শক্নাইরবশিং,

ঙসি ঐখোয় পুৱারিগী মরুওইবা তাঙ্কক অমদা হিংলি। ঙসি অৱাবা কয়া মায়োক্নরিবা মালেম অমদা থেংনরিবা খ্বাইদগী চাউবা অৱাবশিংগী মরক্তা অইং-অশাগী ফিবম হোংলকপা, অকোয়বগী ফিবম কাইরকপা অমসুং ইনর্জি ৱাৎপা য়াওরি। হায়রিবা অচৌবা খুদোংচাদবশিং অসি মায়োক্নবদা অপনবা পীরিবশিংগী মনুংদা ইনর্জিগী মীৎয়েংদগী ঐখোয়না অইং-অশাগী ফিবম হোংলকপা উরি। ঐখোয়গী খন্ন-নৈনবগী পান্দম ঐখোয়না পাকথোক-চাউথোকহনগদবনি।

ভারতকী সভেত্যদা মালেম অসি ইমা ওইনা লৌরি। থেংনরিবা খুদোংচাদবশিং কোকহন্নবা ঐখোয় মালেম ইমানা কৌবা তাগদবনি। মরম চানা অদোম্না অদোমগী লমচৎ-শাজৎ হোংগদবনি। মসিগী ৱাখল্লোন অসিদা, ভারতনা মালেম পুম্নমক্কী ওইনা ইন্সতিতুৎশিংনা অৱাবশিং কোকহন্নবা মিসন লাইফ, ইন্তরনেসনেল সোলার এল্লাইন্স, কোলিএসন ফোর দিজাস্তর রেসিলিয়েন্ত ইনফ্রাস্ত্রকচর, মিসন হায়দ্রোজেন, বাইওফুএল এল্লাইন্স, বিগ কেত এল্লাইন্স শেম্লে। “পর দ্রোপ মোর ক্রোপ”গী মিসনগী মখাদা ঈশিং দ্রোপ খুদিংমক লীক্না শীজিন্নদুনা ঙসি ভারতকী লৌমীশিং চাউখৎপগী লম্বীদা চঙশিল্লে।  ২০২৭ ফাওবগী মনুংদা মৈখু থাদোক্তবা ঐখোয়গী পান্দমগী মাইকৈদা ঐখোয় য়াংনা চঙশিল্লি।

ঐখোয়গী পাক-চাউরবা রেলৱে নেতৱার্ক ২০৩০ ফাওবগী মনুংদা মৈখু থাদোক্তনবা ৱারেপ লৌরে। হৌজিক ভারতকী রিনিউএবল ইনর্জি পুথোকপা ঙম্বা অসি গিগাৱাত ১৭৫ রোম্নি। ২০৩০দা মসি গিগৱাত ৫০০ য়ৌরগনি। মালেমদা ঐখোয়গী দাইত্ব লৈবা মরম্না ঐখোয়না পাংথোকফম থোকপা থবকশিং ঐখোয়না খন্নরি। মসিগী ৱাখল্লোন অসি ঐখোয়গী চাউখৎপগী য়ুম্ফমনি অমসুং ঐখোয়গী চাউখৎপগী খোঙচৎকী অচৌবা পান্দমশিং ওইরি। অকোয়বগী ফিবমগী মতাংদা পায়খৎলিবা থবকশিং অসি খুরৌ থাংবা অমা নত্তে, মসি ভারতকী চাউখৎপগী খোঙজেলগী ইনোৎ অমনি।

শক্নাইরবশিং,

ক্লাইমেত এক্সনগী মাইকৈদা য়াংনা চঙশিন্দুনা, ঐখোয়না মৈ থাংদবা অমসুং অকোয়বগী ফিবম শোকহন্দবা সপ্লাই চেন তেক্নোলোজি শেমগদবনি। করিগুম্বা ঐখোয়না লায়রবা লৈবাকশিংদা তেক্নোলোজি অমসুং শেন্থং পীদ্রবদি, ঐখোয়না খন্নরিবা অসি ৱা তানবা ওইরগা তোক্কনি। থবক ওইনা অহোংবা অমতা পুরকপা ঙম্লোই।

অকোয়বগী ফিবম অমসুং মখোয়গী থৌদাংশিংগী মরমদা ভারতকী মীয়াম ফজনা খঙই হায়না ঐনা চাউথোকচনা হায়রি। মসিগী দাইত্ব খঙবগী ৱাখল অসি চহিচা কয়া ঐখোয়গী শিংলিশিংদা চেন্দুনা লাক্লি। লৈবাক অসিগী মীওই খুদিংমক্কী পাংথোকপা থোকপা থৌদাংশিং পাংথোক্নবা ভারতনা মপুংফানা থৌরাং তৌরে।

অদোম থাগৎচরি।

***