وزیر اعظم جناب نریندر مودی نے آج 600 میگاواٹ کے کامینگ ہائیڈرو پاور اسٹیشن کو قوم کے نام وقف کیا، یہ سب سے بڑا ہائیڈرو پاور پراجیکٹ ہے جو نیپکو لمیٹڈ کے ذریعے نافذ کیا گیا ہے جو وزارت بجلی کے تحت سرکاری زمرے کا ایک منی رتن برقی ادارہ ہے۔

’’کامینگ ڈیم اور ہائیڈرو پاور اسٹیشن واقع اروناچل پردیش کے فضائی شاٹس ‘‘

بجلی اور این آر ای کے مرکزی وزیر جناب آر کے وزیر اعظم کی دور اندیش قیادت میں سنگھ نے اس منصوبے کی باقاعدگی سے نگرانی کی ہے تاکہ یہ یقینی بنایا جا سکے کہ مختلف چیلنجوں کے باوجود کامینگ ہائیڈرو پراجیکٹ کو شروع کیا گیا ہے اور صاف توانائی پیدا کرنے اور اروناچل پردیش میں خوشحالی لانے کے لیے قوم کے لیے وقف ہے۔ وزیر نے توانائی کی منتقلی اور گرڈ کے استحکام کے لئے نئی اور  قابلِ تجدید توانائی اور ہائیڈرو پاور کی ترقی کو اعلیٰ ترجیح دی ہے۔

شمال مشرق میں چھٹے ہائیڈرو پاور پلانٹ کا آغاز یعنی اروناچل پردیش میں 600 میگاواٹ کامنگ ہائیڈرو پاور اسٹیشن پیرس معاہدے 2015 کے تحت حکومت ہند کے قومی سطح پر طے شدہ شراکت (این ڈی سی) کو پورا کرنے کی طرف ایک بڑا قدم ہوگا۔یہ منصوبہ 2030 تک 30000 میگاواٹ کے متوقع پن بجلی کے اضافے کا حصہ بنے گا۔

یہ پروجیکٹ اروناچل پردیش کے مغربی کامینگ ضلع میں تقریباً 8200 کروڑ روپے کی لاگت سے 80 کلومیٹر سے زیادہ دور تک پھیلا ہوا ہے۔

پروجیکٹ میں دو ڈیم اور ایک پاور ہاؤس ہے جس میں 150 میگاواٹ کی 4 یونٹیں ہیں جو 3353 ملین یونٹ بجلی پیدا کر سکتی ہیں۔ اس پروجیکٹ سے سالانہ 3353 ملین یونٹس کی پیداوار اروناچل پردیش کو اضافی بجلی کی حامل ریاست بنا دے گی جس میں گرڈ کے استحکام اور گرڈ میں شمسی اور ہوا سے توانائی کے ذرائع کے انضمام اور توازن کے لحاظ سے نیشنل گرڈ کو بہت زیادہ فوائد حاصل ہوں گے۔

دنیا بھر میں بنیادی ڈھانچے کے زیادہ تر پروجیکٹس جہاں عالمی وبا کووڈ-19 سے بری طرح متاثر ہوئے یہ میگا پروجیکٹ نیپکو لمیٹڈ (حکومت ہند کی ایک صنعت اور مہارتن کی ایک مکمل ملکیتی ذیلی کمپنی این ٹی پی سی لمیٹڈ) نے تمام تر مشکلات کے باوجودجون 2020 تا فروری2021  بتدریج کامیابی کے ساتھ شروع کیا۔

قانون اور انصاف کے مرکزی وزیر جناب کرن رجیجو، ​​اروناچل پردیش کے گورنر بریگیڈیئر۔ (ڈاکٹر) بی ڈی مشرا (ریٹائرڈ)، اروناچل پردیش کے وزیر اعلیٰ جناب پیما کھانڈو، اروناچل پردیش کے نائب وزیر اعلیٰ جناب چونا مین اور رکن پارلیمنٹ جناب نبم ریبیا نے تقریب میں شرکت کی۔

نیپکو لمیٹڈ حکومت ہند کے وزارت بجلی کے تحت بجلی پیدا کرنے والے منی رتن سرکردہ اداروں میں سے ایک ہے جس کی مجموعی آپریشنل صلاحیت 2057 میگاواٹ ہے جس میں ہائیڈرو، قدرتی گیس پر مبنی/تھرمل پاور سٹیشنوں کے ساتھ ساتھ شمسی بھی شامل ہے اور اس نے شمال مشرقی خطے میں بجلی کی صورتحال میں بہتری میں نمایاں کردار ادا کیا ہے۔ کمپنی اب شمسی اور کثیر مقصدی منصوبوں کے لئے جموں و کشمیر میں قدم رکھنے جا رہی ہے۔

’’کامینگ ڈیم اور ہائیڈرو پاور اسٹیشن، اروناچل پردیش کے فضائی شاٹس‘‘

*****

U.No:12708

ش ح۔رف۔س ا