প্রধানমন্ত্রীগী লোইশঙ
ওস্ত্রেলিয়াগী ত্রেদ অমসুং তুরিজম মন্ত্রী, দোন ফেরেলনা হায়বা নুংঙাইবা ৱারী অমা পি.এম.না ত্বীত তৌখ্রে
Posted On:
12 MAR 2023 3:10PM by PIB Imphal
প্রধান মন্ত্রী, শ্রী নরেন্দ্র মোদীনা ভারত অমসুং ওস্ত্রেলিয়াগী মরক্তা লৈরিবা কলচরগী মপাঙ্গল লৈরবা মরীগী মতাংদা ত্ব্বীত অমা তৌখ্রে। ভারতকী খোঙচত্তা লাক্লিবা ওস্ত্রেলিয়াগী প্রধান মন্ত্রীবু ইকায় খুম্নবা ওইনা শীনখিবা অয়ুক্কী চাক্লেন অমদা ওস্ত্রেলিয়াগী ত্রেদ অমসুং তুরিজম মন্ত্রী, দোন ফেরেলনা নুংঙাইবা ৱারী অসি শেয়র তৌখিবনি।
প্রধান মন্ত্রীনা অসুম্না ত্বীত তৌখিঃ
“ঐহাক্কী মরুপ পি.এম. @AlboMPবু ইকায় খুম্নবগী পাংথোকখিবা অয়ুক্কী চাক্লেন অমদা ওস্ত্রেলিয়াগী ত্রেদ অমসুং তুরিজম মন্ত্রী, দোন ফেরেলনা য়াম্না নুংঙাইবা ৱারী অমা লিখি। মহাকপু শ্রীমতি ইবর্ত কৌবী অমনা মহাক্কী গ্রেদ ১দা মহৈ তম্বীরকখিবনি অমসুং মহাক্না মহাক্কী পুন্সিদা য়াম্না মশক নাইবা ইথিল অমা পীবিরমখি অমসুং মহাক্কী মহৈ-মশিংগী ফম্বাক শেম্বীবগীদমক্তা মহাক্না শ্রীমতি ইবর্ত্তা ক্রেদিত পীরিবনি”।
শ্রীমতি ইবর্ত, মহাক্কী মপুরোইবা অমসুং মচানুপী লিওনীনা ভারতকী গোৱাদগী ইং ১৯৫০গী মতমদা এদেলাইদতা য়ুম হোংখি অমসুং ওস্ত্রেলিয়াগী এদেলাইদকী স্কুল অমদা লাইরিক তাকপা হৌখি। মহাক্কী মচানুপী লিওনীনা সাউথ ওস্ত্রেলিয়ন ইন্সতিত্যুত ওফ তীচর্সকী প্রসিদেন্ত কোন্না ওইখিবনি।
ৱারী অসি তাবদা ঐহাক য়াম্না নুংঙাইখি। মসিনা ভারত অমসুং ওস্ত্রেলিয়াগী মরক্তা লৈবা কলচরগী মশক নাইবা মরীগী মমি তাহল্লি। কনাগুম্বা অমনা মহাক্কী ওজাবু নুংশিনা নিংশিংবগী থৌওং অসিমক তাবদা য়াম্না নুংঙাইবা ফাওই”।
*****
(Release ID: 1906141)
Visitor Counter : 122
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam