প্রধানমন্ত্রীগী লোইশঙ
রোজগার মেলাগী মখাদা, প্রধান মন্ত্রীনা জনুৱারী ২০দা লৈঙাক্কী দিপার্তমেন্তশিং অমদি ওর্গনাইজেসনশিংদা নৌনা থবক হাপ্লবা মীওইশিংদা এপোইন্তমেন্ত লেত্তর ৭১,০০০রোম য়েন্থোক্কদৌরি
Posted On:
19 JAN 2023 2:42PM by PIB Imphal
প্রধান মন্ত্রী শ্রী নরেন্দ্র মোদীনা ভিদিও কন্ফরেন্সিংগী খুত্থাঙদা জনুৱারী ২০গী অয়ুক পুং ১০:৩০ তাবা মতমদা লৈঙাক্কী দিপার্তমেন্তশিং অমদি ওর্গনাইজেসনশিংদা নৌনা থবক হাপ্লবা মীওইশিংদা এপোইন্তমেন্ত লেত্তর ৭১,০০০রোম য়েন্থোক্কদৌরি। প্রধান মন্ত্রীনা থৌরম অসিদা নৌনা থবক হাপ্লবা মীওইশিংগী মফমদসু ৱা ঙাঙগনি।
রোজগার মেলা অসি থবক পীবদা খ্বায়দগী অৱাংবা মীৎয়েঙ থম্নবগী প্রধান মন্ত্রীনা লেপ্লিবা খোঙফম অসি ফংহন্নবগী মায়কৈদা থাংজিনবা খোঙথাঙ অমনি। রোজগার মেলা অসিনা মখা তানা থবক পীবদা অমদি নহাশিংগী মপাঙ্গল কনখৎহনবা অমদি লৈবাক শেমগৎপদা শরুক য়ানবগী ৱাহন্থোক লৈবা খুদোংচাবশিং পীবদা চাউনা মতেং পাংগদবা থৌরাং অমা ওইগনি হায়না থাজরি।
লৈবাক্কী মফম শিনবা থুংবদগী নৌনা থবক খল্লবশিংদুনা জুনিয়র ইঞ্জিনিয়র, লোকো পাইলোৎ, তেক্নিক্সিয়ন, ইন্সপেক্তর, সব-ইন্সপেক্তর, কন্সতেবল, স্তেনোগ্রাফর, জুনিয়র একাউন্তেন্ত, গ্রামীন দাক সেবক, ইনকম তেক্স ইন্সপেক্তর, ওজা, নর্স, দোক্তর, সোসিএল সিক্যুরিতী ওফিসর, পি.এ. এম.তি.এস., অমদি অতৈ অতৈ ভারত লৈঙাক্কী মখাদা লৈবা তোঙান তোঙানবা ফমশিং পায়গনি।
নৌনা থবক হাপ্লবা থৌমীশিংনা কর্ময়োগী প্রারম্ভ মোদ্যুলদগী তম্লকপশিং থৌরম অসিদা পাউদমগনি। কর্ময়োগী প্রারম্ভ মোদ্যুল অসি লৈঙাক্কী তোঙান তোঙানবা দিপার্তমেন্তশিংদা নৌনা থবক খল্লবা মীওই পুম্নমক্কী ওনলাইন ওরিএন্তেসন কোর্স অমনি।
***
(Release ID: 1892177)
Visitor Counter : 131
Read this release in:
Kannada
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam