وزیراعظم کا دفتر

اقوام متحدہ کی جنرل اسمبلی کے 77ویں اجلاس کے صدر عالی جناب سابا کوروسی نے وزیر اعظم نریندر مودی سے ملاقات کی


جناب سابا کوروسی نے، کمیونٹیز کے لیے ہندوستان کے یکسر تبدیلی لانے والے اقدامات کی ستائش کی، جن میں آبی وسائل کے انتظام اور تحفظ کا شعبہ شامل ہے

جناب سابا کوروسی نے عالمی اداروں میں اصلاحات کی کوششوں میں ہندوستان کے پیش پیش ہونے کی اہمیت کے بارے میں بات کی

وزیراعظم نے عالمی مسائل کا حل تلاش کرنے کے لیے سائنس اور ٹیکنالوجی پر مبنی پی جی اے کے نقطہ نظر کی ستائش کی

وزیر اعظم نے اقوام متحدہ کی سلامتی کونسل سمیت کثیر جہتی نظام میں اصلاحات کی اہمیت پر زور دیا، تاکہ عصری جغرافیائی سیاسی حقائق کی صحیح معنوں میں عکاسی ہو سکے

Posted On: 30 JAN 2023 8:00PM by PIB Delhi

اقوام متحدہ کی جنرل اسمبلی (پی جی اے) کے 77ویں اجلاس کے صدر عالی جناب سابا کوروسی نے آج وزیر اعظم جناب نریندر مودی سے ملاقات کی۔

ملاقات کے دوران، جناب سابا کوروسی نے کمیونٹیز کے لیے ہندوستان کے یکسر تبدیلی لانے والے اقدامات کی ستائش کی، جن میں آبی وسائل کے انتظام و انصرام اور تحفظ کا شعبہ بھی شامل ہے۔ کثیر جہتی اصلاحات کے تعلق سے ہندوستان کی کوششوں کا اعتراف کرتے ہوئے، جناب سابا کوروسی نے عالمی اداروں میں اصلاحات کی کوششوں میں ہندوستان کے پیش پیش ہونے کی اہمیت پر زور دیا۔

عہدہ سنبھالنے کے بعد سے ہندوستان کا پہلا دو فریقی دورہ کرنے پر وزیر اعظم نے جناب سابا کوروسی کا شکریہ ادا کیا۔ انہوں نے عالمی مسائل کا حل تلاش کرنے کے لیے سائنس اور ٹیکنالوجی پر مبنی جناب سابا کوروسی کے نقطہ نظر کو سراہا۔ انہوں نے یو این 2023 آبی کانفرنس سمیت 77ویں یو این جی اے کے تئیں ان کے صدارتی اقدامات کے تئیں ہندوستان کی مکمل حمایت کا جناب سابا کوروسی کو یقین دلایا۔

وزیر اعظم نے اقوام متحدہ کی سلامتی کونسل سمیت کثیر جہتی نظام میں اصلاحات کی اہمیت پر زور دیا، تاکہ عصری جغرافیائی سیاسی حقائق کی صحیح معنوں میں عکاسی کی جا سکے۔

******

ش ح۔ م م۔ م ر

U-NO.1009



(Release ID: 1894853) Visitor Counter : 71