পাৱর মন্ত্রালয়
প্রধান মন্ত্রী শ্রী নরেন্দ্র মোদীনা পৱার মন্ত্রালয়গী মখাদা লৈবা মিনি রত্ন পৱার পি.এস.য়ু. অমা ওইরিবা নীপকো লিমিতেদনা পায়খৎপা ৬০০ মেগাৱাত কামেং হায়দ্রো পৱার স্তেসন লৈবাক মীয়ামদা কত্থোকখ্রে
Posted On:
19 NOV 2022 12:59PM by PIB Imphal
|
●অরুনাচল প্রদেশকী ৬০০ মেগাৱাত কামেং হায়দ্রো পৱার স্তেসন অসি ভারত লৈঙাক্কী নেস্নেল্লী দিতর্মিন্দ কন্ত্রিব্যুসন (এন.দি.সি.) ফংনবগী মায়কৈদা থাংজিনবা অচৌবা খোঙথাঙ অমা ওইরগনি
●প্রোজেক্ত অসি ২০৩০ ফাওবদা হায়দ্রো কেপাসিতী মেগাৱাত ৩০০০০ হাপচিনবা ঙমগনি হায়না পানরিবা অসিগী শরুক ওইরগনি
●লুপা করোর ৮২০০রোম চঙনা পায়খৎলিবা প্রোজেক্ত অসি অরুনাচল প্রদেশকী নোংচুপ কামেং দিস্ত্রিক্ততা কিলোমিতর ৮০ শাংনা শন্দোক্তুনা লৈরি
●মসিনা অরুনচল প্রদেশপু মৈ মরাং কায়না পুথোকপা স্তেত ওইহন্দুনা গ্রিদ স্তেবিলিতী অমদি গ্রিদতা নুংশা মঙালগী অমদি নুংশিৎকী ইনর্জী পুনশিনবা অমদি খল কায়হন্দনা থম্বগী লমদা নেস্নেল গ্রিদতা চাওনা কান্নহল্লগনি
|
প্রধান মন্ত্রী শ্রী নরেন্দ্র মোদীনা ঙসি, পৱার মন্ত্রালয়গী মখাদা লৈবা মিনি রত্ন পৱার পি.এম.য়ু. অমা ওইরিবা নীপকো লিমিতেদনা পায়খৎপা খ্বাইদগী চাউবা হায়দ্রো পৱার প্রোজেক্ত ওইরিবা ৬০০ মেগাৱাত কামেং হায়দ্রো পৱার স্তেসন লৈবাক মীয়ামদা কত্থোকখ্রে।
“অরুনাচল প্রদেশকী কামেং দাম অমসুং হায়দ্রো পৱার স্তেসনগী নোংথক্তগী নম্বা মমি”
পৱার অমসুং এন.আর.ই.গী কেন্দ্র মন্ত্রী শ্রী আর.কে. সিংহনা প্রধান মন্ত্রীগী মীৎয়েঙ শাল্লবা লুচিং মখাদা য়াম্লবা শিংনবশিং লৈরগসু কামেং হায়দ্রো পৱার প্রোজেক্ত অসি থবক হৌহন্নবা অমদি ক্লীন ইনর্জী পুথোক্নবগীদমক লৈবাক মীয়ামদা কত্থোক্নবা অমদি অরুনাচল প্রদেশতা নুংঙাই য়াইফবা পুরক্নবগীদমক চাং নাইনা প্রোজেক্ত অসিবু য়েংশিনখি। মন্ত্রীনা এন.ই.আর.দা চাওখৎপা পুরক্নবা অমদি ইনর্জী ত্রাঞ্জিসন অমসুং গ্রিদ স্তেবিলিতীগীদমক হায়দ্রো পৱার শেমগৎপদা মরুওইবা মীৎয়েঙ থমখি।
অৱাং নোংপোক্তা তরুকশুবা হায়দ্রো পৱার প্লান্ত ওইরিবা, অরুনাচল প্রদেশকী ৬০০ মেগাৱাত কামেং হায়দ্রো পৱার স্তেসন অসি থবক হৌহনবা অসিনা ভারত লৈঙাক্না পেরিস এগ্রীমেন্ত ২০১৫গী মখাদা ৱাশকখিবা নেস্নেল্লী দিতর্মিন্দ কন্ত্রিব্যুসন (এন.দি.সি.) ফংবা ঙম্নবগী মায়কৈদা অচৌবা খোঙথাঙ অমা ওইরগনি। প্রোজেক্ত অসি ২০৩০ ফাওবদা হায়দ্রো কেপাসিতী মেগাৱাত ৩০০০০ হাপচিনবা ঙমগনি হায়না পানরিবা অসিগী শরুক ওইরগনি।
লুপা করোর ৮২০০রোম চঙনা পায়খৎলিবা প্রোজেক্ত অসি অরুনাচল প্রদেশকী নোংচুপ কামেং দিস্ত্রিক্ততা কিলোমিতর ৮০ শাংনা শন্দোক্তুনা লৈরি।
প্রোজেক্ত অসিদা মৈ য়ুনিৎ মিলিয়ন ৩৩৫৩ পুথোক্নবগীদমক দাম অনি অমদি মেগাৱাত ১৫০গী পৱারহাউস য়ুনিৎ ৪ য়াওরি। প্রোজেক্ত অসিদগী চহিদা মৈ য়ুনিৎ মিলিয়ন ৩৩৫৩ পুথোকপনা অরুনাচল প্রদেশপু মৈ মরাং কায়না পুথোকপা স্তেত ওইহন্দুনা গ্রিদ স্তেবিলিতী অমদি গ্রিদতা নুংশা মঙালগী অমদি নুংশিৎকী ইনর্জী পুনশিনবা অমদি খল কায়হন্দনা থম্বগী লমদা নেস্নেল গ্রিদতা চাওনা কান্নহল্লগনি।
মালেম পুম্বদা পায়খৎলিবা ইনফ্রাস্ত্রকচর প্রোজেক্ত অয়াম্বনা কোবিদ-১৯ লাইচৎনা চৈথেং পীরবসু, অচৌবা প্রোজেক্ত অসিদি জুন, ২০২০ দগী ফেব্রুৱারী ২০২১ ফাওবদা খুদোংচাদবা কয়া মায়োক্নরবসু নীপকো লিমিতেদনা (ভারত লৈঙাক্কী এন্তরপ্রাইজ অমা অমদি মহারত্ন, এন.তি.পি.সি. লিমিতেদনা মপুং ফানা মপু ওইবা সবসিদিয়রী অমা ওইরিবা) খুমাঙ চাওশিন্না মথৌ তৌবা হৌহনখি।
লো অমসুং জস্তিসকী কেন্দ্র মন্ত্রী, শ্রী কিরন রিজিজু, অরুনাচল প্রদেশকী গভর্নর ব্রিগেদিয়র (দোক্তর) বি.দি. মিস্রা (রিতায়র্দ), অরুনাচল প্রদেশকী মুখ্য মন্ত্রী, শ্রী পেমা খন্দু, অরুনাচল প্রদেশকী উপ মুখ্য মন্ত্রী, শ্রী চৌনা মৈন অমসুং মেম্বর ওফ পার্লিয়ামেন্ত, শ্রী নাবম রেবিয়া থৌরমদুদা শরুক য়াখি।
পৱার মন্ত্রালয়গী মখাদা লৈবা ভারত লৈঙাক্কী মিনি রত্ন সিদ্যুল-এ পি.এস.য়ু. অমা ওইরিবা নীপকো লিমিতেদ অসি হায়দ্রো, নেচরেল গ্যাস বেজ/থর্মেল পৱার স্তেসন অমদি নুংশা মঙালগী য়াওরগা পুন্না মেগাৱাত ২০৫৭কী ওপরেস্নেল কেপাসিতী লৈবা মাঙজিল থাবা মৈ পুথোকপা এন্তরপ্রাইজশিংগী মরক্তা অমা ওইরি অমদি অৱাং নোংপোক লমদমদা মৈগী ফীভম ফগৎহনবদা মশক থোক্না থৌদাং য়ারি। কম্পেনী অসি হৌজিক নুংশা মঙাল অমদি মল্তিপর্পজ প্রোজেক্তকীদমক জম্মু অমসুং কাস্মিরদসু খোঙ থাংজিল্লক্লি।
“অরুনাচল প্রদেশকী কামেং দাম অমসুং হায়দ্রো পৱার স্তেসনগী নোংথক্তগী নম্বা মমি”
***
(Release ID: 1877246)
Visitor Counter : 156