প্রধান মন্ত্রী শ্রী নরেন্দ্র মোদীনা স্তেতৱাইদ এতেন্সন ওন গ্রাইবেন্স বাই এপ্লিকেসন ওফ তেক্নোলোজী – SWAGAT খোঙথাংনা চহি 20 মপুং ফাবগী থৌরমদা ভিদিও কনফরেন্সিংগী খুত্থাংদা ঙসি ৱা ঙাঙখ্রে। গুজরাত সরকারনা খোঙথাং অসি চহি 20 মায় পাক্না মপুং ফাবগীদমক্তা SWAGAT সপ্তাহ পাংথোক্লি।

প্রধান মন্ত্রীনা থৌরম মনুংদা স্কিম অসিগী মমাংগী বেনিফিশরীশিংগা ৱারী শাখি।

প্রধান মন্ত্রীনা ঙসিগী তিনখিবা মীয়ামদা ৱা ঙাঙবদা SWAGAT হৌদোকপখিবগী পান্দমশিং মায় পাক্না ফংবা ঙমখিবসিদা নুংঙাইবা ফোংদোকখি অমসুং মসিদা মীয়াম্না মখোয়গী শিংনবশিংগী ৱারোইশিন ফংখিবদা নত্তনা মীওই চাম্ম-চাম্মগী খুন্নাইগী ৱাকৎ কয়াসু থাংগৎপা ঙমখি। “সরকারনা মীয়াম্বু মরুপ মপাংগুম্না লোইনগদবনি অমসুং মীচম মীয়াম্না মখোয়গী শিংনবা অমসুং খুদোংচাদবশিংবু মখোয়গা কোয়দনা তানবা য়াহনগদবনি”, প্রধান মন্ত্রীনা হায়খি। SWAGAT খোঙথাং অসিনা চহি 20 মপুং ফারক্লে হায়না পল্লদুনা মহাক্না স্কিম অসিগী বেনিফিশরীশিংগা মমাংদা ৱারী শাখিবগী মতম কয়া নিংশিংখি। SWAGATপু মায় পাকপা খোঙথাং অমা ওইহল্লিবসি মীচম মীয়াম্না খোঙফম চেৎপা অমসুং হোৎনবদগীনি হায়রদুনা মহাক্না থৌওং অসিদা শরুক য়াখিবা পুম্নমকপু থাগৎপা ফোংদোকখি।

স্কিম অসি হৌদোকখিবা মতমদা লৈখিবা ৱাখল্লোন অমসুং পান্দম্না স্কিম অসিগী মরাইবক লেপখিবনি হায়না প্রধান মন্ত্রীনা হায়খি। মহাক্না মুখ্য মন্ত্রী ওইবা কুইদ্রিঙৈদা 2003দা স্কিম অসি হৌদোকখিবা মতমদা শক্তি পায়রকপনা মীওই অমবু হোংহল্লি হায়বা মীয়ামগী মিৎয়েং মাইয়োক্নখি হায়না ফোংদোকখি। মহাক্তি চৌক্রিনা মশাদা অহোংবা অমত্তা পুহল্লকপা ঙম্লোই হায়বগী থাজবা লৈখি হায়না মহাক্না ফোংদোকখি। “ঐহাক্তি চৌক্রিগী অকক্নবনা পুন্দুনা লৈরোই হায়বা ঐহাক খঙই। ঐহাক্তি মীয়াম মরক্তা মখোয়গীদমক্তা লৈগনি”, মহাক্না হায়খি। মসিগী ৱাখল চেৎপা অসিনা স্তেতৱাইদ এতেন্সন ওন গ্রাইবেন্স বাই এপ্লিকেসন ওফ তেক্নোলোজী – SWAGAT শেমখিবনি। SWAGAT হৌদোকপগী ৱাখল্লোন্দি লেজিস্লেসন নত্ত্রগা ৱারোইশিন পুরকপা য়াওনা গনতন্ত্রগী ইন্সতিত্যুসনগী থৌওংশিংদা মীচম মীয়াম্বু শরুক য়াহনবনি হায়না প্রধান মন্ত্রীনা হায়খি। “SWAGATনা নুংঙাইবা পুন্সি মহিং অমসুং লৈঙাক্না য়ৌশিনবা হায়বা ৱাখল্লোনবু শৌগৎলি”, প্রধান মন্ত্রীনা হায়খি।

সরকারনা থম্মোই শেংনা অমসুং কত্থোকপগা লোয়ননা হোৎনবা কয়ানা মরম ওইরগা গুজরাতকী অফবা লৈঙাক্কী মোদেলবু মালেম্না শকখঙনরি হায়না মহাক্না মীয়ামগী পুক্নিং চিংশিনখি। SWAGAT অসিদি ই-ত্রান্সপরেন্সী অমসুং ই-একাউন্তেবিলিতীগী মগুন চেনবা নিংথীনা লৈঙাকপগী খ্বাইদগী মতিক চারবা খুদম অমনি হায়না  ইন্তর্নেস্নেল তেলিকোম ওর্গনাইজেসন্না লাউথোকখ্রবনি হায়না প্রধান মন্ত্রীনা পনখি। য়ুনাইতেদ নেসন্সনা SWAGATপু য়াম্না থাগৎলি অমসুং পব্লিক সর্ভিসকী ইকায় খুম্ননিংঙাই ওইরবা মনাসু পীরকখ্রে হায়না মহাক্না মখা তাখি। কংগ্রেসনা পাল্লিঙৈগী ভারত সরকারগী মফমদগী গুজরাতনা ইং 2011দা SWAGATনা মরম ওইদুনা ই-গবর্নেন্সকী গোল্দ মেদলসু ফংখি হায়না মহাক্না মখা তাখি।

“ঐহাক্কী ওইবা খ্বাইদগী চাউবা মনাদি ঐখোয়না SWAGATকী খুত্থাংদা গুজরাতকী মীয়ামগী সেবা তৌবা ঙম্বা অসিনি”, প্রধান মন্ত্রীনা হায়খি। ঐখোয়না SWAGATকী মনুংদা প্রেক্তিকেল ওইবা পথাপ অমা শেমখি। SWAGATকী মখাদা লৈবা পব্লিক হিয়ারিংগী অহানবা পথাপ অসি ব্লোক অমসুং তেহসিলগী থাক্তা শেমখি। মদুগী মতুংদা, দিস্ত্রিক্ত মেজিস্ত্রেতপু জিলাগী থাক্কী থৌদাং লৌহনখি। অদুগা রাজ্যগী থাক্কী ওইনা, মহাক মশামক্না থৌদাং লৌখি হায়না প্রধান মন্ত্রীনা পাউদমখি। মসিনা মরম ওইরগা, মহাক্না খোঙথাং অমসুং স্কিম অসিগী মপাঙ্গল অমসুং মসিনা মীয়ামদা কয়া য়াম্না য়ৌবা ঙম্বগে হায়বগা লোয়ননা ইমপ্লিমেন্ত তৌরিবা এজেন্সী অমসুং এন্দ বেনিফিশরীশিংগী মরক্তা লৈনবা মরীবুসু নিংথীনা খঙবা ঙমহনখি হায়না প্রধান মন্ত্রীনা ফোংদোকখি। SWAGATনা মীয়ামদা পাঙ্গল হাপখি অমসুং মীয়ামগী থাজবসু ফংবা ঙমখি।

SWAGAT থৌরম অসি চয়োল অমদা অমুকখক পাংথোকপা ওইরবসু, ৱাকৎ মশিং য়াম্না লাকপনা মরম ওইরগা মসিগা মরী লৈনবা থবকশিংদি থা অদুমা লেপ্তনা চত্থদুনা লৈ হায়না প্রধান মন্ত্রীনা হায়খি। অতোপ্পশিংগা চাংদম্নবদা ৱাকৎ মশিং হেন্না য়াম্বা অখন্নবা বিভাগ, ওফিসর নত্ত্রগা মফম য়াওবরা হায়না মহাক্না কুপ্না য়েংশিনবগী থৌওং চত্থৈ হায়না মহাক্না হায়খি। “য়াম্না কুপ্না খন্ন-নৈনখি, তঙাই ফদবা লৈরবদি পোলিসীশিংদা শেমদোক শেঞ্জিন্সু তৌখি”, শ্রী মোদীনা মখা তারদুনা অসুম্না হায়খি, “মসিনা মীয়াম্না ঐখোয়বু থাজবা হেনগৎহল্লি”। খুন্নাই অমবু নিংথীনা লৈঙাকপগী চাং অসিদি পব্লিক গ্রাইবেন্স রিদ্রেসেল সীস্তেমগী মগুন্দা ওল্লি অমসুং মসিনা গনতন্ত্রগী তসেংবা চাংয়েংসু ওইরিবনি হায়না মহাক্না হায়খি।

