প্রধানমন্ত্রীগী লোইশঙ
পি.এম.না বেঙ্গলুরুদা ইন্দিয়া ইনর্জী ৱীক ২০২৩ হৌদোকখ্রে
ইন্দিয়ন ওইলগী ‘অনবোত্তল’ ইনিসিএতিবকী মখাদা য়ুনিফোর্মশিং লোঞ্চ তৌখ্রে
ইন্দিয়ন ওইলগী ইন্দোর সোলর কুকিং সিস্তেমগী ত্বিন-কুকতোপ মোদেল কত্থোকখ্রে
ই২০ ফ্যুল লোঞ্চ তৌখ্রে
গ্রীন মোবিলিতী রেল্লী লমথাখ্রে
“বিক্ষিৎ ভারতকী ফিরেপকা লোয়ননা চংশিল্লিবা অসিদা অমুক্তা ওইখিদ্রিবা মওংদা ওইথোকপা য়াবশিং ভারতকী ইনর্জী সেক্তরগীদমক লাক্লি”
“লাইচৎ অমদি লানগী চৈথেং নংলবা মালেমদা ভারতনা মখা তানা মালেম পুম্বগী ওইনা অফবা মফম অমা কল্লগনি”
“গ্রাসরুৎকী থাক্তা দেসিসিব গভর্নমেন্ত লৈবা, লেপ্পা লৈতনা রিফোর্ম পুরকপা, সমাজিক-শেন্মীৎলোনগী শক্তি পীবনা ভারতকী শেন্মীৎলোন মপাঙ্গল কন্নবগী য়ুম্ফম ওইরি”
“রিফোর্মশিং পুরকপনা এস্পিরেস্নেল সোসাইতী শেমলি”
“ঐখোয়না লেপ্পা লৈতনা ঐখোয়গী রিফাইনিং কেপাসিতী অসি ইন্দিজিনস, মোদর্ন অমসুং অপগ্রেদ ওইহন্নবা হোৎনরি”
“২০৩০ ফাওবদা ঐখোয়গী ইনর্জী মিক্সতা নেচরেল গ্যাস কঞ্জুম্পসন হেনগৎহন্নবা ঐখোয়না মিসন মোদতা থবক তৌরি”
Posted On:
06 FEB 2023 2:16PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি বেঙ্গলুরুদা ইন্দিয়া ইনর্জী ৱীক (আই.ই.দবল্যু.) ২০২৩ হৌদোকখ্রে। প্রধান মন্ত্রীনা ইন্দিয়ন ওইলগী ‘অনবোত্তল’ ইনিসিএতিবকী মখাদা য়ুনিফোর্মশিং লোঞ্চ তৌখ্রে। য়ুনিফোর্মশিং অসি রিসাইকল তৌবা পি.ই.তি. বোত্তলশিংদগী তুবনি। মহাক্না ইন্দিয়ন ওইলগী ইন্দোর সোলর কুকিং সিস্তেমগী ত্বিন-কুকতোপ মোদেলসু কত্থোকখি অমসুং মাগী কম্মর্সিএল রোল-আউৎ তৌখি।
মসিগী মতুংদা প্রধান মন্ত্রীনা ইথানোল ব্লেন্দিং রোদমেপকী পরিং মখাদা রাজ্য/য়ু.তি. ১১দা ওইল মার্কেতিং কম্পনীশিংগী রিতেল আউৎলেৎ ৮৪দা ই২০ ফ্যুল লোঞ্চ তৌখি। মহাক্না গ্রীন মোবিলিতী রেল্লীসু লমথাখি। রেল্লী অসিদা গ্রীন ইনর্জী সোর্সশিংদা চেল্লিবা গারীশিংনা শরুক য়াগনি অমসুং মসিনা গ্রীন ফ্যুলগীদমক পব্লিক এৱের্নেস পীবদা মতেং ওইরগনি।
থৌরম অসিদা ৱা ঙাংবা অসি হৌবদা প্রধান মন্ত্রীনা তর্কী অমসুং মনাক নকপা লৈবাকশিংদা লৈখিদ্রবশিং অমসুং অমাং অতা থোকখিবগীদমক অৱাবা ফোঙদোকখি। মহাক্না অঙম্বা মতেং পীনবা ভারতনা শেম-শাদুনা লৈ হায়না ফোঙদোকখি।
বেঙ্গলুরু অসি তেক্নোলোজী, তেলেন্ত অমসুং ইন্নোভেসন্না য়োম্বা সহর অমনা হায়রদুনা প্রধান মন্ত্রীনা মফম অসিদা তিল্লিবা মীপুম খুদিংমক্না ঙসি ইনর্জী অদু উবা ফংলগনি হায়না ফোঙদোকখি। মহাক্না হায় ইন্দিয়া ইনর্জী ৱীক অসি জি২০ কেলেন্দরগী অহানবা মরু ওইবা ইনর্জী ইভেন্ত অমনি অমসুং থৌরম অসিদা মীপুম খুদিংমকপু তরাম্না ওকখি।
প্রধান মন্ত্রীনা ২১শুবা চহিচাগী মালেমগী তুংলমচৎকী মাইকৈ লেপ্পদা ইনর্জী সেক্তরগী অচৌবা থৌদাং লৈ হায়খি। মহাক্না হায়, “ভারত অসি ইনর্জী ত্রাঞ্জিসন্দা অমদি ইনর্জীগী অনৌবা রিসোর্সশিং দিবেলপ তৌনবগী মালেমগী খ্বাইদগী মপাঙ্গল কনবা ভোইসশিংগী মরক্তা অমা ওইরি। বিক্ষিৎ ভারতকী ফিরেপকা লোয়ননা চংশিল্লিবা অসিদা অমুক্তা ওইখিদ্রিবা মওংদা ওইথোকপা য়াবশিং ভারত্তা লাক্লি”।
ভারত অসি খ্বাইদগী খোঙজেল য়াংনা খুমাং চাউশিল্লিবা মরু ওইবা ইকনোমী অমনি হায়না আই.এম.এফ.কী হন্দক্তা ফোঙখিবা প্রোজেক্সনশিংগী মতাংদা পল্লদুনা শ্রী মোদীনা হায় ২০২২দা লাইচৎ অমসুং লানগী চৈথেং নংলবা মালেমদা ভারতনা মখা তানা অফবা মফম অমা কনা ঙমখি। মহাক্না ভারতকী ইন্তর্নেল রেজিলিয়েন্স অসিনা মরম ওইদুনা লৈবাক অসিনা এক্সতর্নেল ফেক্তরগী মখা পোনবা তৌদনা অপনবা অমা হেক্তবু মায়োক্নবা ঙমখি।
প্রধান মন্ত্রীনা মসিগীদমক ফেক্তর কয়ামরুম পনখি, অহানবদা তংদু লৈতাবা, দেসিসিব ওইবা সরকার লৈবা। অনিশুবদা লেপ্পা লৈতনা রিফোর্মশিং পুরকপা, অহুমশুবদা গ্রাসরুৎকী থাক্তা সমাজিক-শেন্মীৎলোন্দা শক্তি পীবা অসিনি। প্রধান মন্ত্রীনা বেঙ্ক একাউন্তশিংগী খুত্থাংদা ফাইনান্সিএল ইনক্লুজন লৈহনবা, লেম্না হকশেলগী খুদোংচাবশিং পীবা, শাফবা সেনিতেসন, মৈ, য়ুম অমসুং তোতি ঈশিং য়াওনা অচৌবা সোসিএল ইনফ্রাস্ত্রকচরনা মীওই করোর কয়া য়ৌশিনখি অমসুং অচৌবা লৈবাক কয়াগী মীশিংদগী হেন্না য়াম্বা মীওই মশিং কয়াগী পুন্সিদা অহোংবা পুরকখি।
প্রধান মন্ত্রীনা ভারতকী মীওই করোর কয়াগী পুন্সিদা অফবা অহোংবা পুরক্তুনা মখোয়না লায়রবগী খয়াৎতগী থোরক্তুনা মিদল ক্লাসকী থাকশিং য়ৌখি হায়না ফোঙদোকখি। মহাক্না হায় খুঙ্গং খুদিংমক্না ইন্তর্নেৎ এক্সেস ফংনবগীদমক লৈবাক অসিদা ওপ্তিকেল ফাইবর কিলোমিতর ৬,০০,০০০ তিংখি। হৌখিবা চহি ৯দা পুরকখিবা চাউখৎ-থৌরাংশিংগী মতাংদা পল্লদুনা প্রধান মন্ত্রীনা হায় মদুদি লৈবাক অসিদা ব্রোদবেন্দ য়ুজরশিংগী মশিং অসি শরুক তরাহুমদোই হেনগৎলকখি অমসুং খুঙ্গংগী মফমশিংদা লৈবা ইন্তর্নেৎ য়ু্জরশিংগী মশিং অসি সহরগী মফমশিংগা চাংদম্নবদা খোঙজেল য়াংনা হেনগৎলক্লি। প্রধান মন্ত্রীনা হায় মালেমগী ওইনা মোবাইল ফোনশিং মেন্যুফেকচর তৌবদা ভারতনা অনিশুবা খ্বাইদগী চাউবা মেন্যুফেকচর্র ওইরি, মসিনা মরম ওইদুনা মালেমগী খ্বাইদগী চাউবা এস্পিরেস্নেল ক্লাস শেম্বা ঙমহনখি। ভারতকী প্রজাশিংগী অনীংবা-অপাম্বশিং মঙফাওনবা ঙম্নবা হোৎনবদা ইনর্জীগী থৌদাং চাউই হায়না ফোঙদোক্লদুনা প্রধান মন্ত্রীনা মখা তারদুনা হায়, “ভারতকী মীয়াম্না হেন্না ফবা প্রদক্তশিং, হেন্না ফবা সর্ভিসশিং অমসুং হেন্না ফবা ইনফ্রাস্ত্রকচর পাম্মি”।
তুংলমচৎতা ভারত্তা লৈরক্কদবা ইনর্জীগী মথৌ তাবা অমদি দিমান্দগী মতাংদা পল্লদুনা প্রধান মন্ত্রীনা হায় ভারত্তা খোঙজেল য়াংনা চাউখৎ-থৌরাং পুরকপা অসিনা অনৌবা সহরশিং শেমগৎপা ঙমহনখি। ইন্তর্নেস্নেল ইনর্জী এসোসিএসনগী মতাংদা পল্লদুনা প্রধান মন্ত্রীনা হায় মদুদি ভারতকী ইনর্জী দিমান্দশিং অসি হৌজিক লৈরিবা দিকেদ অসিদা খ্বাইদগী ৱাংলগনি মসিনা ইনর্জী সেক্তরদা লৈবা ইনভেস্তরশিং অমসুং স্তেকহোল্দরশিংগীদমক খুদোংচাবা অমা পীরি। মহাক্না হায় গ্লোবেল ওইল দিমান্দদা ভারতকী শিয়র অসি ৫%নি হায়রিবা অসি ১১%দা হেনগৎলকপা য়াই পানরি অমরোমদা ভারতকী গ্যাস দিমান্দ অসি ৫০০%দা হেনগৎলকপা য়াই পান্নরি। মহাক্না হায় ভারতকী ইনর্জী সেক্তর পাকথোক-চাউথোকহন্দুনা ইনভেস্তমেন্ত অমসুং কোল্লাবোরেসনগীদমক অনৌবা খুদোংচাবশিং পীরি।
