ভারতনা ক্লাইমেত চেঞ্জকী মতাংদা খোঙফম চেৎনা লৈরিবা অসিগা লোয়ননা মালেমগী খ্বাইদগী মিৎয়েং শানবা ক্লীন ইনর্জী ত্রাঞ্জিসন অমা লুচিংলি। ফাইনান্স অমসুং কোর্পোরেত এফিয়র্সকী কেন্দ্র মন্ত্রী, শ্রীমতি নির্মলা সিতারামন্না ঙসি পার্লিয়ামেন্ততা পুথোকখিবা ইকোনোমিক সর্ভে ২০২২-২৩দা লাইরবা মুত্থৎপা অমসুং মশাগী মীয়ামদা নুংঙাই য়াইফবগী তঙাই ফদবা হীরমশিং পীবগী পান্দম্বু মরু ওইনা লৌবা চাউখৎ-থৌরাংগী মিৎয়েংগা নুংগী মরী লৈনবা ভারতকী ক্লাইমেত চেঞ্জকী পান্দমসু ফোংদোক্লি।

ভারতকী ক্লাইমেত এক্সনগী হৌজিক ফাওবগী মায় পাকপশিং

ভারতনা চাউখৎ-থৌরাংগী মশাগী পান্দমগা ক্লাইমেত এক্সনগী মিৎয়েং শানবা পান্দমশিংগা পুন্সিন্দুনা তুং-কোইনা চৎপা চাউখৎপা পুরক্নবা হোৎনবগী খোঙথাংশিংদা মশক থোকপা মায় পাকপা কয়া ফংখ্রে।

১) ভারতকী ফোরেস্ত কবর

ইং ২০১০ অমসুং ২০২০গী মনুংদা এভরেজ এনুএল ফোরেস্ত এরিয়া পাকথোক চাউথোকপগী হীরমদা ভারতনা মালেমগী অহুমশুবা থাক্তা লৈরে। মায় পাকপা অসি গ্রীন ইন্দিয়া মিসন (জি.ই.এম.), কম্পেন্সেতরী এফোরেস্তেসন ফন্দ মেনেজমেন্ত অমসুং প্লান্নিং ওথোরিতী (সি.এ.এম.পি.এ.)নচিংবা কেন্দ্র অমসুং রাজ্য সরকারগী চাউরবা ফ্রেমৱর্ক অমসুং পোলিসীশিংনা মরম ওইরগা ফংবনি হায়না সর্ভেসিনা ফোংদোক্লি। ভারতকী রাজ্যশিংগী মনুংদা অরুনাচল প্রদেশ প্রদেশ্তা কার্ভন স্তোক খ্বাইদগী য়াম্না লৈ অমসুং জম্মু অমসুং কশ্মিরদা তোন ১৭৩.৪১গী খ্বাইদগী য়াম্বা পর-হেক্ত্যার কার্বন স্তোক লৈ।

২) ইকোসীস্তেম ঙাক-শেনবা

ইকোসীস্তেম ঙাক শেন্দুনা থম্নবা খোঙফম চেৎপগী শরুক অমা ওইনা, ভারত্তা লাখ হেক্ত্যার ১৩.৩গী লমগী পাক চাউবা কোন্দুনা হৌজিক ৱেতলেন্দগী রমসার সাইত ৭৫ লৈরে। মেংগ্রুব ঙাক-শেন্নবা অমসুং য়োকখৎনবা পায়খৎপা তোঙানবা খোঙথাং অমসুং কাঙলোন কয়া শেম্বনা মরম ওইরগা, ইং ২০২১দা মেংগ্রুব কবরদা স্ক্বার কিমি. ৩৬৪ হেনগৎখি হায়না সর্ভে অসিনা পাউদম্লি।

৩) রিন্যুএবল ইনর্জীদা মাইকৈদা খোঙ থাংজিনবা

ভারত অসি রিন্যুএবলশিংদা ইনভেস্ত তৌবগী মতাংদা য়াম্না পাম্নরবা পন্থুংফম অমা ওইরক্লি। ইং ২০১৪দগী ২০২১ ফাওবগী মনুংদা ভারত্তা লাকখিবা রিন্যুএবল ইনভেস্তমেন্তকী অপুনবা শেনফম্না য়ু.এস.দি. বিলিয়ন ৭৮.১ য়ৌখি।

ইং ২০১৯-৩০গী অরোইবদা লৈবাক অসিদা লৈগনি থাজরিবা ইন্সতোল কেপাসিতী অসি জি.দবল্যু. ৮০০ হেল্লগনি, মসিগী মনুংদগী নন-ফোসিল ফুএলনা জি.দবল্যু. ৫০০ হেন্না শরুক তমগনি অমসুং মসিনা মরম ওইদুনা, ইমিসনগী চাংচৎকী চাংবু ইং ২০১৪-১৫গা চাংদম্নবদা ইং ২০২৯-৩০দা চাউরাক্না ২৯%দা হন্থহল্লক্কনি হায়না সর্ভে অসিনা ফোংদোক্লি।

ভারতপু ইনর্জীদা-মনিংতম্বা লৈবাক ওইহন্নবা অমসুং ক্রিতিকেল সেক্তরশিংবু দিকার্বনাইজ তৌহন্দুনা ইং ২০৫০ ফাওবগী অরোইবদা অপুনবা কার্বন্দাইওক্সাইদ থাদোকপগী চাংবু গিগা-তোন ৩.৬তা তাথহল্লকদবা লুপা করোর ১৭,৬৪৪গী আউতলেগা লোয়নবা নেস্নেল গ্রীন হাইদ্রোজেন মিসনগীদমক্তা সরকারনা অয়াবা পীখ্রে হায়বা ৱাফমসু সর্ভে অসিনা পল্লি।

সস্তেনেবল দিভেলপমেন্তকী ফাইনান্স

ক্লাইমেত এক্সন পান্দমশিং ফংনবগীদমক্তা ফাইনান্সপু মরু ওইবা ইনপুত অমনি হায়না শকখঙলদুনা, সর্ভে অসিনা ভারতনা প্রাইভেত কেপিতেল শিজিন্ননবা পায়খৎলিবা খোঙথাং কয়াগী মতাংদসু পনখি।

১) গ্রীন বোন্দ

সোভরেন গ্রীন বোন্দ পীথোকপনা শেন্মিৎলোনগী কার্বন ইন্তেন্সিতী হন্থহন্নবা পান্দম থম্লিবা পব্লিক সেক্তর প্রোজেক্তশিংদা শিজিন্ননবগীদমক্তা সরকারনা পোতেন্সিএল ইনভেস্তরশিংদগী তঙাই ফদবা ফাইনান্স লৌবদা তেংবাংগনি। ইন্তর্নেস্নেল কেপিতেল মার্কেত এসোসিএসন (আই.সি.এম.এ.) গ্রীন বোন্দ প্রিন্সিপল (২০২১)গী কাঙলোন ইনবা ফ্রেমৱর্ক অমসু হীরম অসিগা মরী লৈননা ফোঙখ্রে হায়না সর্ভে অসিনা পাউদম্লি। সোভরেন গ্রীন বোন্দ পীথোকপগা মরী লৈনবা থৌওং শেন্ননবা অমসুং মরু ওইবা ৱারেপ য়েংশিন্নবা গ্রীন ফাইনান্স ৱর্কিং কম্মিত্তী অমসু শেমখ্রে।

রিজর্ব বেঙ্ক ওফ ইন্দিয়ানা ফিস্কেল চহি ২০২২-২৩গীদমক্তা অপুনবা লুপা করোর ১৬,০০০ ওইবা সোভরেন গ্রীন বোন্দ পীথোকপগী ইন্দিকেতিব কেলেন্দর অমা নোতিফাই তৌখ্রে।

২) ব্যুজিনেস রেস্পোন্সিবিলিতী অমসুং সস্তেনেবিলিতী রিপোর্ত (বি.আর.এস.আর.)

ব্যুজিনেস রেস্পোন্সিবিলিতী অমসুং সস্তেনেবিলিতী রিপোর্ত (বি.আর.এস.আর.)গী মখাদা সস্তেনেবিলিতী রিপোর্তিং তৌনবা অনৌবা তঙাই ফদবা কয়া এস.ই.বি.আই.না ফোঙখ্রে অমসুং তঙাই ফদবশিং অসি ‘নেস্নেল গাইদলাইন ওন রেস্পোন্সিবল ব্যুজিনেস কন্দক্ত’কী মনুং চনবা কাঙলোনগা মরী লৈনবা হীরমশিংগা মান্নৈ। মকোক থোংবা এন্তিতী ১০০০ (মার্কেত কেপিতেলাইজেসন্না)দা বি.আর.এস.আর. অসি ইং ২০২২-২৩দা পাংথোক্তবা য়াদবা হীরম ওইহনখ্রবনি হায়না সর্ভে অসিনা পল্লি।

কোপ ২৭দা ভারত

ভারতনা ইং ২০৩০গী মমাংদা নন-ফোসিল ফুএলদগী ইনস্তোল ইলেক্ত্রিক কেপাসিতী ফংবগী পান্দম্বু মাঙদা হেন্না চঙশিন্দুনা মশাগী নেস্নেল্লী দিতর্মাইন্দ কন্ত্রিব্যুসন (এন.দি.সি.)বু ৫০%দা অপদেত তৌখ্রে। ইনর্জী সেক্যুরিতীগা মরী লৈননা লৈবাক্কী পোত্থোকশিংবু কাঙলোন চুম্না শিজিন্নবদা মিৎয়েং চঙবা ভারতকী লোং-তর্ম লো কার্বন দিভেলপমেন্ত স্ত্রেতজী (এল.তি.-এল.ই.দি.এস.) অসিবুসু সর্ভে অসিনা পল্লি। ৱাখল খন্থদনা অমসুং মাংহন তাকহনবগী মহুত্তা ৱাখল খন্থরগা অমসুং নিংথিনা শিজিন্নবগী ৱাখল্লোন লৈদুনা অহোংবা পুরকসি হায়না মালেমগী মফমদা থম্বা খোল্লাও ওইরিবা এল.আই.এফ.ই. (লাইফস্তাইল ফোর ইনভাইরনমেন্ত)গী পান্দমগা স্ত্রেতজী অসিগা মরী লৈনৈ।

ইনভাইরনমেন্তেল ইস্যু খরগা মরী লৈনবা অতোপ্পা খোঙথাং খরা

ভারত অমসুং নেপালনা উমং অমসুং লম্লক্কী শা-ঙাগী হীরমদা তেংবাংনবগী থবকশিং হেনগৎনবা অমসুং মপাঙ্গল লৈহন্নবগীদমক্তা বাইওদাইবর্সিতী য়োকখৎপগী মেমোরেন্দম ওফ অন্দর্স্তেন্দিং (এম.ও.য়ু.) অমা ওগস্ত ২০২২দা খুৎয়েক পীনখ্রে।

ভারতনা ইং ২০২২ ফাওবদা কৈগী মশিং শরুক অনিদা হেনগৎহন্নবা থমখিবা পান্দম্বু ইং ২০১৮দা,  চহি মরিগী মমাংদা, ফংবগী মায় পাকপা অসিসু সর্ভে অসিনা পনখি। এসিয়াতিক নোংশাগী মশিং তপ্না হেনগৎলক্লি, ইং ২০১৫দা ৫২৩ লৈরম্বা অদুদগী ইং ২০২০দা ৬৭৪দা হেনগৎলে।

সর্ক্যুলর ইকোনোমী খুমাং চাউশিলহন্নবগীদমক্তা অনৌবা রুল অনি, বেত্তরী ৱেস্ত মেনেজমেন্ত রুল, ২০২২ অমসুং ই-ৱেস্ত (মেনেজমেন্ত) রুল, ২০২২সু নোতিফাই তৌখ্রে।

*****