সরকারগী ওইনা হান্নদগী চৎনদুনা লৈরবা অরিবা কাঙলোন ইনবগী মতাংদা SWAGATনা অহোংবা অমা পুরকখি হায়না প্রধান মন্ত্রীনা হায়খি। “লৈঙাকপা হায়বসি অরিবা আইন অমসুং কাঙলোন্দা অকক্নবা লৈতে, লৈঙাকপা হায়বসি ইন্নোভেসন অমসুং অনৌবা ৱাখল্লোন্না ঙমহল্লি হায়না ঐখোয়না তাক্লে”, মহাক্না মখা তাখি। ইং 2003দা মতমদুগী সরকারনা ই-গবর্নেন্সতা অহেনবা মিৎয়েং চঙলমদে হায়না শ্রী মোদীনা হায়খি। চে-চাং শেন্নবা হায়বসিনা থবক থেংথহনবা অমসুং মওং মরিল তাদবগী থৌওং য়াম্না থোকহল্লি অদুগা ভিদিও কনফরেন্সিংগী চৎনবী অসিদি মতমদুদা কনামত্তা খঙনদ্রি। “মসিগুম্বা মতম অসিদা গুজরাতনা তুংগী মতমগী ৱাখল্লোন্দা থবক তৌখি। অদুনা ঙসিদি, SWAGATকুম্বা পথাপ অসিনা লৈঙাকপগা মরী লৈনবা ৱারোইশিন কয়া পুরকপদা ইথিল কয়া অমা পীরি। রাজ্য কয়া অমনা মসিগুম্বা মখলগী পথাপ্তা থবক তৌনরি। ঐখোয়না কেন্দ্র সরকারদা PRAGATI কৌবা পথাপ অমসু সরকারগী থবক তৌবগী মতৌ য়েংশিন্নবা শেম্লে। PRAGATIনা মমাংগী চহি 9দা লৈবাক্না খোঙজেল য়াঙনা চাউখৎখিবা অসিদা অচৌবা থৌদাং য়াখি। মসিগী ৱাখল্লোন অসিসু SWAGATকী ৱাখল্লোন্দা য়ুম্ফম ওইবনি”। মহাক্না লুপা করোর লাক্ষ 16গী শেনফমগী প্রোজেক্ত কয়া PRAGATIগী খুত্থাংদা য়েংশিনখি অমসুং মসিনা মরম ওইরগা প্রোজেক্ত কয়াগী খোঙজেলসু য়াঙখৎহনখি হায়না প্রধান মন্ত্রীনা পাউদমখি।

প্রধান মন্ত্রীনা মহাক্কী ৱারোল লোইশিনবা ওইনা চারা মরু অমনা মশা কয়া পানবা অচৌবা উপাল অমা ওইরকপগী খুদম পীরদুনা SWAGATনা লৈঙাকপগী থৌওংদা অনৌবা ইন্নোভেসন কয়া পাংথোকপগী ইথিল পীগনি হায়বগী থাজবা লৈ হায়না ফোংদোকখি। সরকারগী থৌওংশিংবু মতৌ অসুম্না থাগৎনরিবা অসিদা নুংঙাইবা ফাওই অমসুং মসিনা থবকশিং অসিদা শক্তি হাপকনি হায়না মহাক্না ফোংদোকখি। “মসিনা মীয়ামদা য়ুম্ফম ওইবা লৈঙাকপগী মোদেল অমা ওইরক্তুনা মীয়ামগী সেবা মখা তানা তৌখিগনি”, হায়না প্রধান মন্ত্রীনা মহাক্কী ৱারোল লোইশিনখি।

বেকগ্রাউন্দ

প্রধান মন্ত্রীনা গুজরাতকী মুখ্য মন্ত্রী ওইরিঙৈদা, 2003দা শ্বাগত (স্তেৎ ৱাইদ এত্তেন্সন ওন গ্রিভান্সেস বাই এপ্লিকেসন ওফ তেক্নোলোজি) অসি হৌদোকখি। চীফ মিনিস্তর অমগী থৌদাং অসি মহাক্কী রাজ্য অদুগী মীয়ামগী অৱাবশিং কোকহনবনি হায়বা মহাক্কী থাজবা অসিনা মাংজিল থাদুনা থৌরম অসি হৌদোকখিবনি। ৱারেপ অসিগা লোয়ন্না, হিংবদা লাইবা হেনগৎহন্নবা তেক্নোলোজিগী শীজিন্নফম ঙন্না খঙবদগী, মতম অদুগী চীফ মিনিস্তর মোদীনা লৈবাক অসিদা অহানবা মখলগী তেক্নোলোজিদা য়ুম্ফম ওইবা অৱাবা কোকহন্নবা থৌরম অসি হৌদোকখিবনি।

মীয়াম্না নোংম-নোংমগী ওইনা থেংনরিবা অৱাবশিং অথুবা মতমদা, নিংথিনা অমসুং অকক্নবা মতমগী মনুংদা তেক্নোলোজি শীজিন্নদুনা কোহন্নবা পান্দমদা থৌরম অসিনা মীয়াম অমসুং সরকারগী মরক্তা থোং অমা ওইনা থবক তৌরি। শ্বাগতনা মীয়ামগী পুন্সিদা অওনবা অমা পুরক্লে অমসুং চে য়াওদনা, অরোন-অথুপ লৈতনা অমসুং অৱাবা লৈতনা অৱাবা কোকহন্নবা অফবা খুৎলায় অমা ওইরে।

শ্বাগতকী অঙকপা মগুন অমনা থবক অসিনা মীচম মীয়াম্না মখোয়গী অৱাবশিং হকথেংন্না চীফ মিনিস্তরদা ফোঙদোকপদা মতেং পাংবা অসিনি। থৌরম অসি থা খুদিংগী মরিশুবা শগোলশেল নুমিত্তা পাংথোকই অমসুং অৱাবশিং কোকহন্নবা চীফ মিনিস্তরনা মীয়ামগা ৱারি শান্নখি। অৱাবশিং মপুংফানা কোকহন্দুনা মসিনা মীয়াম অমসুং সরকারগী মরক্তা লৈরিবা অহোবা অদু মেনশীল্লি। থৌরম অসিগী মখাদা, ৱাকৎলক্লিবা মীওই খুদিংমক্তা সরকারনা লৌখিবা ৱারেপ অদু খঙহনখি। এপ্লিকেসন খুদিংমক্কী পায়খৎখিবা থবকশিং ওনলাইন্দা ফংহল্লি। হৌজিক ফাওবদা ৱাকৎ লাকখিবা অৱাবশিংগী চাদা 99 কোকহনখ্রে।

শ্বাগত ওনলাইন প্রোগ্রামদা মচাক মরি য়াওরি: স্তেৎ শ্বাগত, দিস্ত্রিক শ্বাগত, তালুকা শ্বাগত অমসুং গ্রাম শ্বাগত। স্তেৎ শ্বাগতকী মীয়ামগা উনবা থৌরমদা চীফ মিনিস্তর মশামক শরক য়াখি। দিস্ত্রিক কলেক্তরনা দিস্ত্রিক শ্বাগতকী থৌদাং লৌখি অমসুং মাম্লাতদার অমসুং ক্লাস-1 ওফিসার অমনা তালুকা শ্বাগতকী থৌদাং লৌখি। গ্রাম শ্বাগত্তা মীয়াম্না থা খুদিংগী তাং 1দগী তাং 10 ফাওবা মীয়াম্না তালাতি/মন্ত্রিদা এপ্লিকেসনশিং পীশিনখি। হায়রিবা থবকশিং অসি তালুকা শ্বাগত থৌরমদা অৱাবা কোকহন্নবা য়াওহনখি। মসিগী মথক্তা, লোক ফরিয়াদ থৌরম অসি মীয়াম্না মখোয়গী অৱাবশিং শ্বাগত য়ুনিত অমদা পীশিন্নবা থৌরম্নি।

অরোন-অথুপ লৈতনা, মরম চানা অমসুং থৌদাং খঙনা থবক পাংথোকপগীদমক শ্বাগত ওনলাইন প্রোগ্রামনা য়ুনাইতেদ নেসন্স পব্লিক সর্বিস এৱার্দ 2010 য়াওনা তোঙান-তোঙানবা মনা কয়া ফংখ্রে।

The SWAGAT initiative in Gujarat demonstrates how technology can be efficiently used to resolve people's grievances. https://t.co/eBJwNGVzkB

— Narendra Modi (@narendramodi) April 27, 2023

The uniqueness of SWAGAT initiative in Gujarat is that it embraces technology to address people's grievances. pic.twitter.com/ZYE5XWpcdR

— PMO India (@PMOIndia) April 27, 2023

The SWAGAT initiative ensured prompt resolution of the grievances of people. pic.twitter.com/XypkYVUF7o

— PMO India (@PMOIndia) April 27, 2023

The SWAGAT initiative ensured prompt resolution of the grievances of people. pic.twitter.com/XypkYVUF7o

— PMO India (@PMOIndia) April 27, 2023

Governance happens through innovations, new ideas. pic.twitter.com/r1LRmEpz9x

— PMO India (@PMOIndia) April 27, 2023

*****