প্রধান মন্ত্রীনা ইনর্জী সেক্তরগী লালোংগীদমক মরু ওইবা ভর্তিকেল মরিগী মতাংদা শন্দোক্না হায়খি। অহানবদা দোমেস্তিক এক্সপ্লোরেসন অমদি প্রদক্সনশিং হেনগৎহনবা অমসুং অনিশুবদা সপ্লাই দাইভর্সিফাই তৌবা, অহুমশুবদা বাইওফ্যুল, ইথানোল, কমপ্রেস বাইওগ্যাস অমসুং সোলরগুম্বা ফ্যুলশিং শীজিন্নবা হেনগৎহনবা। মরিশুবদা ইলেক্ত্রিক ভেহিকলশিং অমসুং হাইদ্রোজেনগী খুত্থাংদা দি-কার্বোনাইজেসন তৌবা। ভর্তিকেলশিং অসিগী মতাংদা শন্দোক্না হায়রদুনা প্রধান মন্ত্রীনা হায় ভারত অসি মাগী রিফাইনিং কেপাসিতীগীদমক মরিশুবা খ্বাইদগী চাউবা লৈবাক ওইনা খঙনৈ। হৌজিক লৈরিবা এম.এম.তি.পি.এ. ২৫০গী কেপাসিতী অসিদগী এম.এম.তি.পি.এ. ৪৫০দা কেপাসিতী অসি হেনগৎহন্নবা খোঙথাংশিং লৌখৎলি। মহাক্না হায়, “ঐখোয়না লেপ্পা লৈতনা ঐখোয়গী রিফাইনিং কেপাসিতী অসি ইন্দিজিনস, মোদর্ন অমসুং অপগ্রেদ ওইহন্নবা হোৎনরি”। মতৌ অসুম্না ভারতনা পেত্রোকেমিকেল প্রদক্সন কেপাসিতী হেনগৎহন্নবা থবক পাইখৎলি। মহাক্না ইন্দস্ত্রীগী লুচিংবশিংদা তেক্নোলোজী শীজিন্ননবা অমসুং ভারতকী স্তার্তঅপ ইকোসিস্তেমদা মখোয়গী ইনর্জী লেন্দস্কেপ হেনগৎহন্নবা হায়খি।
প্রধান মন্ত্রীনা হায় সরকার অসিনা ‘ৱান নেসন ৱান গ্রিদ’কী মখাদা মথৌ তাবা ইনফ্রাস্ত্রকচর পুম্নমক পীদুনা ২০৩০ ফাওবদা ঐখোয়গী ইনর্জী মিক্সতা নেচরেল গ্যাসকী কঞ্জুম্পসন অসি ৬%দগী ১৫% ফাওবা হেনগৎহন্দুনা মিসন মোদতা থবক পাইখৎলি। প্রধান মন্ত্রীনা হায়, “সরকারনা এল.এন.জি. তর্মিনেল রিগ্যাসিফিকেসনগী কেপাসিতী হেনগৎহন্নবা হোৎনরি”। মহাক্না মখা তারদুনা হায় ২০২২দা এম.এম.ই.পি.এ. ২১গী তর্মিনেল রিগ্যাসিফিকেসনগী কেপাসিতী অসি শরুক অনি হেনগৎহনখি অমরোমদা মসিবু হেন্না হেনগৎহন্নবা খোঙথাংশিংসু লৌখৎলি। মহাক্না মখা তারদুনা হায় লৈবাক অসিদা সি.জি.দি.শিংগী মশিং অসি শরুক ৯ হেনগৎলকখি অমসুং সি.এন.জি. স্তেসনশিংগী মশিং অসি ২০১৪দা ৯০০ ওইরম্বদগী ৫০০০দা হেনগৎলকখি। প্রধান মন্ত্রীনা গ্যাস পাইপলাইন নেৎৱার্ক্কী মতাংদা পল্লদুনা হায় মসি ২০১৫দা কিলোমিতর ১৪,০০০ ওইরম্বদগী ২২,০০০দা হেনগৎহনখি অমসুং নেৎৱার্ক অসি মথংগী চহি ৪-৫দা কিলোমিতর ৩৫,০০০দা হেনগৎহল্লগনি।
