આજે, 01 ફેબ્રુઆરી, 2023ના રોજ સંસદમાં કેન્દ્રીય બજેટ 2023-24 રજૂ કરતા, કેન્દ્રીય નાણાં અને કોર્પોરેટ બાબતોના મંત્રી, શ્રીમતી નિર્મલા સીતારમણે જણાવ્યું હતું કે વૃદ્ધિ અને રોજગારના ડ્રાઇવર તરીકે મૂડી રોકાણની કલ્પના કરીને તાજેતરના વર્ષોના વલણને ચાલુ રાખીને, કેન્દ્રીય બજેટ 2023-24 મૂડી રોકાણ ખર્ચમાં તીવ્ર વધારો સૂચવે છે.

શ્રીમતી નિર્મલા સીતારમણે જણાવ્યું હતું કે, “તાજેતરના વર્ષોમાં નોંધપાત્ર વૃદ્ધિ એ વિકાસની સંભાવનાઓને વેગ આપવા અને રોજગાર સર્જન, ખાનગી રોકાણોને જોરશોરથી વેગ આપવા અને વૈશ્વિક મંદી સામે રક્ષણાત્મક કવચ બનાવવાના સરકારના પ્રયાસોના મૂળમાં છે.

નાણામંત્રીએ સતત ત્રીજા વર્ષે મૂડી રોકાણ પરિવ્યયમાં 33 ટકાનો તીવ્ર વધારો કરીને રૂ. 10 લાખ કરોડ કરવાનો પ્રસ્તાવ મૂક્યો છે, જે GDPના 3.3 ટકા અને 2019-20માં અંદાજે ત્રણ ગણો હશે.

અસરકારક મૂડી ખર્ચ

શ્રીમતી સીતારમણે જણાવ્યું હતું કે કેન્દ્ર દ્વારા પ્રત્યક્ષ મૂડી રોકાણ રાજ્યોને અનુદાન-સહાય દ્વારા મૂડી અસ્કયામતો બનાવવાની જોગવાઈ દ્વારા પૂરક છે. તેમણે કહ્યું કે કેન્દ્રના "અસરકારક મૂડી ખર્ચ" માટેનું બજેટ 13.7 લાખ કરોડ રૂપિયા અથવા જીડીપીના 4.5 ટકા હશે.

રાજ્યોને વ્યાજ મુક્ત લોન ચાલુ રહેશે

ઇન્ફ્રાસ્ટ્રક્ચરમાં રોકાણને વેગ આપવા અને રાજ્યોને પૂરક નીતિગત પગલાં લેવા પ્રોત્સાહિત કરવા માટે, નાણાપ્રધાને રાજ્ય સરકારોને 50 વર્ષની વ્યાજમુક્ત લોન વધુ એક વર્ષ માટે લંબાવવાની દરખાસ્ત કરી છે, જેમાં નોંધપાત્ર વધારો કરીને રૂ. 1.3 લાખ કરોડ થશે.

ઇન્ફ્રાસ્ટ્રક્ચર ફાઇનાન્સ સચિવાલય

વર્ષ 2023-24ના બજેટ ભાષણમાં નાણામંત્રીએ કહ્યું હતું કે રોગચાળાના સુસ્ત સમયગાળા પછી ખાનગી રોકાણ ફરી વધી રહ્યું છે. મોટાભાગે જાહેર સંસાધનો પર નિર્ભર ક્ષેત્રોમાં ખાનગી રોકાણને આકર્ષવા માટે, શ્રીમતી સીતારમણે જણાવ્યું હતું કે નવી સ્થાપના કરાયેલ ઇન્ફ્રાસ્ટ્રક્ચર ફાઇનાન્સ સચિવાલય રેલવે, રસ્તા, શહેરી ઇન્ફ્રાસ્ટ્રક્ચર અને પાવર જેવા ઇન્ફ્રાસ્ટ્રક્ચર ક્ષેત્રોમાં વધુ ખાનગી રોકાણ માટે તમામ હિતધારકોને મદદ કરશે.

YP/GP