কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰী ডাঃ মানসুখ মাণ্ডভিয়াই বিশ্ব স্বাস্থ্য সংস্থাৰ সঞ্চালক প্ৰধান ডাঃ টেড্ৰ’ছ আৰু সমগ্ৰ বিশ্বৰ স্বাস্থ্য মন্ত্ৰীসকলৰ উপস্থিতিত ‘সকলোৰে বাবে স্বাস্থ্য’ বিষয়ক কেন্দ্ৰ কৰি বিশ্ব স্বাস্থ্য সভাৰ ৭৬ সংখ্যক অধিৱেশনত ভাষণ প্ৰদান কৰে।

স্বাস্থ্য জৰুৰীকালীন প্ৰস্তুতি, চিকিৎসা প্ৰতিৰোধৰ প্ৰৱেশাধিকাৰ আৰু ডিজিটেল স্বাস্থ্যৰ ক্ষেত্ৰত জি-২০ ভাৰতৰ স্বাস্থ্যৰ অগ্ৰাধিকাৰৰ কথা উল্লেখ কৰি ডাঃ মাণ্ডভিয়াই কয়, "কোভিড-১৯ মহামাৰীৰ অভূতপূৰ্ব পৰিস্থিতিয়ে ভৱিষ্যতৰ স্বাস্থ্য প্ৰত্যাহ্বানৰ মোকাবিলা কৰিবলৈ প্ৰস্তুত এক অধিক সংযোজিত বিশ্বৰ কাৰ্যসূচী শক্তিশালী কৰাত অধিক সেৱা আগবঢ়াইছে।

কেন্দ্ৰীয় স্বাস্থ্য মন্ত্ৰীয়ে আঞ্চলিক নেটৱৰ্ক আৰু গ্ল’বেল ইনিচিয়েটিভ ফৰ ডিজিটেল হেল্থৰ জৰিয়তে বিতৰণ কৰা উৎপাদন আৰু অনুসন্ধান আৰু বিকাশৰ সৈতে গ্ল’বেল মেডিকেল কাউণ্টাৰমিজাৰ্ছ প্লেটফৰ্মৰ প্ৰস্তাৱ আগবঢ়ায়। আৰু বিশদভাৱে তেওঁ কয় যে “গ্ল’বেল মেডিকেল কাউণ্টাৰমেজাৰ প্লেটফৰ্মৰ লক্ষ্য হৈছে সকলো দেশতে নিৰাপদ, উচ্চমানৰ, খৰচ-বহনক্ষম চিকিৎসা প্ৰতিকাৰৰ ন্যায্য প্ৰৱেশ নিশ্চিত কৰা।”

বিশ্বব্যাপী ডিজিটেল বিভাজন দূৰ কৰাৰ প্ৰয়োজনীয়তাৰ কথা উল্লেখ কৰি ডাঃ মাণ্ডভিয়াই লগতে কয়, "ডিজিটেল স্বাস্থ্যৰ ওপৰত গোলকীয় পদক্ষেপে বিশ্বৰ বাবে আৰু বিশেষকৈ নিম্ন আৰু মধ্য আয়ৰ দেশসমূহৰ বাবে ডিজিটেল সঁজুলিৰ গণতান্ত্ৰিককৰণৰ বাবে ডিজিটেল ৰাজহুৱা সামগ্ৰীৰ প্ৰচাৰৰ ক্ষেত্ৰত সহমত গঢ়ি তোলাত সহায় কৰিব।" তেওঁ পুনৰ কয় যে "ডিজিটেল স্বাস্থ্যৰ ওপৰত গোলকীয় উদ্যোগৰ উদ্দেশ্য হৈছে প্ৰতিষ্ঠানগত পৰিকাঠামো হিচাপে কাম কৰা আৰু অত্যাধুনিক প্ৰযুক্তিৰ ব্যৱহাৰৰ সৈতে উদ্দেশ্যপূৰ্ণ ডিজিটেল সমাধানৰ বাবে এক ক্ষিপ্ৰ আৰু উপযুক্ত প্ৰদান কৰা।"

