য়ামদ্রবদা লমথুংফম ৫০ খনগত্তুনা তুরিজমগী মপুং ফাবা পেকেজ অমা ওইনা শেমগৎলগনি হায়না শেলথুম অমদি কোর্পোরেৎ এফ্যার্সকী কেন্দ্র মন্ত্রী শ্রীমতী নির্মলা সিতরমন্না ঙসি পার্লিয়ামেন্ততা কেন্দ্র বজেৎ ২০২৩-২৩ পুথোক্লদুনা হায়খ্রে‍। হায়রিবা লমথুংফমশিং অসি ইন্তিগ্রেতেদ অমদি ইনোভেতিব ওইবা এপ্রোচ অমা শীজিন্নদুনা চেলেঞ্জ মোদকী খুত্থাঙদা খনগৎকনি অমদি তুরিজম চাওখৎহনবগী মীৎয়েঙনা লমদমসিগী লোয়ননা মপান লমদগী লাকবা তুরিস্তশিংনা ওইগনি হায়না মহাক্না মখা তাখি‍।

শেলথুম মন্ত্রীনা তুরিস্ত এক্সপরিএন্স হেনগৎহন্নবগীদমক ফীজিকেল কন্নেক্তিবিতী, ভর্চুএল কন্নেক্তিভিতী, তুরিস্ত গাইদশিং, স্ত্রীৎ ফুদকী হায় স্তেন্দর্দ, অমদি তুরিস্তশিংগী সিক্যুরিতীগী ৱাফমকী মথক্তা, লমকোয় লমথুংফমশিংগী মরী লৈনবা ৱাফমশিং ফংহনগদবা এপ অমা পুথোক্নবা ৱাফম থমখি‍।

লমদমসুগী তুরিজম মপাঙ্গল কনখৎহন্নবগীদমক, ‘দেখো অপ্না দেস’ থৌরাংগী পান্দমশিং ফংনবগীদমক সেক্তর স্পেসিফিক স্কিলিং অমসুং ওন্ত্রপ্রিন্যুরসিপ দিভেলপমেন্তকী থবক থৌরমশিং পায়খৎনবা ৱাফম বজেৎ ২০২৩-২৪না থম্লি‍। ঙমখৈগী খুঙ্গংশিংদা তুরিজম পুক্নিং থৌগৎনবগীদমক, ভাইব্রেন্ত ভিলেজ প্রোগ্রামগী মখাদা তুরিজম ইনফ্রাস্ত্রকচর অমদি এনেনিতীশিং শেমগৎকনি হায়না শেলথুম মন্ত্রীনা লাউথোকখি‍।

তোঙান তোঙানবা তুরিজম স্কীমশিংগী মরমদা ৱা ঙাঙলদুনা, শ্রীমতি সিতরমন্না “'দেখো অপ্না দেশ’ থৌরাং মিদ্দল ক্লাস মীয়ামদা ইন্তরনেস্নেল তুরিজমগী মহুত্তা দোমেস্তিক তুরিজমদা পুক্নিং চঙনবা প্রধান মন্ত্রীনা মীয়ামদা আপীল তৌবা ওইনা হৌদোকখিবনি, অদুগা ‘স্বদেশ দর্শন স্কীম’না থীম-বেজ তুরিস্ত সর্কুইৎকী ইন্তিগ্রেতেদ দিভেলপমেন্ত পুরক্নবগীদমক হৌদোকখিবনি” হায়খি‍।

স্তেতশিংগী মশাগী ৱন দিস্ত্রিক্ত, ৱন প্রদক্ত (ও.দি.ও.পি.), জিওগ্রাফিকেল ইন্দিকেসন (জি.আই.) অমদি অতৈ হেন্দিক্রাফ্ত পোত্থোকশিং য়োকখৎনবা অমদি য়োন্ননবা য়ুনিতী মোল স্তেতশিংদা লিংখৎলগনি হায়না মন্ত্রীনা হায়খি‍। স্তেতশিংদা য়ুনিতী মোল অসি মখোয় মখোয়গী কোনুং ওইরিবা ময়োল্লমশিংদা নৎত্রগা খ্বায়দগী মমিং লৈবা তুরিজম সেন্তরদা নৎত্রগা ফাইনেন্সিএল কেপিতেলদা লিংখৎনবা অমদি অতোপ্পা স্তেতশিংগী ও.দি.ও.পি.শিং অমদি জি.আই. প্রদক্তশিংগী মফমসু পীননবা পুক্নিং থৌগৎকনি হায়না মহাক্না মখা তাখি‍।

“লৈবাকসিনা লমদমসিগী অমদি মপান লৈবাক্কী তুরিস্তশিংগীদমক য়াম্লবা পুক্নিং চিংশিনফম পীরি‍। তুরিজমগী লমদা লোকশিনগদবা মতিং চাউনা লৈরি‍। সেক্তর অসিদা থবক পীবগী অমদি মরুওইনা নহাশিংগী ওন্ত্রপ্রিন্যুরসিপকী খুদোংচাবা চাউনা লৈরি‍। তুরিজম য়োকখৎপগী থবক অসি স্তেতশিং ইচঙ থৌনা শরুক য়াহনবা, লৈঙাক্কী প্রোগ্রামশিং পায়খৎপা অমদি পব্লিক-প্রাইভেৎ পার্ত্নরসিপকী থৌওংগা লোয়ননা মিসন মোদতা পায়খৎকনি‍‍।” হায়না শেলথুম মন্ত্রীনা ভারতকী তুরিজমগী মতিংগী মতাঙদা ৱা ঙাঙলদুনা ফোঙদোকখি‍।

*****