ভারতনা দোমেস্তিক এক্সপ্লোরেসন অমসুং প্রদক্সন্দা মীৎয়েং চংলি হায়রদুনা প্রধান মন্ত্রীনা ই.পি. সেক্তরনা মমাংদা ইনএক্সেসিবল ওই হায়না লৌনরম্বা লমশিংদা মীৎয়েং চংবা হৌরক্লি হায়না ফোঙদোকখি। মহাক্না হায়, “ঐখোয়না ‘নো-গো’ এরিয়াশিং হন্থহনখি। মসিনা মরম ওইদুনা নো-গো রেস্ত্রিক্সনশিংদগী লম স্ক্বার কিলোমিতর লাখ ১০ ফ্রী ওইহনখি। ঐহাক্না ইনভেস্তর পুম্নমক্তা খুদোংচাবশিং অসি লৌনবা অমসুং ফোসিল ফ্যুলশিংগী এক্সপ্লোরেসনদা য়াওশিনবা হেনগৎহন্নবা হায়জরি”।
বাইও-ইনর্জী পাকথোক-চাউথোকপগী মতাংদা পল্লদুনা প্রধান মন্ত্রীনা মমাংগী ওগস্ততা অহানবা ২জি ইথানোল বাইও-রিফাইনরীগী মতাংদা ঙাংখি অমসুং কম্মর্সিএল ২জি ইথানোল প্লান্ত ১২গীদমক শেম শাবা হৌরে হায়খি। মতৌ অসুম্না সস্তেনেবল এভিএসন ফ্যুল অমসুং রিন্যুএবল দিজলগী কম্মর্সিএল ফীসিবিলিতীগী মাইকৈদা খোঙথাংশিং লৌখৎলি। চহি অসিগী বজেৎকী প্রোবিজনশিংগী মতাংদা পল্লদুনা প্রধান মন্ত্রীনা হায় অনৌবা ‘ৱেস্ত তু ৱেল্থ’ গোবর্ধন প্লান্ত ৩০০, কমপ্রেস বাইওগ্যাস প্লান্ত ২০০ অমসুং কম্ম্যুনিতী-বেজ প্লান্ত ৩০০না ইনভেস্তমেন্তগী অনৌবা এভেন্যুশিং শেম্লগনি।
প্রধান মন্ত্রীনা হায়, “নেস্নেল গ্রীন হাইদ্রোজেন মিসন্না ২১শুবা চহিচাগী ভারত্তা অনৌবা মাইকৈ অমা পীরগনি। মহাক্না হায় লৈবাক অসিনা দিকেদ অসি লোইরকপদা গ্রীন হাইদ্রোজেনগী এম.এম.তি.পি.এম. ৫ পুথোক্নবা পান্দম থম্মি মসিনা লুপা করোর লাখ ৮ হেনবগী ইনভেস্তমেন্ত লাকপা ওইথোকহল্লগনি। মহাক্না মখা তারদুনা হায় ভারতনা গ্রে হাইদ্রোজেনগী মহুৎ শিন্দুনা গ্রীন হাইদ্রোজেনগী শিয়র চাদা ২৫ হেনগৎহল্লগনি।
প্রধান মন্ত্রীনা ই.ভি.শিংগী বেত্তরী মমলগী মতাংদা মরু ওইবা ৱাফম অসিসু খন্নখি অমসুং মহাক্না হায় মসি কাসগী মমলগী চাদা ৪০-৫০ পীরি। মহাক্না হায় সরকারনা করোর ১৮,০০০গী পি.এল.আই. স্কিম অমা হৌদোকখি মসিনা গিগাৱাত আৱর ৫০গী এদভান্স কেমেস্ত্রী সেল শানবগী মাইকৈদা অচৌবা খোঙথাং অমা ওইরগনি।
প্রধান মন্ত্রীনা অনৌবা বজেৎতা রিন্যুএবল ইনর্জী, ইনর্জী ইফিসিএন্সী, সস্তেনেবল ত্রান্সপোর্তেসন অমসুং গ্রীন তেক্নোলোজীশিংদা মীৎয়েং চংবা অকুপ্পা ৱারোল য়াওবা এক্সপোজিসন অমা পীখি। ইনর্জী ত্রাঞ্জিসন্দা শাহৌ পীনবা অমসুং নেৎ-জিরোগী পান্দমশিং ফংনবা মরু ওইবা কেপিতেল ইনভেস্তমেন্তগীদমক করোর ৩৫,০০০ থমখি। কেপিতেল এক্সপেন্দিচরগী লুপা করোর লাখ ১০গী প্রোবিজন্না গ্রীন হাইদ্রোজেন, সোলর অমদি রোদ ইনফ্রাস্ত্রকচরদা শাহৌ পীরগনি।
মহাক্না গ্রীন ইনর্জী ইনিসিএতিবকী মতাংদা মখা তানা হায়রদুনা ফোঙদোকখি মদুদি হৌখিবা চহি ৯দা রিন্যুএবল ইনর্জী কেপাসিতী অসি গিগাৱাত ৭০দগী গিগাৱাত ১৭০দা হেনগৎহনখি মসিদা সোলর পাৱর শরুক ২০ হেনগৎলকখি। মহাক্না হায় ভারত অসি ৱিন্দ পাৱর কেপাসিতীদা মরিশুবদা লৈ। “ঐখোয়না দিকেদ অসি লোইরকপদা নন-ফোসিল ফ্যুল কেপাসিতী ৫০% য়ৌনবা পান্দম থম্মি। ঐখোয়না বাইওফ্যুলদা অমসুং ইথানোল ব্লেন্দিংদা য়াম্না খোঙজেল য়াংনা থবক পাইখৎলি। হৌখিবা চহি ৯দা ঐখোয়না পেত্রোলদা ইথানোল ব্লেন্দিং তৌবা অসি চাদা ১.৫দগী চাদা ১০দা হেনগৎহনখি। হৌজিক ঐখোয়না ইথানোল ব্লেন্দিং চাদা ২০ তৌনবা পান্দম থম্মি” হায়না প্রধান মন্ত্রীনা মখা তাখি। ঙসি রোল-আউৎ তৌখিবা ই-২০গী মতাংদা পল্লদুনা প্রধান মন্ত্রীনা হায়খি মদুদি রোল-আউৎকী অহানবা ফেস অসিনা সহর ১৫ কোনশিনগনি অমসুং চহি অনিগী মনুংদা লৈবাক পুম্বদা য়ৌহনগনি।
প্রধান মন্ত্রীনা হায়খি মদুদি ইনর্জী ত্রাঞ্জিসনগী মতাংদা ভারত্তা চত্থরিবা মাস মুফমেন্ত অসি কেস স্তদীগী সবজেক্ত অমা ওইরকখি। ভারতকী প্রজাশিংনা ইনর্জীগী রিন্যুএবল সোর্সশিং খোঙজেল য়াংনা শীজিন্নবা হৌরক্লি হায়না ফোঙদোক্লদুনা প্রধান মন্ত্রীনা হায়, “মসি মওং অনিদা পাঙথোক্লি: অহানবা ইনর্জীগী রিন্যুএবল সোর্সশিং খোঙজেল য়াংনা শীজিন্নবা অমসুং অনিশুবা ইনর্জী কঞ্জর্বেসনগী অফবা পাম্বৈশিং শীজিন্নবা”। সোলর পাৱরনা চল্লাইবা য়ুমশিং, খুঙ্গংশিং অমসুং এয়রপোর্তশিং অমদি সোলর পম্পশিংনা চল্লাইবা লৌউ-শিংউগী থবক-থৌরমশিংগী খুদমশিং পীখি। মহাক্না হায় ভারত্তা লৈরিবা ইমুং করোর ১৯ হেনবদি ক্লিন কুকিং ফ্যুলনা হৌখিবা চহি ৯ অসিদা কন্নেক্ত তৌখি। ঙসি লোঞ্চ তৌখিবা সোলর কুকতোপকী মতাংদা প্রধান মন্ত্রীনা হায় মসিনা ভারত্তা গ্রীন অমসুং ক্লিন কুকিংগী অনৌবা মায়োল অমা পীরগনি। মহাক্না মখা তারদুনা হায় “য়ুমথোং করোর ৩ হেনবা অসি মথংগী চহি ২-৩গী মনুংদা সোলর কুকতোপশিংগী এক্সেস ফংলগনি। “ভারত্তা ইমুং করোর ২৫ হেনবনা চাকশঙদা অওনবা অমা পুরক্লগনি”। য়ুমশিং, স্ত্রীৎলাইৎশিংদা এল.ই.দি. বল্বশিং শীজিন্নবা, য়ুমদা স্মার্ত মিতরশিং হাপ্পা, সি.এন.জি. অমসুং এল.এন.জি. শীজিন্নবা অমসুং ইলেক্ত্রিক ভেহিকলশিং পাম্নবা হেনগৎলকপা অসি খুদম ওইনা পীরদুনা প্রধান মন্ত্রীনা ইনর্জী কঞ্জর্বেসনগী অফবা পাম্বৈশিংগী মাংদা লাক্লিবা অহোংবা অসিগী মতাংদা ফোঙদোকখি।
প্রধান মন্ত্রীনা গ্রীন গ্রোথ, অমসুং ইনর্জী ত্রাঞ্জিসনগী ভারতকী খোঙথাংশিং অসিবু ভারতকী ভেল্যুশিংগা মরী লৈনহনখি, ভারতমচা খুদিংমক্কী পুন্সি মহিংগী সর্ক্যুলর ইকনোমীনা শরুক অমা ওইরি অমসুং রিদ্যুস, রিয়ুজ অমসুং রিসাইকলনা নাৎকী শরুক অমা ওইরি। মহাক্না হায় প্লাস্তিক বোত্তলশিং রিসাইকল তৌদুনা য়ুনিফোর্মদা ওন্থোক্নবা থৌশিলসিনা মিসন লাইফপু মপাঙ্গল কনখৎহল্লগনি।
ৱারোল পীবা লোইশিনবদা প্রধান মন্ত্রীনা স্তেকহোল্দরশিংদা ভারতকী ইনর্জী সেক্তরগা মরী লৈনবা ওইথোকপা য়াবা খুদিংমক এক্সপ্লোর তৌনবা অমসুং মসিদা য়াওশিন্নবা হায়খি। মহাক্না লোইশিনবাদা হায়, “ঙসি ভারত অসি নখোয়গী ইনভেস্তমেন্ত তৌনবগীদমক মালেমগী খ্বাইদগী চুনরবা মফম অমা ওইরে”।
থৌরম অদুদা কর্নাতকাগী রাজ্যপাল, শ্রী থাৱর চান্দ গেহলোৎ, কর্নাতকাগী মুখ্য মন্ত্রী, শ্রী বসবরাজ বোম্মাই, পেত্রোলিয়ম অমসুং নেচরেল গ্যাসকী কেন্দ্র মন্ত্রী, শ্রী হরদীপ সিংহ পুরি অমসুং পেত্রোলিয়ম অমসুং নেচরেল গ্যাসকী কেন্দ্রগী রাজ্য মন্ত্রী, শ্রী রামেশ্বর তেলিনা শরুক য়াখি।
বেকগ্রাউন্দ
প্রধান মন্ত্রীনা বেঙ্গলুরুদা ইন্দিয়া ইনর্জী ৱীক (আই.ই.দবল্যু.) ২০২৩ হৌদোক্কনি। ফেব্রুৱারী ৬তগী ৮ ফাওবা পাঙথোকপা আই.ই.দবল্যু. অসিনা ইনর্জী ত্রাঞ্জিসন পাৱরহাউস অমা ওইনা ভারতকী হেনগৎলক্লিবা মতিক-ময়াই অসি উৎনবা পান্দম থমখি। থৌরম অসিনা ত্রেদিস্নেল অমসুং নন-ত্রেদিস্নেল ইনর্জী ইন্দস্ত্রী, সরকারশিং অমসুং একাদেমিয়াদগী লুচিংবশিংবু পুনশিন্দুনা রেস্পোন্সিবল ইনর্জী ত্রাঞ্জিসন অমনা পীরিবা শীংনবশিং অমসুং খুদোংচাবশিংগী মতাংদা খন্নগনি। মসিদা মালেম শিনবা থুংবদা মন্ত্রী ৩০ হেনবনা শরুক য়াবা উবা ফংগনি। দেলিগেৎ ৩০,০০০, একজিবিতর ১,০০০ অমসুং স্পীকর ৫০০ হেনবনা ভারতকী ইনর্জী ফ্যুচরগী শীংনবশিং অমসুং খুদোংচাবশিং অসি খন্ননবা পুনশিনগনি।
