“কোবিদ-১৯ ঙাকথোক্নবা অমসুং লাকশিন্নবগীদমক মমাংদা হেনগৎলকখিবা মতমদা চুংশিন্নবগী ৱাখল্লোনগা লোয়ননা তৌখিবা অদুগুম্না মখা তানা থবক তৌবা মথৌ তাই”। ৱাফম অসি ঙসি রাজ্যগী হকশেল মন্ত্রীশিং অমসুং প্রিন্সিপল সেক্রেতরীশিং/ এদিস্নেল চীফ সেক্রেতরীশিংগা ওয়ননা ভর্চুএল ওইনা ৱা ঙাংবদা কেন্দ্রগী হকশেল অমসুং য়াইফ য়ুম্বাল মন্ত্রী, দা. মনসুখ মন্দাবিয়ানা ফোঙদোকখি। ভর্চুএল মীফম অসি হকশেলগী কেন্দ্রগী রাজ্য মন্ত্রী, দা. ভারতি প্রবিন পাৱর য়াওদুনা রাজ্য খরদা কেসশিং হন্দক নৌনা হেনগৎলক্লিবা অসি য়েংলগা কোবিদ-১৯ লাকশিন্নবা অমসুং য়েংশিন্নবগী পব্লিক হেল্থ প্রিপিয়র্দনেস অমসুং লৈবাক্কী কোবিদ-১৯ ভেক্সিনেসন কেম্পনগী খোঙজেল হন্না য়েংশিন্নবা পাঙথোকখি।

কেন্দ্রগী হকশেল মন্ত্রীনা রাজ্যশিংদা চেকশিন্না লৈনবা অমসুং কোবিদ১৯ লাকশিন্নবা শেম-শাদুনা লৈনবা পাউতাক পীখি। মহাক্না রাজ্যগী হকশেল মন্ত্রীশিংদা এপ্রিল ১০ অমসুং ১১, ২০২৩দা হোস্পিতাল ইনফ্রাস্ত্রকচর পুম্নমক্কী মোক দ্রিলশিং পাঙথোক্নবা অমসুং এপ্রিল ৮ অমসুং ৯, ২০২৩দা দিস্ত্রিক্ত এদমিনিস্ত্রেসনশিং অমসুং হেল্থ ওফিসিএলশিংগা লোয়ননা হেল্থ প্রিপিয়র্দনেস য়েংশিন্নবা খঙহনখ্রে। মহাক্না রাজ্যশিংদা আই.এল.আই./এস.এ.আর.আই. কেসশিংগী ত্রেন্দশিং মোনিতর তৌদুনা হোৎস্পোৎশিং মশক খঙদোক্নবা অমসুং কোবিদ-১৯ অমদি ইনফ্ল্যুয়েঞ্জাগী তেস্ত তৌনবগীদমক সেম্পলশিং মতিক চানা থানবা; অমসুং পোজিতিব সেম্পলশিংগী হোল জিনোম সিক্বেন্সিং তৌবা হেনগৎহন্নবা হায়খি।

রাজ্য/য়ু.তি. ২৩দা চাংচৎ ওইনা মিলিয়ন অমদা তৌবা তেস্তশিং অসি লৈবাক্কী চাংচৎতগী তানা লৈবা উবা ফংখি। দা. মন্দাবিয়ানা হায়খি অনৌবা কোবিদ ভেরিএন্তশিংগী মখা পোনবা তৌদনা কোবিদ লাকশিন্নবা ‘তেস্ত-ত্রেক-ত্রীৎ-তীকা থাদোকপা অমসুং কোবিদকা চুনবা চৎন-কাংলোনশিং ঙাক্না চৎপগী’ ময়া মঙা লোং লালোং অসি মখা তানা তেস্তেদ স্ত্রেতেজী ওইনা অদুমক পাইখৎনবা হায়খি। মহাক্না হায়খি, মসিনা মতিক চাবা পব্লিক হেল্থ মীজরশিং পাইখৎপদা মতেং পাংগনি।  রাজ্যশিং/য়ু.তি.শিংদা এপ্রিল ৭, ২০২৩না লোইশিনখিবা চয়োল অমদা মিলিয়ন অমদা তেস্ত ১০০ তৌবগী হৌজিক লৈরিবা চাংদগী হেনগৎহন্নবসু হায়খি। মখোয়াদা তেস্তশিংদা আর.তি.-পি.সি.আর.গী শিয়র হেনগৎহন্নবসু পাউতাক পীখি।

রাজ্যশিং/য়ু.তি.শিংদা ভারতনা মার্চ ১৭, ২০২৩না লোইখিবা চয়োলদা ৫৭১ লৈরম্বদগী এপ্রিল ৭,২০২৩না লোইশিনখিবা চয়োলদা ৪,১৮৮দা নোংমগী কেসশিংগী চাংচৎ হেনগৎলকপগা লোয়ননা কোবিদ-১৯ কেসশিং লেপ্তনা হেনগৎলকপা উবা ফংখি; অমসুং চয়োলগী ওইবা পোজিতিবিতী অসি এপ্রিল ৭, ২০২৩না লোইশিনখিবা চয়োলদা ৩.০২% ফাওবা ওইখি। অদুম ওইনমক মালেম শিনবা থুংনা নোংমগী চাংচৎতা ৮৮,৫০৩ কেস থেংনখি। লোয়ননা হৌখিবা চয়োল অমদা মালেমগী কেসশিংগী ৬২.৬%দি লৈবাক মঙানা শরুক তম্লি।

রাজ্যশিং/য়ু.তি.শিংদা হৌজিক দবল্যু.ঐচ.ও.না ভেরিএন্ত ওফ ইন্তরেস্ত (ভি.ও.আই.), এক্স.বি.বি. ১.৫ য়াম্না কুপ্না ত্রেক তৌরি অমসুং অতোপ্পা ভেরিএন্ত তরুক মোনিতর তৌরি (বি.ক্যু.১, বি.এ.২.৭৫., সি.ঐচ.১.১, এক্স.বি.বি., এক্স.বি.এফ. অমসুং এক্স.বি.বি.১.১৬)। ওমিক্রোন অমসুং মাগী সব-লিনেজ অসিনা মখা তানা প্রিদোমিনেন্ত ভেরিএন্ত ওইরি, এসাইন্দ ভেরিএন্ত অয়াম্বা অসি খজিক্তং শন্দোক্লি, য়াম্না তমথিদে নত্ত্রগা ইম্ম্যুন এস্কেপ ওই। এক্স.বি.বি. ১.১৬গী চাং অসি ফেব্রুৱারীদা ২১.৬% ওইরম্বদগী মার্চ, ২০২৩দা ৩৫.৮%দা হেনগৎলকখি। অদুম ওইনমক হোস্পিতেলাইজেসন নত্ত্রগা মোর্তেলিতী হেগৎলকপগী খুদম ফংবগী রিপোর্ত তৌরকপা লৈতে।

ভারতনা প্রাইমারী ভেক্সিনেসন্দা কবরেজ ৯০% হেন্না তৌবা ঙমখি, প্রিকোসন দোজকী কবরেজ অসিদি য়াম্না তাই হায়না ফোঙদোকখি। কেন্দ্রগী হকশেল মন্ত্রীনা রাজ্যশিং/য়ু.তি.শিংদা ইলিজিবল ওইবা মীওইশিংগী, মরু ওইনা অহল অমসুং খুদোংথিনীংঙাই ওইবা মীওই কাংলুপশিং তীকা থাদোকপা হেনগৎনবা পাউতাক পীখি।

কেরালা, মহারাস্ত্র অমসুং দিল্লীদা পোজিতিবিতী ১০% হেন্না জিলা ১০ নত্ত্রগা হেনবনা রিপোর্ত তৌরি অমসুং কর্নাতকা, কেরালা, মহারাস্ত্র, দিল্লী, হিমাচল প্রদেশ, তমিল নাদু, হরিয়ানাগী জিলা ৫ হেনবদগী পোজিতিবিতী ৫%দগী হেন্না রিপোর্ত তৌরকপগা লোয়ননা ভারতকী কোবিদ কেসশিংগী মশিং রাজ্য নিপালদগি ৱাংআ রিপোর্ত তৌরকপা উবা ফংলি। দা. মন্দাবিয়ানা কোবিদকা চুনবা চৎন-কোংলোনশিং ঙাক্না চৎনবগী মতাংদা পব্লিক এৱের্নেস কেম্পেনশিং হেনগৎহনবগী মরু ওইবসু থমখি। মহাক্না রাজ্যগী হকশেল মন্ত্রীশিংদা পীফম থোকপা হোস্পিতাল বেদশিং মরাং কাইনা লৈবরা অমসুং তঙাই ফদবা হীদাক-লাংথকশিং মতিক চানা লৈবরা হায়বা অসি য়াওনা লোজিস্তিক্স অমসুং ইনফ্রাস্ত্রকচরগীদমক শেম শারিবা অসি হকথেংননা মোনিতর তৌনবা অমসুং হন্না য়েংশিন্নবা হায়খি। রাজ্যশিংদা কোবিদ ইন্দিয়া পোর্তেলদা মখোয়গী কোবিদ দেতা চাং নাইনা অপদেৎ তৌনবা হায়খি।

রাজ্যশিং/য়ু.তি.শিংদা মালেমগী কোবিদ-১৯গী ফীভম অমসুং দোমেস্তিক্কী ওইরিবা মওং অসিগী মতাংদা খঙহনখি। মখোয়দা কেন্দ্রগী হকশেল মন্ত্রালয় অমসুং আই.সি.এম.আর.না থোকখিবা অপুনবা আইদভাইজরীগী মতাংদা মার্চ ২৫ ২০২৩দা খঙহনখি, মসিনা ঙন্না খঙদোকপা, আইসোলেসন তৌবা, তেস্ত তৌবা অমসুং মতম চানা সস্পেক্ত অমসুং কনফর্ম কেসশিং খঙদোক্নবা অমসুং অনৌবা সার্স-কোব-২ ভেরিএন্তশিং লাকশিনবগী খুত্থাংদা সিজনেল ইনফ্ল্যুয়েঞ্জা অমসুং কোবিদ-১৯ কেসশিং লাকশিন্নবা পব্লিক হেল্থ রেস্পোন্স রিইনভাইগোরেৎ তৌনবা খঙহনখি। কেন্দ্রগী হকশেল মন্ত্রীনা রাজ্যশিং/য়ু.তি.শিংদা মসি নীংথিনা ইমপ্লিমেন্ত তৌনবা খঙহনখি।

দা. ভারতি প্রবিন পাৱরনা কোবিদ-১৯ মতম চানা শেম-শানবা অমসুং লাকশিন্নবা হায়খি। মহাক্না রাজ্যশিংদা হেল্থ ইনফ্রাস্ত্রকচর ফগৎহন্নবগীদমক ই.সি.আর.পি.-II ইমপ্লিমেন্ত তৌনবা হায়খি। রাজ্যশীংদা মখোয়গী মোনিতরিং মেকানিজম মপাঙ্গল কনখৎহন্নবা অমসুং তুরিজমদা মীৎয়েং চংনবা হায়খি।

রাজ্যশিংনা কেন্দ্রগী হকশেল মন্ত্রী অমসুং কেন্দ্রগী হকশেল মন্ত্রালয়গী এদভাইজরীশিংনা ময়াই তাংবল লৌদুনা হন্না য়েংশিন্নবা মীফমশিং পাঙথোকপগীদমক থাগৎখি। মখোয়না কোবিদ-১৯ ঙাকথোক্নবা অমসুং লাকশিন্নবগীদমক কেন্দ্রগা লোয়ননা পুন্না থবক তৌগনি হায়না থাজবা পিখি। মখোয়না  হৌজিক ওইরিবা ফীভম য়েংশিল্লি হায়না ফোঙদোকখি। রাজ্যশিংনা পব্লিক অমসুং প্রাইবেৎ হেল্থ ফেসিলিতীশিংদা এপ্রিল ১০ অমসুং ১১, ২০২৩দা হোস্পিতাল ইনফ্রাস্তকচরগী রেদিনেসকীদমক মোক দ্রিল তৌগনি হায়না থাজবা পীখি।

মীফম অসিদা পুদুচেরীগী মুখ্য মন্ত্রী, শ্রী এন. রঙ্গাস্বামী, হকশেল মন্ত্রী (উত্তরাখন্দ) শ্রী ধন সিংহ রাৱত, হকশেল মন্ত্রী (অসাম), শ্রী কেশব মহন্তা, হকশেল মন্ত্রী (গোৱা) শ্রী বিশ্বাজিৎ রানে, হকশেল মন্ত্রী (ঝারখন্দ) শ্রী বন্না গুপ্তা, হকশেল মন্ত্রী (মধ্য প্রদেশ) শ্রী প্রভুরম চৌধুরী, হকশেল মন্ত্রী (পঞ্জাব) বালবির সিংহ, হকশেল মন্ত্রী (মনিপুর) দা. সাপম রঞ্জন সিংহ, হকশেল মন্ত্রী (হরিয়ানা) শ্রী অনিল ভিজ, হকশেল মন্ত্রী (তমিল নাদু) শ্রী তিরুমা সুব্রহ্মনিয়ম, হকশেল মন্ত্রী (হিমাচল প্রদেশ), দা. (কর্নেল) ধানি রাম শান্দিল, হকশেল মন্ত্রী (আন্ধ্র প্রদেশ) শ্রীমতি বিদাদালা রাজিনি, হকশেল মন্ত্রী (তেলঙ্গানা) শ্রী থান্নেরু হরিস রাও, হকশেল মন্ত্রী (গুজরাত) শ্রী রুশিকেশ পতেল হকশেল মন্ত্রী (ওরিসা) শ্রী নিরঞ্জন পুজারি, হকশেল মন্ত্রী (অরুনাচল প্রদেশ) শ্রী এলো লিবাং, হকশেল মন্ত্রী (মহারাস্ত্র) শ্রী তানাজি সাৱন্ত, হকশেল মন্ত্রী (মেঘালয়) শ্রীমরি মজেল অম্পারীন লিন্দো, হকশেল মন্ত্রী (দিল্লী) শ্রী সৌরব ভারাদ্বাজ, অমসুং মন্ত্রালয়গী মকোক থোংবা ওফিসিএলশিংনা শরুক য়াখি।

***