কেন্দ্রগী মন্ত্রী-মন্দলদা ঐহাক্কী মরুপ ওইরিবা, শ্রী অমিত শাহ, তোঙান-তোঙানবা লৈবাকশিংগী শকনাইরবা দিগনিতরীশিং, দেলিগেৎশিং, মালেম শিনবা থুংবদগী ইনভেস্তিগেতিব এজেন্সীশিং অমসুং সেক্যুরিতী ফোর্সশিংগী মেম্বরশিং অমসুং ঐহাক্কী নুংশিরবা মরুপশিং!

ময়ামবু ঐহাক্না তেরোরিজমদা শেল তেংবাংবা লাকশিন্নবা ৩শুবা মিনিস্ত্রিএল কনফরেন্সতা তরাম্না ওকপা।

মরুপশিং,

কনফরেন্স অসি ভারত্তা পাঙথোকপা অসি য়াম্না মরু ওই। মালেম্না তেররগী অকিবা অসি লুম্না লৌদ্রিঙৈ মমাংদগী ঐখোয়গী লৈবাক্না মসিগী চৈথেং অসি মায়োক্নদুনা লাকখি। দিকেদ কয়া অসিদা তেরোরিজমনা তোঙান-তোঙানবা মমিং অমসুং মওংশিং লৌদুনা ভারত্তা অকাইবা পীনবা হোৎনখি। ঐখোয়না মমল য়াম্লবা থৱায় লিশিং কয়া মাংখি অদুবু ঐখোয়না তেরোরিজম থৌনা ফনা মায়োক্নখি।

দেলিগেৎশিংনা তেরর থেংনবদা চেৎনা থাজবা থম্লিবা লৈবাক অমসুং মীয়ামগা লোয়ননা ৱারী শাবগী খুদোংচাবা অমা ফংলি। ঐখোয়না এতেক অমা ফাওবা য়াম্মি হায়না লৌই। পুন্সি অমা মাংবা হায়বা অসি য়াম্না য়াম্মি। অদুনা ঐখোয়না তেরোরিজম মরু ফংনা মুত্থৎত্রিবা ফাওবা পোত্থরোই।

মরুপশিং,

মসি য়াম্না মরু ওইনা মীতিন অমনি। মসি মন্ত্রীশিংগী খক্তগী মীতিন অমা ওইনা উরোইদবনি। মরমদি মসিনা অপুনবা মীওইবা জাতিদা চৈথেং পীনবা হীরম অমদা খন্ন-নৈনবনি। তেরোইজমগী লোং-তর্ম ওইবা চৈথেং অসিনা লায়রবা অমসুং লোকেল ইকনোমীদা অকনবা শাফু পী। তুরিজম নত্ত্রগা ত্রেদ ওইরবসু কনাগুম্বা অমত্তনা অকিবা পোক্কদবা ফীভম অমত্তা পামদে। অমসুং মসিনা মরম ওইদুনা মীয়ামগী পুন্সিগী হিংনবগী লম্বী মুনখি। তেরর ফাইনান্সিং মরু ফংনা মুত্থৎনবা ঐখোয়না হোৎনবা য়াম্না হেন্না মরু ওই।

মরুপশিং,

ঙসিগী মালেম অসিদা তেরোরিজমগী অকিবশিংগী মরমদা মালেমগী কনাগুম্বা অমা হেক্তদা নীংশিংহনবগী মথৌ তাবা লৈত্রে। অদুম ওইনমক সির্কল খরদা তেরোরিজমগী মরমদা অরানবা ৱাখল্লোন খরদি অদুমক লৈরি। তোঙান-তোঙানবা এতেকশিংগী রিএক্সনগী ইন্তেন্সিতী অসি থৌদোক অদু করম্বা মফমদা থোকখিবগে হায়বা অসিদা য়ুম্ফম ওইরগা খেন্নবা য়ারোই। তেরোরিস্ত এতেক পুম্নমক চপ মান্ননা অকনবা চৈরাক ফংফম থোকই। মখা তানা করিগুম্বা মতমদা তেরোরিস্তকী মায়োক্তা এক্সন লৌখৎপা থিংনবগীদমক তেরোরিজমবু সপ্পোর্ত তৌদুনা নাকোইননা মরৈ য়েৎপা য়াওই। মালেমগী ওইবা শীংনবা অমা মায়োক্নবা মতমদা ময়েক শেংদবা এপ্রোচ অমগী চন্নফম লৈতে। মসি মীওইবা খুন্নাই, নীংতম্বা অমসুং সভ্যতাদা শীংনবনি। মসিগী ঙমখৈ লৈতে। তেরোরিজম অসি য়ুনিফোর্ম, য়ুনিফাইদ অমসুং জিরো-তোলেরেন্স এপ্রোচ অমগী খুত্থাংদা খক্তা মাইথিবা পীবা ঙমগনি।

