তেক্সপেয়রশিংদা মতম খরগা হেন্না পীননবগীদমক, পান অমদি আধার লিঙ্ক তৌবগী মতম জুন ৩০, ২০২৩ ফাওবা শাংদোক্তুনা, মতম অসি ফাওবা মীওইশিংনা আধার-পান লিঙ্ক তৌবগী ওথোরিতীদা মখোয়গী আধার চৈরাক ফংদনা ইন্তিমেত তৌবা য়াগনি‍। মসিগা মরী লৈনবা নোতিফিকেসন তোঙান্না থোক্লগনি‍।

ইনকম তেক্স এক্ত, ১৯৬১ (দি এক্ত)কী প্রোভিজনগী মখাদা, জুলাই ১, ২০১৭ ফাওবদা পান পীখ্রবা অমদি আধার নম্বর লৌবা য়ারবা মীওই খুদিংমক মার্চ ৩১, ২০২৩ ফাওবগী মনুংদা অপীবা ফী খরা থীরগা ওথোরিতীদা মখোয়গী আধার ইন্তিমেত তৌবা মথৌ তাই‍। মসি ইন্দবশিং এক্ত অসিগী মখাদা এপ্রিল ১, ২০২৩দগী হৌরগা অকক্নবা মহৈ ফংবা হৌরগনি‍। পান অমদি আধার লিঙ্ক তৌনবগীদমক ওথোরিতীদা আধার ইন্তিমেত তৌবগী মতম হৌজিক্তী জুন ৩০, ২০২৩ ফাওবা শাংদোকখ্রে‍।

জুলাই ১, ২০২৩দগী আধার ইন্তিমেত তৌহৌদবা তেক্সপেয়রশিংগী পান শীজিন্নবা য়াররোই অমদি শীজিন্নবা য়াদনা লৈরিঙৈ মতমদা ফংগদবা মহৈশিংদি মখাদা পীরি:

১.        অদুগুম্বা পানশিংদা রিফন্দ অমত্তা তৌরোই;

২.       পান শীজিন্নবা য়াদনা লৈরিঙৈ মনুংদা পীথোক্তবা রিফন্দদা শেন্দোয় অমত্তা হাপ্লোই; অমদি

৩.       এক্ততা পীবগী মতুং ইন্না তি.দি.এস. অমদি তি.সি.এস. হেন্না ৱাংবা রেত্তা কক্কনি‍।

পান অদু ওথোরিতীদা লুপা ১,০০০ থীরগা আধার ইন্তিমেৎ তৌদুনা নুমিৎ ৩০ নিগী মনুংদা হিংগৎহনবা য়াগনি‍।

পান-আধার লিঙ্ক তৌবদগী কোমথোক্লবা মীওইশিংগীদমক্তদি হায়রিবা মহৈশিং অসি চৎনরোই‍। হায়রিবা কাঙলুপশিং অসিদা অকক্নবা স্তেতশিংদা লৈবা মীওইশিং, এক্তকী মতুং ইন্না নন-রেজিদেন্ত, ভারতকী সিতিজন ওইদবা মীওই নৎত্রগা মমাঙগী চহিদা চহি মরিফু শুরবা মীওইশিং য়াওরি‍।

হৌজিক ফাওবদা পান করোর ৫১ আধার লিঙ্ক তৌরে‍। পীরিবা লিঙ্ক https://eportal.incometax.gov.in/iec/foservices/#/pre-login/bl-link-aadhaar অসিদা চঙদুনা পান অমদি আধার লিঙ্ক তৌবা য়াগনি‍।

****