প্রধানমন্ত্রীগী লোইশঙ

সিনেত মেজোরিতি লুচিংবা চার্লস সুমেরনা লুচিংবা সিনেতর ৯গী য়ু.এস কংগ্রেসকী মীহুৎ কাংবু অমনা প্রধান মন্ত্রী নরেন্দ্র মোদী উনখ্রে


ভারত-য়ু.এগী মরীশিং চেৎশীনহন্নবা য়ু.এস কংগ্রেসকী দল অনিমক্না শৌগৎপদা প্রধান মন্ত্রীনা থাগৎখ্রে

হন্দক মহাক্না রাস্ত্রপতি বাইদেনগা ফোন্দা ৱারি শানখিবা অদু প্রধান মন্ত্রীনা নিংশিংখি অমসুং ইন্দিয়া-য়ু.এস কমপ্রেহেন্সিপ গ্লোবেল স্ত্রাতেজিক পার্তনর্সিপ মখা তানা কনখৎহন্নবা লুচিংবা অনিগী পান্দম অদু ফোঙদোকখি

প্রধান মন্ত্রী অমসুং য়ু.এস দেলিগেসন্না গনতন্ত্রগী মগুনশিং, লৈবাক অনি মতেং পাংনবা, মীগা-মীগা লৈনবা অচেৎপা মরীশিং অমসুং য়ু.এসতা লৈরিবা ভারতমচাশিংনা লৈবাক অনিগী অচেৎপা মরুপ-মপাংগী মরীদা অকনবা য়ুম্বীশিং ওইরিবা অদু শকখঙখি

ভারত-য়ু.এস মরীশিং হেন্না চেৎশিনহন্নবগীদমক অনৌবা খুদোংচাবশিং প্রধান মন্ত্রীনা য়ু.এস দেলিগেসনগা ৱা খন্নখি

Posted On: 20 FEB 2023 8:10PM by PIB Imphal

সিনেত মেজোরিতি লুচিংবা চার্লস সুমেরনা লুচিংবা সিনেতর ৯গী য়ু.এস কংগ্রেসকী মীহুৎ কাংবু অমনা ঙসি প্রধান মন্ত্রী নরেন্দ্র মোদী উনখ্রে। মীহুৎ কাংবু অদুদা সিনেতর রোন ৱাইদেন, সিনেতর জেক রিদ, সিনেতর মারিয়া কান্তৱেল, সিনেতর আর্মি ক্লোবুচার, সিনেতর মার্ক ৱার্নর, সিনেতর গেরি পেতরস, সিনেতর কেথারিন কোর্তেজ মাস্তো অমসুং সিনেতর পেতর ৱেলচ য়াওখি।

প্রধান মন্ত্রীনা কংগ্রেসকী মীহুৎ কাংবু অদু ভারত্তা তরাম্না ওকখি অমসুং ভারত-য়ু.এগী মরীশিং চেৎশীনহন্নবা য়ু.এস কংগ্রেসকী দল অনিমক্না শৌগৎপদা প্রধান মন্ত্রীনা থাগৎখি। হন্দক মহাক্না রাস্ত্রপতি বাইদেনগা ফোন্দা ৱারি শানখিবা অদু প্রধান মন্ত্রীনা নিংশিংখি অমসুং মালেম্না হৌজিক মায়োক্নরিবা খুদোংচাদবশিং কোকহন্নবা ইন্দিয়া-য়ু.এস কমপ্রেহেন্সিপ গ্লোবেল স্ত্রাতেজিক পার্তনর্সিপ মখা তানা কনখৎহন্নবা লুচিংবা অনিগী পান্দম অদু ফোঙদোকখি।

প্রধান মন্ত্রী অমসুং য়ু.এস দেলিগেসন্না গনতন্ত্রগী মগুনশিং, লৈবাক অনি মতেং পাংনবা, মীগা-মীগা লৈনবা অচেৎপা মরীশিং অমসুং য়ু.এসতা লৈরিবা ভারতমচাশিংনা লৈবাক অনিগী অচেৎপা মরুপ-মপাংগী মরীদা অকনবা য়ুম্বীশিং ওইরিবা অদু শকখঙখি।

মরুওইবা তেক্নোলোজিশিং, ক্লিন ইনর্জি, অপুন্নবা ওইনা চাউখৎ-থৌরাংগী থবক পায়খৎপা অমসুং পোৎথোক পুথোকমিন্নবা অমসুং সপ্লাই চেনশিংগী হিরমদা ভারত-য়ু.এস মরীশিং হেন্না চেৎশিনহন্নবগীদমক অনৌবা খুদোংচাবশিংগী মতাংদা প্রধান মন্ত্রীনা য়ু.এস দেলিগেসনগা ৱা খন্নখি।

*****



(Release ID: 1900925) Visitor Counter : 120


Read this release in: Malayalam , English , Urdu , Marathi , Hindi , Bengali , Assamese , Punjabi , Gujarati , Odia , Tamil , Telugu , Kannada