નાણા મંત્રાલય

"કોઈને પાછળ ન છોડો"નો મંત્ર 2014થી સર્વસમાવેશક વિકાસમાં પરિણમ્યો


માથાદીઠ આવકમાં બમણી કરતાં વધુ વૃદ્ધિ

ભારતીય અર્થવ્યવસ્થા હવે વિશ્વમાં પાંચમી સૌથી મોટી છે

EPFO મેમ્બરશિપ બમણીથી વધીને 27 કરોડ થઈ

2022માં UPI દ્વારા રૂ. 126 લાખ કરોડની 7,400 કરોડ ડિજિટલ ચૂકવણી

Posted On: 01 FEB 2023 1:33PM by PIB Ahmedabad

2014થી દેશની સિદ્ધિઓ પર પ્રકાશ પાડતા, કેન્દ્રીય નાણાં પ્રધાન, શ્રીમતી નિર્મલા સીતારમણે કેન્દ્રીય બજેટ 2023-24 રજૂ કરતી વખતે "કોઈને પાછળ ન છોડો"ના મંત્ર પર ભાર મૂક્યો હતો જેના પરિણામે દેશનો સમાવેશી વિકાસ થયો છે. આનાથી તમામ નાગરિકો માટે જીવનની સારી ગુણવત્તા અને ગૌરવપૂર્ણ જીવન સુનિશ્ચિત થયું છે, તેણીએ પ્રકાશ પાડ્યો હતો.

2014થી સરકારની અસંખ્ય સિદ્ધિઓની ગણતરી કરતા, તેણીએ ધ્યાન દોર્યું કે માથાદીઠ આવક બમણીથી વધુ વધીને રૂ. 1.97 લાખ થઈ.

વધુમાં, છેલ્લા નવ 9 વર્ષોમાં, ભારતીય અર્થતંત્ર કદમાં વધીને વિશ્વમાં 10માથી 5મા ક્રમે છે. "અમે ઘણા વૈશ્વિક સૂચકાંકોમાં પ્રતિબિંબિત થતાં વ્યવસાય માટે અનુકૂળ વાતાવરણ સાથે સુશાસિત અને નવીન દેશ તરીકે અમારી સ્થિતિમાં નોંધપાત્ર સુધારો કર્યો છે અને ઘણા ટકાઉ વિકાસ લક્ષ્યોમાં નોંધપાત્ર પ્રગતિ કરી છે," તેણીએ જણાવ્યું હતું.

અર્થવ્યવસ્થા ઘણી વધુ ઔપચારિક બની ગઈ છે તેની નોંધ લેતા, કેન્દ્રીય નાણામંત્રીએ જણાવ્યું હતું કે આ EPFO સદસ્યતા બમણી કરતાં વધુ 27 કરોડમાં પ્રતિબિંબિત થાય છે. આ ઉપરાંત, 2022માં UPI દ્વારા રૂ. 126 લાખ કરોડના 7,400 ડિજિટલ પેમેન્ટ કરવામાં આવ્યા હતા.

કેન્દ્રીય નાણામંત્રીએ 2014 થી સમગ્ર દેશમાં પરિણામી સમાવેશી વિકાસ માટે લક્ષ્યાંકિત લાભોના સાર્વત્રિકરણ સાથે ઘણી યોજનાઓના કાર્યક્ષમ અમલીકરણને શ્રેય આપ્યો.

કેટલીક નોંધપાત્ર સિદ્ધિઓમાં નીચેનાનો સમાવેશ થાય છે:

  1. સ્વચ્છ ભારત મિશન હેઠળ 11.7 કરોડ ઘરેલુ શૌચાલય,
  2. ઉજ્જવલા હેઠળ 9.6 કરોડ એલપીજી કનેક્શન,
  3. 102 કરોડ લોકોનું 220 કરોડ કોવિડ રસીકરણ,
  4. 47.8 કરોડ PM જન ધન બેંક ખાતા,
  5. PM સુરક્ષા વીમા અને PM જીવન જ્યોતિ યોજના હેઠળ 44.6 કરોડ વ્યક્તિઓ માટે વીમા કવચ, અને
  6. PM કિસાન સન્માન નિધિ હેઠળ 11.4 કરોડથી વધુ ખેડૂતોને રૂ.2.2 લાખ કરોડની રોકડ ટ્રાન્સફર

 

YP/GP/JD

 



(Release ID: 1895384) Visitor Counter : 215