରଙ୍କ ଦ୍ୱାରା ବିଭିନ୍ନ ଯୋଜନାର ଶୁଭାରମ୍ଭ କରାଯାଇଛି ଏବଂ ଦେଶରେ କ୍ରୀଡାର ପରିବେଷ୍ଟନୀ ତନ୍ତ୍ରକୁ ମଜବୁତ କରିବାର ପ୍ରୟାସ ଜାରି ରହିଛି । ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡାର ଆୟୋଜନ ଏହି ଦିଗରେ ଆଉ ଏକ ପଦକ୍ଷେପ ଅଟେ ।
ଚଳିତବର୍ଷ ତୃତୀୟ ଖେଲୋ ଇଣ୍ଡିଆ ବିଶ୍ୱବିଦ୍ୟାଳୟ କ୍ରୀଡାର ଆୟୋଜନ ମେ୨୫ତାରିଖରୁ ଜୁନ ୩ତାରିଖ ପର୍ଯ୍ୟନ୍ତ ଉତ୍ତରପ୍ରଦେଶରେ କରାଯିବ । ଏହି ପ୍ରତିଯୋଗିତା ଗୁଡିକ ବାରାଣସୀ, ଗୋରଖପୁର, ଲକ୍ଷ୍ନୌ ଏବଂ ଗୌତମବୁଦ୍ଧ ନଗରରେ ଆୟୋଜିତ ହେବ । ଏଥିରେ ୨୦୦ରୁ ଅଧିକ ବିଶ୍ୱବିଦ୍ୟାଳୟର ୪୭୫୦ରୁ ଅଧିକ ଖେଳାଳୀ ଭାଗ ନେବେ, ଯେଉଁମାନେ ୨୧ଟି ବିଭାଗରେ ପ୍ରତିଦ୍ୱନ୍ଦ୍ୱିତା କରିବେ । କ୍ରୀଡା ଉତ୍ସବର ଉଦ୍ଯାପନୀ ସମାରୋହ ଜୁନ ୩ତାରିଖ ଦିନ ବାରାଣସୀରେ ଆୟୋଜିତ ହେବ ।
କ୍ରୀଡାର ଶୁଭଙ୍କର ନାମ ଜିତୁ ଅଟେ । ଯାହା ଉତ୍ତରପ୍ରଦେଶର ରାଜ୍ୟ ପ୍ରାଣୀ ବାରାସିଂହାର ପ୍ରତିନିଧିତ୍ୱ କରୁଛି ।
*****
JPM/SLP
(रिलीज़ आईडी: 1927015)
आगंतुक पटल : 177
इस विज्ञप्ति को इन भाषाओं में पढ़ें:
Punjabi
,
Kannada
,
Assamese
,
English
,
Urdu
,
Marathi
,
हिन्दी
,
Manipuri
,
Bengali
,
Gujarati
,
Tamil
,
Telugu
,
Malayalam