প্রধানমন্ত্রীগী লোইশঙ
প্রধান মন্ত্রী নরেন্দ্র মোদীনা অনৌবা এয়র ইন্দিয়া-এয়রবস পার্তনরশিপ লোঞ্চ তৌবদা ফ্রান্সকী রাস্ত্রপতি ঐচ.ই. ইম্মান্যুএল মেক্রোনগা লোয়ননা ভিদিও কোল অমদা শরুক য়াখ্রে
পার্তনরশিপ অসিগী মখাদা এয়র ইন্দিয়ানা এয়রবসতগী এয়রক্রাফ ২৫০ লৈগনি। মসি ভারত-ফ্রান্স স্ত্রেতেজিক পার্তনরশিপকী শক্তি অদুগী মমি অমনি
পি.এম.না ভারত অমসুং মালেমগী লেমহৌরিবা শরুক্কী মরক্তা চাউনা কন্নেক্তিবিতী লৈহনবদা ইনোৎ হাপকদবা ভারতকী সিভিল এভিএসন মার্কেৎ খোঙজেল য়াংনা পাকথোক চাউথোরক্লি অমসুং শাহৌ লৈরক্লি হায়খ্রে
পি.এম.না ভারত্তা ফ্রেঞ্চ কম্পনী মশিং য়াম্না লৈরিবা অসিবু থাগৎখি, অমসুং ফ্রেঞ্চ এরোস্পেস ইঞ্জিন মেন্যুফেকচর্র সাফ্রান্না ভারত্তা খ্বাইদগী চাউবা এম.আর.ও. ফেসিলিতী লিংখৎনবা হন্দক্তা লৌখিবা ৱারেপ অদু নীংশিংখি
পি.এম.না রাস্ত্রপতি মেক্রোন্না ভারত-ফ্রান্সকী মরী অসি মাংদা পুখৎপদা পীরিবা মাগী পার্তনরশিপ অসিবু থাগৎখি অমসুং ভারতকী জি২০ প্রসিদেন্সী মখাদা মহাক্কা লোয়ননা থবক তৌনবা আশা থমখি
Posted On:
14 FEB 2023 8:36PM by PIB Imphal
প্রধান মন্ত্রী শ্রী নরেন্দ্র মোদীনা এয়র ইন্দিয়া অমসুং এয়রবসকী মরক্তা পার্তনরশিপ অমা লোঞ্চ তৌবগী থৌরমদা ফ্রান্সকী রাস্ত্রপতি, ঐচ.ই. ইম্মান্যুএল মেক্রোন, চিয়রমেন ইমেরিতস, তাতা সন্স, শ্রী রতন তাতা, চিয়রমেন ওফ দি বোর্দ, তাতা সন্স, শ্রী এন. চন্দ্রসেকরন, সি.ই.ও. এয়র ইন্দিয়া, শ্রী কেম্পবেল ৱিলসন অমসুং সি.ই.ও., এয়রবস, শ্রী গুইল্লৌমে ফৌরীগা লোয়ননা ভিদিও কোল অমদা শরুক য়াখ্রে।
এয়র ইন্দিয়া অমসুং এয়রবসনা এয়রক্রাফ ২৫০, সিঙ্গল এজল এ৩২নিওস ২১০ অমসুং ৱাইদবোদী এ৩৫০ ৪০ এয়র ইন্দিয়দা সপ্লাই তৌনবগী কন্ত্রেক্ত অমা খুৎয়েক পীনখ্রে।
এভিএসন সেক্তরগী প্লেয়র অনিগী মরক্তা কম্মর্সিএল পার্তনরশিপ তৌবনা চহি অসিদা চহি ২৫ মপুং ফারিবা ভারত-ফ্রান্স স্ত্রেতেজিক পার্তনরশিপকী শক্তি অদু উৎলি।
মহাক্কী ৱারোলদা প্রধান মন্ত্রীনা ভারত অমসুং মালেমগী লেমহৌরিবা শরুক্কী মরক্তা হেন্না ফবা কন্নেক্তিবিতী লৈহনবদা শাহৌ পীগদবা ভারতকী সিভিল এভিএস মার্কেৎ অসি খোঙজেল য়াংনা পাকথোক চাউথোক্লি অমসুং শাহৌ লৈরি, অমসুং মসিনা ভারত্তা তুরিজম অমসুং বিজিনেস থৌগৎলগনি হায়খি।
ভারত্তা ফ্রেঞ্চ কম্পনীশিং মশিং য়াম্না লৈরিবা অসিবু থাগৎলদুনা প্রধান মন্ত্রীনা হন্দক্তা ভারত অমসুং ইন্তর্নেস্নেল কেরিয়র অনিমক্কী এয়রক্রাফ ইঞ্জিন সর্ভিসিং তৌনবা ভারত্তা ফ্রেঞ্চ এরোস্পেস ইঞ্জিন মেন্যুফেকচর্র সাফ্রান্না মাগী খ্বাইদগী চাউবা এম.আর.ই. ফেসিলিতী লিংখৎনবা লৌখিবা ৱারেপকী মতাংদা নীংশিংখি।
প্রধান মন্ত্রীনা রাস্ত্রপতি মেক্রোনবু ভারত-ফ্রান্সকী মরী অসি মাংদা পুখৎনবা মাগী পার্তনরশিপ অসিগীদমক থাগৎপা ফোঙদোকখি অমসুং ভারতকী জি২০ প্রসিদেন্সীগী মখাদা মহাক্কা পুন্না থবক তৌমিন্ননবা আশা থমখি।
***
(Release ID: 1899371)
Visitor Counter : 121
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam