প্রধান মন্ত্রী শ্রী নরেন্দ্র মোদীনা হয়েং পি.এম. কিসান সম্মান নিথী স্কিম (পি.এম.-কিসান)গী মখাদা লৌমী অমমমদা লুপা ২০০০গী শেনফম থাদোক্কনি‍। স্কীম অসিগী মখাদা লৌমী করোর নিপান হেনবগী একাউন্তশিংদা লুপা করোর ১৬,৮০০ হেনবগী শেনফম হকথেংননা হাপচিনগদৌরি‍।

ইন্দিয়ন রেলৱেজ অমদি জল জীবন মিসনগা লোয়ননা খৌরাংনা ঙাইনদুনা লাক্লবা পি.এম.-কিসানগী ১৩শুবা ইন্সতোলমেন্ত অসি কর্নাতকাগী বেলাগবীদা থাদোক্কদবনি‍। লৌউ-শিংউ অমদি লৌমীশিংগী য়াইফ-থৌরাংগী কেন্দ্র মন্ত্রী, শ্রী নরেন্দ্র সিংহ তোমার অমদি লৌউ-শিংউ অমসুং লৌমীশিংগী য়াইফ-থৌরাং মন্ত্রালয়গী সেক্রেতরী, শ্রী মনোজ অহুজা থৌরমদুদা শরুক য়াগনি‍। থৌরম অসি পি.এম.-কিসান অমদি জল জীবন মিসনগী বিনিফিসরীশিং য়াওরগা পুন্না মীওই লাখ অমা হেনবনা শরুক য়াগনি হায়না পানরি‍। থৌরম অসিবু লাইব ওইনা য়েংবা পাম্বা মীওইশিংনা পীরিবা য়ু.আর.এল.: https://lnkd.in/gU9NFpd অসিদা চঙদুনা থৌরম অসিগীদমক রেজিস্তর তৌবা য়াগনি অমদি লাইব থৌরম পাঙথোক্লিবা অসি https://pmindiawebcast.nic.in/ দা য়েংবা য়াগনি‍।

স্কীম অসিগী মখাদা ১১শুবা অমদি ১২শুবা ইন্সতোলমেন্ত মমাঙ চহিগী মে অমদি ওক্তোবর থাদা থাদোকখিবনি‍। ১৩শুবা ইন্সতোলমেন্ত থাদোকপগা লোয়ননা, লৈঙাক্না ভারতকী লৌমীশিংদা ঙাক্লৌ পীননবা লৌখিবা ফিরেপ মখা তানা চত্থরি অমদি মখোয়গী পুন্সি হিংনবগী পান্দম ফংহনবদা মতেং পাংলি‍। পি.এম.-কিসান স্কিম্না লৈবাক শিনবা থুংবগী লৌমীশিংদা হান্নদগী হৌনা মশক থোকপা কান্নবা পীদুনা লাক্লি, অমদি ইকোন কোন্না থাদোক্কদৌরিবা ইন্সতোলমেন্ত অসিনা মখোয়গী শেন্থোক হেনগৎহল্লগনি অমদি লৌউ-শিংউ সেক্তর চাওখৎহনবদা ইনোৎ হাপ্লগনি‍।

প্রধান মন্ত্রী শ্রী নরেন্দ্র মোদীনা প্রধান মন্ত্রী কিসান সম্মান নিধী (পি.এম.-কিসান) স্কিম ২০১৯দা হৌদোকখিবনি‍। স্কিম অসিনা লৈবাক শিনবা থুংনা লৈরিবা লৌউ-শিংউ তৌবা য়াবা লম লৈজবা লৌমীগী ইমুং পুম্নমক্তা, অকক্নবা খত্তোকহৌবা খরা নত্তনা, শেন্থোক্কী ঙাক্লৌ পীনবা পান্দম থম্লি‍। স্কিম অসিগী মখাদা চহিদা লুপা ৬০০০কী শেনফম বিনিফিসরীশিংগী বেঙ্ক একাউন্ততা হকথেংননা লুপা ২০০০গী মান্নবা ইন্সতোলমেন্ত অহুমদা থাজিল্লি‍।

অকক্না খত্তোক্নবগী ৱাফম খরগী মখা পোল্লগা লৈবাকসিগী মশাগী লম লৈজবা লৌমীগী ইমুং পুম্নমক পি.এম.-কিসানগী মখাদা কান্নবা ফংবা য়াই‍।

হৌজিক ফাওবদা, লৌমীগী ইমুং, মরুওইনা লম পীক্না লৈজবা, করোর ১১ হেনবদা লুপা করোর লাখ ২.২৫ হেনবা শেনফম ফংহনখ্রে‍। পনবা য়াবদি, কোবিদ লোকদাউন মনুংদা, হায়রিবা লৌমীশিং অসিদা ঙাক্লৌ পীনবগীদমক তোঙান তোঙানবা ইন্সতোলমেন্ততা লুপা করোর লাখ ১.৭৫কী শেনফম য়েন্থোকখি‍। স্কিম অসিনা নুপী বিনিফিসরী করোর অহুম হেনবদসু কান্নবা ফংহন্দুনা মখোয়না পুন্না লুপা করোর ৫৩,৬০০ হেনবগী শেনফম ফংখ্রে‍।

থৌরাং অসিগী ফন্দনা খুঙ্গংগী শেন্মিৎলোন চাওখৎহনবা, লৌমীশিংগী ক্রেদিৎ মরাং কায়দববু কোমথোকহনবা অমদি লৌউ-শিংউগী লমদা ইনভেস্তমেন্ত হেনগৎহনবগী থবক তৌরি‍। মসিনা লৌমীশিংগী রিস্ক লৌবগী মতিংসু হেনগৎহন্দুনা হেন্না প্রদক্তিব ওইবা ইনভেস্তমেন্ত পুরক্লি‍। আই.এফ.পি.আর.আই.গী মতুং ইন্না, পি.এম.-কিসান ফন্দনা মসিবু ফংলিবা মীওইশিংবু মখোয়গী লৌউ-শিংউগী মথৌ তাবশিং ফংহনবদা অমদি মহৈ মশিং, অনা লায়েং অমসুং লুহোং খোংদোংবনচিংবগী চাদিং ঙমহনবদা মতেং পাংলি হায়রি‍।

****