ডাঃ মান্দভিয়াই নি-ক্ষয়(Ni-kshay)প্লেটফৰ্মক স্বাস্থ্য প্ৰযুক্তিত উদ্ভাৱন আৰু বিনিয়োগৰ উদাহৰণ হিচাপে উল্লেখ কৰে। ইয়াৰ জৰিয়তে যক্ষ্মা ৰোগীৰ অন্তিম যত্ন, প্ৰদানকাৰীৰ ৱৰ্কফ্লো আৰু প্লেটফৰ্মত অন্তৰ্ভুক্ত যত্নৰ কেচকেডৰ ডিজিটাইজেশ্বনৰ দ্বাৰা প্ৰমাণিত নিজৰ গাণিতিক আৰ্হিৰ দ্বাৰা যক্ষ্মা দূৰ কৰাৰ ভাৰতৰ প্ৰতিশ্ৰুতিৰ কথা দোহাৰে।

"সকলোৰে বাবে স্বাস্থ্য"ৰ কাৰ্যসূচীক অগ্ৰাধিকাৰ দিয়াৰ বাবে বিশ্ব স্বাস্থ্য সংস্থাক প্ৰশংসা কৰি ডাঃ মাণ্ডভিয়াই কয়, "বিষয়বস্তুটোৱে ভাৰতৰ জি-২০ সভাপতিত্বৰ থিম 'এক পৃথিৱী, এক পৰিয়াল, এক ভৱিষ্যত' আৰু লগতে "অন্ত্যোদয়া"ৰ ধাৰণাটোৰ সৈতে অনুৰণন বিচাৰি পাইছে, যাৰ অৰ্থ হৈছে দূৰৱৰ্তী অঞ্চলৰ অন্তিমজন ব্যক্তিৰ ওচৰলৈ যোৱা।"

কেন্দ্ৰীয় স্বাস্থ্য মন্ত্ৰীগৰাকীৰ সম্বোধনৰ সম্পূৰ্ণ পাঠ তলত দিয়া ধৰণৰ:

স্বাস্থ্যসেৱাৰ পৰিৱেশ তন্ত্ৰক শক্তিশালী কৰাৰ দিশত আমাৰ সামূহিক প্ৰচেষ্টাৰ সামগ্ৰিক বিষয়বস্তু “সকলোৰে বাবে স্বাস্থ্য”ৰ কাৰ্যসূচীক অগ্ৰাধিকাৰ দিয়াৰ বাবে ভাৰতে বিশ্ব স্বাস্থ্য সংস্থাক স্বীকৃতি দিয়ে। ভাৰতৰ পথ প্ৰদৰ্শক নীতি “অন্ত্যোদয়া”ৰ পৰা এই বিষয়বস্তুৱে আজিৰ পৃথিৱীৰ আন্তঃসংযোগক উজ্জ্বল কৰি তুলিছে।

কোভিড-১৯ৰ অ-প্ৰত্যাশিত সংকটে আমাৰ বিশ্বৰ কাৰ্যসূচীক অধিক শক্তিশালী কৰি তুলিছে আৰু ইয়াৰ পৰিপ্ৰেক্ষিতত মাননীয় প্ৰধানমন্ত্ৰী শ্ৰী নৰেন্দ্ৰ মোদীজীয়ে ভাৰতৰ জি-২০ সভাপতিত্বক এক পৃথিৱী, এক পৰিয়াল, এক ভৱিষ্যতৰ পথপ্ৰদৰ্শক নীতিৰে বৰ্ণনা কৰে। আমাৰ জি-২০ সভাপতিত্বৰ অধীনত ভাৰতে সাৰ্বজনীন স্বাস্থ্য কভাৰেজ প্ৰাপ্ত কৰাৰ বাবে স্বাস্থ্য জৰুৰীকালীন প্ৰস্তুতি, চিকিৎসা প্ৰতিৰোধী ব্যৱস্থা আৰু ডিজিটেল স্বাস্থ্যৰ প্ৰৱেশাধিকাৰক অগ্ৰাধিকাৰ দিছে। যক্ষ্মা ৰোগৰ বোজা দূৰ কৰিবলৈ ভাৰতে সক্ৰিয় পদক্ষেপ ল'বলৈ সমানে প্ৰতিশ্ৰুতিবদ্ধ। ভাৰতে নিজৰ গাণিতিক আৰ্হি বিকশিত কৰিছে। ই অধিক বাস্তৱবাদী আৰু সকলো স্থানীয় প্ৰমাণৰ কাৰক।

স্বাস্থ্য প্ৰযুক্তিৰ ক্ষেত্ৰত আমাৰ শক্তিক লাভৱান কৰি নি-ক্ষয় প্লেটফৰ্মে ৰোগীৰ শেষৰ পৰা শেষলৈ যত্ন, প্ৰদানকাৰীৰ কৰ্মপ্ৰবাহ, আৰু যত্নৰ ধাৰাটোৰ ডিজিটেলাইজেচন প্ৰদান কৰে। মহামহিমসকল, আমি আঞ্চলিক নেটৱৰ্কৰ জৰিয়তে বিতৰণ কৰা উৎপাদন আৰু অনুসন্ধান আৰু বিকাশৰ সৈতে গ্ল’বেল মেডিকেল কাউণ্টাৰমেজাৰ প্লেটফৰ্মৰ লগতে বিশ্বব্যাপী ডিজিটেল বিভাজন দূৰ কৰিবলৈ ডিজিটেল হেল্থৰ বাবে গ্ল’বেল ইনিচিয়েটিভৰ প্ৰস্তাৱো আগবঢ়াইছো।

গ্ল’বেল মেডিকেল কাউণ্টাৰমেজাৰ প্লেটফৰ্মৰ লক্ষ্য হৈছে সকলো দেশতে নিৰাপদ, উচ্চমানৰ, খৰচ-বহনক্ষম চিকিৎসা প্ৰতিকাৰৰ ন্যায্য প্ৰৱেশ নিশ্চিত কৰা। ডিজিটেল হেল্থৰ ওপৰত গ্ল'বেল ইনিচিয়েটিভে এটা প্ৰতিষ্ঠানিক কাঠামো হিচাপে কাম কৰিব আৰু অত্যাধুনিক প্ৰযুক্তিৰ ব্যৱহাৰৰ সৈতে উদ্দেশ্যৰ বাবে উপযুক্ত ডিজিটেল সমাধান প্ৰদান কৰাৰ লক্ষ্য ৰাখিব। এই পদক্ষেপৰ জৰিয়তে, আমি ডিজিটেল সঁজুলিৰ অনুকূলন আৰু গণতান্ত্ৰিককৰণৰ বাবে ডিজিটেল ৰাজহুৱা সামগ্ৰীৰ প্ৰচাৰৰ ওপৰত সহমত গঢ়ি তুলিছো, বিশ্বৰ বাবে আৰু বিশেষকৈ নিম্ন আৰু মধ্য আয়ৰ দেশসমূহৰ বাবে(এলএমআইচি)। মহামান্য ব্যক্তিসকলে, স্বাস্থ্যসেৱা প্ৰণালীত চলি থকা কোভিড ক্লান্তি স্বত্বেও, আমি আমাৰ প্ৰচেষ্টাত স্থিৰ হৈ থাকিব লাগিব। সকলোৰে বাবে স্বাস্থ্য কেৱল এক মহৎ আকাংক্ষা নহয়, কিন্তু এক গুৰুত্বপূৰ্ণ আৱশ্যকতা।

মই সকলোকে নীতিৰ পৰা কাৰ্য্যলৈ আগবাঢ়ি যাবলৈ আৰু সুস্থ ভৱিষ্যতৰ বাবে একেলগে কাম কৰিবলৈ আহ্বান জনাইছো। ধন্যবাদ!

ডাঃ মাণ্ডভিয়াৰ ভাষণ এই লিংকসমূহত চাব পাৰেঃ

https://www.youtube.com/watch?v=gdjySw1_IAo

https://www.youtube.com/watch?v=52lYgc326eg

ডাঃ মাণ্ডভিয়াৰ ভাষণৰ টুইটাৰ লিংকসমূহ তলত দিয়া ধৰণৰ:

https://twitter.com/mansukhmandviya/status/1660995459945750529

https://twitter.com/mansukhmandviya/status/1661027076533813249

https://twitter.com/mansukhmandviya/status/1661034966736830467

*****