ইনফোর্মেশন অমদি ব্রোদকাস্তিং অমসুং য়ুথ এফিয়ার্স অমদি স্পোর্তসকী কেন্দ্র মন্ত্রী শ্রী অনুরাগ সিংহ থাকুরনা ২০২৩গী মার্চ ১১দা মহাক্কী পুনে খোংচৎ মনুংদা এন.এফ.দি.সি.- নেস্নেল ফিল্ম অর্কাইব ওফ ইন্দিয়া (এন.এফ.এ.আই.)দা চৎখ্রে অমসুং নেস্নেল ফিল্ম হেরিতেজ মিসনগী মখাদা পায়খৎলিবশিং য়েংশিনখ্রে। শ্রী অনুরাগ সিংহ থাকুরনা ফোংদোকখি মদুদি এন.এফ.ঐচ.এম.না ইন্দিয়ন সিনেমাগী হেরিতেজদা অনৌবা লাইফলাইন অমা পীরি। মসিদা মমাংদা মীপুম খুদিংদা য়েংহনবা ফংহনলমদবা ফিল্ম কয়া অমা ফংলিবা খ্বাইদগী ফবা ক্বালিতীদা মালেম পুম্বগী মীৎয়েং তারিবশিংদা ফংহনবগা লোয়ননা মথংগী চহি ১০০ অমদি অহেনবা মতমগীদমক ইন্দিয়ন সিনেমাবু মতম শাংনা লীদুনা থম্বা ঙমহনগনি।

নেস্নেল ফিল্ম হেরিতেজ মিসন (এন.এফ.ঐচ.এম.) অসি এন.এফ.দি.সি.- নেস্নেল ফিল্ম অর্কাইব ওফ ইন্দিয়া (এন.এফ.এ.আই.) পুনেদা মপুং ফাবা ইচেলদা মাংলোমদা চংশিল্লি। এন.এফ.ঐচ.এম.গী শরুক ওইনা এন.এফ.দি.সি.-এন.এফ.এ.আই.দা অচৌবা প্রোজেক্ত ৩ পায়খৎলি: ফিল্মশিংগী দিজিতাইজেসন, ফিল্ম রীলশিং কঞ্জার্ব তৌদুনা থম্বা অমসুং ফিল্মশিংগী রেস্তোরেসন। প্রোজেক্ত পুম্নমক অসি ফিল্ম প্রিজার্ব তৌবগী লমদা নেচরদা কোলোজেল ওই অমসুং গ্লোবেলগী ওইবা মসিগী স্কেল অসিদা হোৎনখিবা লৈতে।

ঙসি ফাওবদা ফিচর ১২৯৩ অমসুং শোর্তস অমসুং দোকুমেন্তরী ১০৬২ 4K অমসুং 2K রিজোলুসনদা দিজিতাইজ তৌখ্রে। মসিগা মথক্তা ফিচর অমদি শোর্তস অমসুং দোকুমেন্তরী ২৫০০ দিজিতাইজ তৌবগী লম্বীদা লৈরি। তাঞ্জা অসিদা সেল্লুলোইদ রীল ১৪৩৩ কঞ্জার্ব তৌবগী থবক মপুং ফানা লোইশিল্লে। মসি ফিল্ম কঞ্জার্বেসন্দা মালেমগী খ্বাইদগী এক্সপার্ত ওইবা ইন্তরনেস্নেল এজেন্সী অমা ওইরিবা লিম্মাজিন রিত্রোভাতাগা খুৎশম্নদুনা য়াম্না চেকশিন্না পাংথোকই। শ্রী অনুরাগ সিংহ থাকুরনা সেল্লুলোইদ রীলশিং কঞ্জার্ব তৌবগী থবক চত্থরিবা এন.এফ.দি.সি.-এন.এফ.এ.আই.দা নৌনা শেমগৎলিবা ফিল্ম কঞ্জার্বেসন লেবদা চৎতুনা য়েংশিনখি। লাক্কদৌরিবা থাশিংদা অহেনবা ফিল্ম চা কয়া অমা কঞ্জার্ব তৌরগনি, অমদি কেস খরদদি মসিগী রীলশিং অসি অকক্নবা অতাংবা ইন্দিয়ন ফিল্মশিংগী লৈহৌরিবা কেপী খক্তমক ওইবা য়াই। এন.এফ.দি.সি.-এন.এফ.এ.আই.না হন্দক্তা রেস্তোরেসন প্রোজেক্তসু হৌদোক্তুনা ফিল্ম ২১ দিজিতেল রেস্তোরেসন পাংথোক্লি। মথংগী চহি ৩দা ফিচর, শোর্তস ফিল্ম অমসুং দোকুমেন্তরী কয়া অমা দিজিতেল ওইনা রেস্তোর তৌরগনি।

***