প্রধান মন্ত্রীনা ইন্দিয়ন ওইলগী ‘অনবোত্তল্দ’ ইনিসিএতিবকী মখাদা য়ুনিফোর্মশিং লোঞ্চ তৌগনি। সিঙ্গল-য়ুজ প্লাস্তিক মুৎথৎনবা প্রধান মন্ত্রীগী মঙলান্না লমজিংদুনা ইন্দিয়ন ওইলনা রিতেল কস্তমর এরেন্দেন্তশিং অমদি এল.পি.জি.দেলিভরী পর্সেনলগী রিসাইকল পোলিস্তর (আর.পি.ই.তি.) অমসুং লংজমনা তুবা য়ুনিফোর্মশিং থমগনি। ইন্দিয়ন ওইলগী কস্তমর এতেন্দেন্তগী য়ুনিফোর্ম সেৎ অমমনা শীজিন্নরবা পি.ই.তি. বোত্তল ২৮রোম রিসাইকল তৌবা ঙমগনি। ইন্দিয়ন ওইলনা সস্তেনেবল গার্মেন্তশিংগী ব্রান্দ অমা ওইরিবা – ‘অনবোত্তল্দ’ অসিগী খুত্থাংদা ইনিসিএতিব অসি হেন্না চাউখৎনবা রিসাইকল পোলিস্তরদগী শাবা মর্চেন্দাইজ লোঞ্চ তৌখি। ব্রান্দ অসিগী মখাদা ইন্দিয়ন ওইলনা অতোপ্পা ওইল মার্কেতিং কম্পনীশিংগী কস্তমর এতেন্দেন্তশিংগীদমক য়ুনিফোর্মশিং অমসুং আর্মীগী য়ুনিফোর্মশিং, ইন্সতিত্যুসনশিং অমসুং সেল্স অমদু রিতেল কস্তমরশিংগী য়ুনিফোর্মশিং/ফিজোলগী মথৌ তানা থুংহন্নবা পান্দম থমখি।
.প্রধান মন্ত্রীনা ইন্দিয়ন ওইলগী ইন্দোর সোলর কুকিং সিস্তেমগী ত্বিন-কুকতোপ মোদেলসু কত্থোক্কনি অমসুং মাগী কম্মর্সিএল রোল-আউৎ লমথাগনি। ইন্দিয়ন ওইলনা মমাংদা সিঙ্গল কুকতোপ য়াওবা ইন্নোভেতিব অমসুং পেন্তেন্দেদ ইন্দোর সোলর কুকিং অমা মমাংদা দিবেলপ তৌখি। ফংখিবা ফীদবেক্তা য়ুম্ফম ওইরগা য়ুজরশিংদা হেন্না ফ্লেক্সিবিলিতী লৈহন্নবা অমসুং খুদোংচাহন্নবা ত্বিন-কুকতোপ ইন্দোর সোলর কুকিং সিস্তেম দিজাইন তৌখি। মসি সোলর অমসুং ওজিলিয়রী ইনর্জী সোর্সশিং অনিমক্তা অমুক্তদা থোংবা য়াহন্দুনা ভারতকী রিলাইএবল কুকিং সোল্যুসন পীরিবা অনৌবা ইন্দোর সোলর কুকিং সোল্যুসন অমনি।
******
(Release ID: 1896621)
Visitor Counter : 122
Read this release in:
Bengali
,
English
,
Urdu
,
Marathi
,
Hindi
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam