কেন্দ্ৰীয় বিত্ত তথা কৰ্পৰেট পৰিক্ৰমা মন্ত্ৰী শ্ৰীমতী নিৰ্মলা সীতাৰমণে আজি ৩১ জানুৱাৰী, ২০২৩ত সংসদত 'অৰ্থনৈতিক সমীক্ষা ২০২২-২৩' দাখিল কৰি কয় যে মহামাৰীৰ বছৰবিলাকত আত্ম সহায়ক গোটে (এছএইচজি) মহিলাসকলক একত্ৰিত কৰা, তেওঁলোকৰ সামূহিক পৰিচয় উৎকৃষ্ট কৰা আৰু সামগ্ৰিকভাৱে সংকট ব্যৱস্থাপনাত যোগদান দিয়াৰ দিশত এটা সুযোগ হিচাপে কাম কৰিলে। তেওঁলোকে সংকট ব্যৱস্থাপনাত প্ৰধান অংশগ্ৰহণকাৰী হিচাপে উদ্ভৱ হয়, মাস্ক (অসমত গামোচা মাস্কৰ দৰে সাংস্কৃতিক ৰূপৰ সৈতে), ছেনিটাইজাৰ, আৰু সুৰক্ষামূলক গিয়েৰৰ উৎপাদনত মহামাৰীৰ বিষয়ে সজাগতা সৃষ্টি কৰা (যেনে ঝাৰখণ্ডৰ পত্ৰকাৰ দিদি), প্ৰয়োজনীয় সামগ্ৰী বিতৰণ কৰা (যেনে কেৰালাত ফ্লটিং ছুপাৰ মাৰ্কেট), সামূহিক ৰন্ধনশালা চলোৱা (যেনে উত্তৰপ্ৰদেশত প্ৰেৰণা কেণ্টিন), কৃষি জীৱিকাৰ সমৰ্থন কৰা (যেনে পশু স্বাস্থ্য যতনৰ বাবে পশু সখী, ঝাৰখণ্ডত শাক-পাচলিৰ বাবে জীৱিকা ফাৰ্ম ফ্ৰেছ অনলাইন বিক্ৰী আৰু বিতৰণ তন্ত্ৰ), আৰু মনৰেগা (উত্তৰপ্ৰদেশ, বিহাৰ, ছত্তিশগড়ত)ৰ সৈতে সহযোগ কৰা আৰু বিত্তীয় সেৱাসমূহৰ বিতৰণত অগ্ৰণী হৈ ভাগ ল'লে (যেনে বেংক সখীসকলে কোভিড-সকাহ ডিবিটি নগদ হস্তান্তৰৰ লাভ আদায় কৰিবলৈ বেংকত ভীৰৰ প্ৰবন্ধন কৰে)।

অৰ্থনৈতিক সমীক্ষাত উল্লেখ কৰা হৈছে যে এছএইচজিৰ দ্বাৰা মাস্কৰ উৎপাদন এটা উল্লেখযোগ্য যোগদান, যাৰ জৰিয়তে দূৰৱৰ্তী গ্ৰাম্যাঞ্চলত জনসাধাৰণৰ ওচৰলৈ মাস্ক লৈ যোৱা আৰু ব্যৱহাৰ কৰাত সক্ষম কৰি তোলে আৰু কোভিড-১৯ ভাইৰাছৰ বিৰুদ্ধে গুৰুত্বপূৰ্ণ সুৰক্ষা প্ৰদান কৰে। ৪ জানুৱাৰী, ২০২৩লৈকে ডিএৱাই-এনআৰএলএমৰ জৰিয়তে আত্ম সহায়ক গোটৰ দ্বাৰা ১৬.৯ কোটিৰ অধিক মাস্ক উৎপাদন কৰা হৈছিল।

আত্ম সহায়ক গোটৰ বাবে চৰকাৰৰ কোভিড-১৯ পেকেজ

• প্ৰধানমন্ত্ৰী গৰীব কল্যাণ যোজনা (পিএমজিকেৱাই)ৰ জৰিয়তে মহিলাসকলৰ আত্ম সহায়ক গোটৰ বাবে কোলেটাৰেল-ফ্ৰী ঋণৰ সীমা ১০ লাখ টকাৰ পৰা বঢ়াই ২০ লাখ টকা কৰা হয়। ইয়াৰ ফলত ৬৩ লাখ মহিলা এছএইচজি আৰু ৬.৮৫ কোটি পৰিয়াল উপকৃত হোৱাৰ আশা।
• ৰাষ্ট্ৰীয় ক্ষেত্ৰীয় জীৱিকা মিছন (এনআৰএলএম)য়ে কোভিড হটস্পট ক্ষেত্ৰ আৰু দুৰ্বল সমুদায়ৰ বাবে গাঁও সংগঠন (ভিঅ')ক ১.৫ লাখ টকাৰ অতিৰিক্ত ভালনাৰেবিলিটি ৰিডাকচন নিধিৰ অনুমতি দিয়ে।

পৰৱৰ্তী পথ

অন্তিম ক্ষেত্ৰলৈকে তেওঁলোকৰ গমন, সমুদায়ৰ বিশ্বাস আৰু একত্ৰিত কৰাৰ ক্ষমতা, স্থানীয় গতিশীলতাৰ জ্ঞান, আৰু সদস্যসকলৰ অৰ্থনৈতিক গতিবিধিৰ একত্ৰীকৰণৰ মাধ্যমত সৰল সামগ্ৰী আৰু সেৱাৰ দ্ৰুতগতিত নিৰ্মাণ ক্ষমতাৰ কাৰণে এছএইচজি সমগ্ৰ গ্ৰামীণ বিকাশক সুবিধাজনক কৰি তুলিবলৈ সুব্যৱস্থিত। বাজেট-পূৰ্ব সমীক্ষাত পৰামৰ্শ দিয়া হৈছে যে দীৰ্ঘকালীন গ্ৰামীণ পৰিৱৰ্তনৰ বাবে কোভিডৰ লগতে অনেক সংকটৰ সময়ছোৱাত এছএইচজিৰ উন্নত আৰু স্থিতিস্থাপক কাৰ্যৰ প্ৰদৰ্শন নিয়মিত কৰাৰ প্ৰয়োজন আছে। ইয়াত অন্য কথাৰ উপৰিও, এছএইচজিৰ গতিবিধি তীব্ৰ কৰাত অঞ্চল-ভিত্তিক অসমানতা শেষ কৰা, এছএইচজিৰ সদস্যসকলক সূক্ষ্ম-উদ্যমীত অন্তৰ্ভুক্ত কৰা, সামগ্ৰী আৰু সেৱাত মূল্য শৃংখলাক ওপৰলৈ লৈ যাবৰ বাবে সাংস্কৃতিক ৰূপত প্ৰাসংগিক দক্ষতা বিকাশ, আৰু এছএইচজি আওতাৰ জৰিয়তে ন্যূনতম বিশেষাধিকাৰ প্ৰাপ্ত কৰা অন্তৰ্ভুক্ত আছে।

***

RM/MV/M/P