প্রধানমন্ত্রীগী লোইশঙ
প্রধান মন্ত্রীনা কোরিয়াগী রাস্ত্রপতিগা উনখ্রে
Posted On:
20 MAY 2023 12:06PM by PIB Imphal
মে ২০,২০২৩দা হিরোসিমাদা জি-২০ মীফমগী ৱাংমদা প্রধান মন্ত্রী শ্রী নরেন্দ্র মোদীনা খা কোরিয়াগী রাস্ত্রপতি য়ুন সুক য়িওলগা উনখ্রে।
লুচিংবশিংনা ভারত-কোরিয়াগী অখন্নবা মরুপ-মপাং ওইবা মরী চাউখৎহন্নবা ৱা খন্নখি অমসুং ললোন-ইতিক, শেন থাদবা, অৱাংবা থাক্কী তেক্নোলোজি, আই.তি হার্দৱার শাবা, ঙাক-শেন, সেমিকন্দক্তরশিং অমসুং কলচরগী হিরমশিংদা লৈবাক অনি মতেং পীনবা হেনগৎহন্নবা লম্বীশিং খন্নখি।
চহি অসিদা লৈবাক অনিনা দিপ্লোমেতকী মরী লৈনরকপা চহি ৫০শুরকপগী থৌরম পাংথোক্নবা লুচিংবশিংনা খন্নখি অমসুং মখা তানা মখোয় মতেং পাংনবা হেনগৎহনবা হায়না য়ানখি।
প্রধান মন্ত্রীনা জি-২০গী লুচিংবা ওইরিবা অসি রাস্ত্রপতি য়ুন সুক য়িওলনা থাগৎপা ফোঙদোকখি অমসুং মহাক্কী শৌগৎপা ফোঙদোকখি। চহি অসিগী সেপ্তম্বর থাদা পাংথোক্কদৌরিবা জি-২০ লুচিংবশিংগী মীফমদা শরুক য়ানা রাস্ত্রপতি য়ুনগী ভারত খোঙচৎতা লাক্নবা প্রধান মন্ত্রীনা থাজবা থমখি।
কোরিয়াগী ইন্দো-পেসিফিক লাল্লোং অমসুং মসিদা ভারতনা থম্লিবা থাজবা প্রধান মন্ত্রীনা তরাম্না ওকখি।
লৈবাক অনিগী মরক্তা হৌজিক ওইরক্লিবশিংগী মতাংদা লুচিংবশিংনা অফবা ৱাখল্লোলশিং ফোঙদোক্নখি।
***
(Release ID: 1926604)
Visitor Counter : 92
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam