প্রধানমন্ত্রীগী লোইশঙ

য়ুনাইতেদ নেসন্স জেনেরেল এশেমব্লিগী ৭৭শুবা মীফমগী প্রসিদেন্ত সাবা কোরোসিনা প্রধান মন্ত্রী নরেন্দ্র মোদী উনখ্রে


ঈশিং শীজিন্নবা অমসুং য়োক্তুনা থম্বগী মতাং য়াওনা মীয়ামগীদমক ভারতনা পায়খৎলিবা অওনবা কয়া পুরকপা ঙম্বা থবকশিং সাবা কোরোসিনা থাগৎখ্রে

মালেমগী লুপশিং অওনবা পুরক্নবা হোৎনবদা ভারতনা মাঙজিল থাদুনা হোৎনবগী মরুওইবশিংগী মতাংদা সাবা কোরোসিনা ফোঙদোকখি

মালেমগী খুদোংচাদবশিং কোকহন্নবা পাম্বৈশিং থিনবা সাইন্স অমসুং তেক্নোলোজিদা য়ুম্ফম ওইবা পি.জি.এগী থৌরাং প্রধান মন্ত্রীনা থাগৎখি

মালেমগী হৌজিক ওইরিবা অশেংবা শক্তমশিং মমি তাবা ঙম্নবা, য়ু.এন সেকুরিতি কাউন্সিল য়াওনা মালেমগী লুপশিং নৌনা শেমদোকপগী মরুওইবা অদু প্রধান মন্ত্রীনা তকশিনখি

Posted On: 30 JAN 2023 8:00PM by PIB Imphal

ঙসি য়ুনাইতেদ নেসন্স জেনেরেল এশেমব্লিগী(পি জি এ) ৭৭শুবা মীফমগী প্রসিদেন্ত সাবা কোরোসিনা প্রধান মন্ত্রী শ্রী নরেন্দ্র মোদী উনখ্রে।

উনবা অদুদা ঈশিং শীজিন্নবা অমসুং য়োক্তুনা থম্বগী মতাং য়াওনা মীয়ামগীদমক ভারতনা পায়খৎলিবা অওনবা কয়া পুরকপা ঙম্বা থবকশিং সাবা কোরোসিনা থাগৎখ্রে। মালেমগী ওইনা লৈরিবা লুপশিং নৌনা শেমদোকপগী মতাংদা ভারতনা পায়খৎলিবা থবকশিং খঙলদুনা,মালেমগী লুপশিং অওনবা পুরক্নবা হোৎনবদা ভারতনা মাঙজিল থাদুনা হোৎনবগী মরুওইবশিংগী মতাংদা সাবা কোরোসিনা ফোঙদোকখি।

ওফিস হেক পায়বগা, মহাক্কী অহানবা খোঙচৎ ওইনা ভারত্তা লাকপগীদমক প্রধান মন্ত্রীনা সাবা কোরোসি থাগৎখি। মালেমগী খুদোংচাদবশিং কোকহন্নবা পাম্বৈশিং থিনবা সাইন্স অমসুং তেক্নোলোজিদা য়ুম্ফম ওইবা সাবাগী থৌরাং প্রধান মন্ত্রীনা থাগৎখি। ৭৭শুবা য়ু.এন.জি.এ য়াওনা য়ু.এন ২০২৩ ৱাতর কনফরেন্স মনুংদা মহাক্না প্রসিদেন্ত ওইবা মতম অদুদা ভারতনা মপুংফানা শৌগৎকনি হায়না মহাক্না সাবা কোরোসিদা থাজবা থমখি।

মালেমগী হৌজিক ওইরিবা অশেংবা শক্তমশিং মমি তাবা ঙম্নবা, য়ু.এন সেকুরিতি কাউন্সিল য়াওনা মালেমগী লুপশিং নৌনা শেমদোকপগী মরুওইবা অদু প্রধান মন্ত্রীনা তকশিনখি।

*****



(Release ID: 1894820) Visitor Counter : 96