প্রধান মন্ত্রী শ্রী নরেন্দ্র মোদীগী লুচিং মখাদা লৌবা পুৱারী ওইগদবা ফিরেপ অমগী মখাদা, এম.ঐচ.এ.না সি.এ.পি.এফ.শিংগী কন্সতেবল (জেনেরেল দ্যুতী) একজামিনেসন হিন্দী অমদি ইংলিসকী মথক্তা রীজনেল লোল ১৩দা পাঙথোক্নবা অয়াবা পীখ্রে‍। ‍পুৱারী ওইরবে ফিরেপ অসি কেন্দ্রগী গৃহ মন্ত্রী অমদি কোওপরেসনগী মন্ত্রী শ্রী অমিত সাহগী থৌরাং মখাদা অমদি সি.এ.পি.এফ.তা লম লমগী নহাশিং শরুক য়াহন্নবা অমদি লম লমগী লোল পুক্নিং থৌগৎনবগী পান্দমদা লৌখিবনি‍।

হিন্দী অমদি ইংলিসকী মথক্তা, ৱাহংচেশিং অসি মখাদা পীরিবা লম লমগী লোল ১৩ অসিদা শেম্লগনি:

১.    অসামিজ

২.   বেঙ্গলী

৩.   গুজরাতী

৪.   মরাথী

৫.   মলয়ালম

৬.   কন্নরা

৭.   তামিল

৮.   তেলুগু

৯.   ওরিয়া

১০.  উর্দু

১১.  পঞ্জাবী

১২.  মনিপুরী

১৩.  কোনকনী

ফিরেপ অসিনা এগজামিনেসন অসিদা এস্পিরেন্ত লাখ কয়া মখোয় মখোয়গী মমালোল/ লম লমগী লোলদা শরুক য়াহন্দুনা থবক খনবগী ওইথোকপা হেনগৎহনগনি‍।

গৃহ মন্ত্রালয় অমদি স্তাফ সেলেক্সন কম্মিসন্না চাংয়েং অসি ভারতকী তোঙান তোঙানবা লোলশিংদা পাঙথোক্ননবগীদমক হৌজিক চৎনরিবা এম.ও.য়ু. অসিদা হাপচিন্নবা এদেন্দম অমা খুৎয়েক পীনগনি‍।য়

কন্সতেবল জি.দি. অসি স্তাফ সেলেক্সন কম্মিসন্না পাঙথোকপা লৈবাক পুম্বদগী কেন্দিদেৎ লাখ কয়াগী পুক্নিং চিংশিল্লিবা ফ্লেগসিপ একজামিনেসনশিংগী মনুংদা অমনি‍। হিন্দী অমদি ইংলিসকী মথক্তা লম লমগী লোল ১৩দা পাঙথোক্কদবা একজামিনেসন জনুৱারী ০১, ২০২৪দগী চৎনবা হৌরগনি‍।

স্তেত/য়ু.তি. লৈঙাকশিংনা লম লমদুগী নহাশিংদা মখোয়গী মমালোলদা চাংয়েং অসি শরুক য়াবগী খুদোংচাবা অসি লৌহৌনবা পুক্নিং থৌগৎনবগী অমদি লৈবাক অসিগী থৌগল তৌবগী করিয়র অমা শেম্বদা মশিং য়াম্না শরুক য়ানবগীদমক পাক চাউবা কেম্পেন চত্থগনি হায়না থাজবা থম্লি‍। এম.ঐচ.এ.না প্রধান মন্ত্রী শ্রী নরেন্দ্র মোদীগী লুচিং মখাদা অমদি গৃহ মন্ত্রী অমসুং কোওপরেসন মন্ত্রী শ্রী অমিত সাহগী লমজিং মখাদা লম লমগী লোলশিং শীজিন্নবা অমদি চাওখৎহন্নবগী পুক্নিং থৌগৎননবা খোঙফম চেৎনা লেপ্লি‍।

*****