প্রধান মন্ত্রী শ্রী নরেন্দ্র মোদীনা নবেম্বর ২৬কী অয়ুক পুং ১০ তাবা মতমদা সুপ্রিম কোর্ততা পাঙথোক্কদবা কনস্তিত্যুসন দে থৌরমদা শরুক য়াগদৌরি‍। নুমিৎ অসি কনস্তিতুএন্ত এসেমব্লীনা ১৯৪৯দা ভারতকী সংবিধান চৎনখিববু নীশিংবা ওইনা ২০১৫দগী হৌনা কনস্তিত্যুসন দে হায়না পাঙথোক্তুনা লাক্লি‍।

থৌরম অদুদা, প্রধান মন্ত্রীনা ই-কোর্ত প্রোজেক্তকী মখাদা তোঙান তোঙানবা অনৌবা থৌরাং কয়া হৌদোক্কনি‍। প্রোজেক্ত অসি লিতিগেন্ত, উকিল অমদি জুদিসিয়রীদা আই.সি.তি. শীজিন্নবা য়াহল্লবা কোর্তশিংগী খুত্থাঙদা সর্ভিস পীননবা থৌরাং অমনি‍।

প্রধান মন্ত্রীনা হৌদোক্কদৌরিবা থৌরাংশিং অসিদা ভর্চুএল জস্তিস ক্লোক, জস্তআই.এস. মোবাইল এপ ২.০, দিজিতেল কোর্ত অমদি এস৩দব্লিউ.এ.এ.এস ৱেবসাইতশিং য়াওরি‍।

ভর্চুএল জস্তিস ক্লোক অসি ৱায়েলশঙগী থাক্তা নুংতিগী/চয়োলগী/থাগী ওইনা লৌখৎলব কেস, লোইশিনখ্রবা কেস অমদি পন্দুনা লৈরিবা কেসশিংগী মচা খায়বা ৱারোলশিং পীদুনা জস্তিস দেলিভরী সিস্তেমগী মরুওইবা স্তেতিস্তিক্সশিং ৱায়েলশঙগী থাক্তা ফংহন্নবগী থৌরাং অমনি‍। হোৎনরিবা অসি ৱায়েলশঙনা লোইশিনখিবা কেসকী ফীভম মীয়ামদা ফংহন্দুনা ৱায়েলশঙশিংগী থবক তৌবগী মওংবু একাউন্তেবল ওইহন্নবা অমদি ত্রান্সপেরেন্ত ওইহন্নবা থৌরাংনি‍। মীয়াম্না দিস্ত্রিক্ত কোর্তকী ৱেবসাইত্তগী ৱায়েলশঙ অমা হেক্তগী ভর্চুএল জস্তিস ক্লোক্তা চঙবা য়াগনি‍।

জস্তআই.এস. মোবাইল এপ ২.০ অসি জুদিসিএল ওফিসরশিংদা মখোয়গী ৱায়েলশঙখক্তগী নত্তনা মখোয়গী মখাদা থবক তৌরিবা জজশিংগী পন্দুনা লৈরিবা অমদি লোইশিনখ্রবা কেসশিং য়েংশিন্দুনা মতিং লৈবা কোর্ত অমদি কেস মেনেজমেন্ত ফংহন্নবা খুৎলায় অমনি‍। এপ অসি হায় কোর্ত অমসুং সুপ্রিম কোর্ত জজশিংদসু ফংহন্দুনা মখোয়না মখোয়গী মখাদা লৈরিবা স্তেত অমদি দিস্ত্রিক্তশিংদা পন্দুনা লৈরিবা অমদি লোইশিনখ্রবা কেসশিং য়েংশিনবা ঙম্লগনি‍।

দিজিতেল কোর্ত হায়বসি পেপরলেস কোর্তকী মায়কৈদা খোঙ থাংজিল্লকপা য়াহন্নবগীদমক কোর্তকী রেকোর্দশিং জজশিংদা দিজিতাইজ তৌরবা মওংদা ফংহন্নবা থৌরাং অমনি‍।

এস৩দব্লিউ.এ.এ.এস ৱেবসাইত হায়বসি দিস্ত্রিক্ত জুদিসিয়রীগা মরী লৈনবা অকক্নবা ঈ-পাউ অমদি সর্ভিসশিং ফোঙদোক্নবা ৱেবসাইতশিং জেনেরেৎ, কনফিগর, দিপ্লোয় অমদি মেনেজ তৌনবা ফ্রেমৱর্ক অমনি‍। এস৩দব্লিউ.এ.এ.এস হায়বসি সিক্যুর, স্কেলেবল অমদি সুগম্য (এসেসিবল) ৱেবসাইত জেনেরেৎ তৌনবা লৈঙাক্কী এন্তিতীশিংগীদমক্তা শেমবা ক্লাউদ সর্ভিস অমনি‍। মসি লোল কয়াদা য়াবা, মীয়াম্না নুংঙাইনা শীজিন্নবা য়াবা অমদি মীমান্নদ্রবশিংনা লায়না শীজিন্নবা য়াবা মওংনি‍।

****