প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা মার্চ ০৬, ২০২৩দা ‘হেল্থ এন্দ মেদিকেল রিসর্চ’ হায়বা বজেৎ মতুংগী ৱেবিনারদা ৱা ঙাংগনি। মসি কেন্দ্রগী বজেৎতা লাউথোকখিবা থৌশিলশিং নীংথিনা ইমপ্লিমেন্ত তৌনবগীদমক লৌশিং, আইদিয়া অমসুং সজেসনশিং খোমজিন্নবা কেন্দ্র সরকারনা পাঙথোকখিবা বজেৎ মতুংগী ৱেবিনার ১২গী সিরিজকী শরুক অমনি।

কেন্দ্রগী বজেৎ ২০২৩-২৪ অসি অমনা অমবু মতেং পাংনবা অমসুং অমৃত কাল অসিদা লমজিংলিবা ‘সপ্তর্ঋসি’ ওইনা মথৌ তৌবা মরু ওইবা মীৎয়েং চংলিবা হীরম তরেৎনা ঙাকলৌ পীরি। ইনক্লুসিব দিবেলপমেন্ত হায়বা অসি সরকারনা মরু ওইবা মীৎয়েং চংলিবা লম অমনি অমসুং মসিদা অনৌবা নর্সিং কোলেজ ১৫৭ লিংখৎপা, আই.সি.এম.আর. লেবশিংদা পব্লিক অমসুং প্রাইবেৎ মেদিকেল রিসর্চ পুক্নিং থৌগৎপা অমসুং ফার্মা ইন্নোভেসন অমসুং মেদিকেল দিভাইসশিংগী মলতিদিসসিপ্লিনরী কোর্সশিং হাংবা য়াওরি।

ৱেবিনার অসিদা হেল্থ অমসুং ফার্ম সেক্তর অনিমক কোনশিল্লিবা ব্রেক আউৎ সেসন অহুম অমুক্তদা পাঙথোক্কনি। মরী লৈনবা কেন্দ্র সরকারগী মন্ত্রালয়শিং/বিভাগশিংগী মন্ত্রীশিং অমসুং সেক্রেতরীশিংগী মথক্তা রাজ্য/য়ু.তি. সরকারশিংগী হকশেল বিভাগশিংগী স্তেকহোল্দরশিং, সবজেক্ত এক্সপর্তশিং, ইন্দস্ত্রীশিং/এসোসিএসনশিং, প্রাইবেৎ মেদিকেল কোলেজশিং/হোস্পিতালশিং/ ইন্সতিত্যুতশিংগী মীহুৎশিংনচিংবনা ৱেবিনার অসিদা শরুক য়াগনি অমসুং বজেৎতা লাউথোকখিবশিং অসি নীংথিনা ইমপ্লিমেন্ত তৌনবগীদমক মখোয়গী সজেসনশিংগী খুত্থাংদা শরুক তমগনি।

ব্রেক আউৎ সেসনশিংগী থিমশিং অসি ক্বালিতেতিব ইমপ্রুবমেন্ত ইন নর্সিং: ইনফ্রাস্ত্রকচর, এজুকেসন এন্দ প্রেক্তিস; পব্লিক এন্দ প্রাইবেৎ সেক্তর য়ুতিলাইজেসন ওফ আই.সি.এম.আর. লেবস এস ফেসিলিতেতর ফোর মেদিকেল রিসর্চ; অমসুং ফার্মা ইন্নোভেসন এন্দ মলতিদিসসিপ্লিনরী কোর্সেস ফোর মেদিকেল দিভাইসেস অসিনি।

***