মরুপশিং,

তেরোরিস্ত অমগা লান্থেংনবা অমসুং তেরোরিজম মায়োক্নবা হায়বা অসি তোখাই-তোখাইবা ৱাফম অনিনি। তেরোরিস্ত অমবু খুৎলাইশিং শীজিন্নদুনা ন্যুত্রেলাইজ তৌবা য়াই। তেরোরিস্তশিংগী খুদক্কী তেক্তিকেল রেস্পোন্সশিং অসি ওপরেস্নেল মেত্তর ওইবা য়াই। অদুবু অচৌবা লালোং অমা য়াওদনা তেক্তিকেল গেনশিং মাংখিদুনা মখোয়গী ফাইনান্সতা শোকহনগনি। তেরোরিস্ত হায়বা অসি মীওই অমনি। অদুবু তেরোরিজম হায়বা অসিদি মীওইশিং অমসুং ওর্গনাইজেসনশিংগী নেৎৱার্ক অমনি। তেরোরিজম মরু ফংনা মুত্থৎপা অসিগীদমক অচৌবা প্রোএক্তিব রেস্পোন্স তঙাই ফদে। করিগুম্বা ঐখোয়গী প্রজাশিংবু শাফনা থম্বা পাম্লবদি ঐখোয়গী য়ুমশিংদা তেরর থোক্ত্রিবা ফাওবা ঙাইদুনা লৈরোইদবনি। ঐখোয়না তেরোরিস্তশিংবু তান্নগদবনি, মখোয়গী সপ্পোর্ত নেৎৱার্কশিং থুগাইগদবনি অমসুং মখোয়গী ফাইনান্সতা চৈথেং পীগদবনি।

মরুপশিং,

তেরোরিস্ত ওর্গনাইজেসনশিংনা সোর্স কয়াগী খুত্থাংদগী শেল ফংলি হায়বা পুম্নমক্না খঙনরবা ৱাফমনি। সোর্স অমদি স্তেৎ সপ্পোর্তনা ওইরি। লৈবাক কয়ানা তেরোরিজমবু মখোয়গী ফোরেন পোলিসীগী শরুক ওইনা সপ্পোর্ত তৌরি। মখোয়না হায়রিবশিং অদুদা পোলিতিকেল, আইদিওলোজিকেল অমসুং ফাইনান্সিএল সপ্পোর্ত পীরি। ইন্তর্নেস্নেল ওর্গনাইজেসনশিংনা লান তৌদ্রবদি শান্তি লৈরে হায়না খন্দোক্লোইদবনি। প্রোক্সী ৱারশিং অসি খুদোংথিনীংঙাই ওই অমসুং য়াম্না শাথি। তেরোরিজম সপ্পোর্ত তৌবা লৈবাকশিংনা চৈরাক ফংফম থোকপনি। তেরোরিস্তকীদমক মীনুংশি ফাওবা ওর্গনাইজেসন অমসুং মীওইশিং তোখাইনা থমগদবনি। অসিগুম্বা ৱাফমদা লৈথোক্নবগী মরম পীরোইদবনি। মালেম্না তেররবু ফোংনা অমসুং লোৎনা ঙাকলৌ পীরিবা মখল পুম্নমক্কী মায়োক্তা পুন্না লেপ্পা তাই।

মরুপশিং,

ওর্গনাইজ ক্রাইমনা তেরর ফন্দিংগী সোর্সশিংগী মরক্তা অমা ওইরি। ওর্গনাইজ ক্রাইম অসি তোখাইনা য়েংলোইদবনি। হায়রিবা কাংলুপশিং অসি তেরোরিস্ত আউতফিৎশিংগী অচেৎপা মরী লৈনৈ। গন-রন্নিং, দ্রগ অমসুং স্মগগ্লিংদগী লাকপা শেল তেরোরিজমদা থাদরি। কাংলুপশিং অসিনা লোজিস্ত্রিক্স অমসুং কম্ম্যুনিকেসন্দসু মতেং পাংখি। ওর্গনাইজ ক্রাইমগী মায়োক্তা এক্সন লৌখৎপা হায়বা অসি তেরর থেংনবদা য়াম্না মরু ওই। করিগুম্বদা মনী লোন্দরী অমসুং ফাইনান্সিএল ক্রাইমশিংগুম্বা থবক-থৌরমশিংনা ফাওবা তেরর ফন্দিংদা মতেং পাংবা থেংনৈ। মসি থেংনবদা গ্লোবেল কোল্লাবোরেসন মথৌ তাই।

মরুপশিং,

অসিগুম্বা অরুবা ফীভম অমদা য়ুনাইতেদ নেসন্স সেক্যুরিতী কাউন্সিল, ফাইনান্সিএল এক্সন তাস্ক ফোর্স, ফাইনান্সিএল ইন্তেলিজেন্স য়ুনিৎশিং অমসুং এগমোন্ত গ্রুপনা আইন্না য়াদবা ফন্দ ফ্লোশিং থিংনবা, খঙদোক্নবা অমসুং চৈরাক পীনবা তেংবাং পীনবদা শাহৌ পীরি। মসিনা হৌখিবা দিকেদ অনি হেনবদা মওং কয়াদা তেররগী মায়োক্তা লান শোক্নবা হোৎনবদা মতেং পাংলি। মসিনা তেরর ফন্দিংগী খুদোংথিবশিং খঙহনবদা মতেংসু পাংলি।

মরুপশিং,

হৌজিক তেরোরিজমগী দাইনামিক্সতা অহোংবা লাক্লে। খোঙজেল য়াংনা খুমাং চাউশিল্লিবা তেক্নোলোজীনা শীংনবা অমসুং সোল্যুসন অনিমক ওইরি। তেরর ফাইনান্সিং অমসুং রিক্রুৎমেন্তগীদমক তেক্নোলোজীগী অনৌবা মখলশিং শীজিন্নরি। দার্ক নেৎ, প্রাইবেৎ করেন্সীশিং অমসুং অহেনবা কয়াদগী শীংনবশিং থোরক্লি। অনৌবা ফাইনান্স তেক্নোলোজীশিংগী য়ুনিফোর্ম অন্দরস্তেন্দিং অমা তঙাই ফদে। মসিগী খোঙথাংশিংদা প্রাইবেৎ সেক্তর য়াওহনবসু মরু ওই। য়ুনিফোর্ম অন্দরস্তেন্দিংদগী হৌরগা, চেকশিং, বেলেন্সশিং অমসুং রিগ্যুলেসনশিংগী য়ুনিফাইদ সিস্তেম আমা থোকহল্লক্কনি। অদুবু ঐখোয়না ৱাফম অমদগী চেকশিনবা তাই। মদুদি পাউখুমদি তেক্নোলোজী দিমোনাইজ তৌদবনি। মসিগী মহুৎ তেরোরিজম ত্রেক, ত্রেস অমসুং তেকল তৌনবা তেক্নোলোজী শীজিন্নবনি।

মরুপশিং,

ঙসি ফিজিকেল ৱর্ল্দদা খক্তা নত্তনা ভর্চুএল ৱারল্দদা কোওপরেসন পীনবগী মথৌ তাই। সাইবর তেরোরিজম অমসুং ওনলাইন রেদিকেলাইকেসনগীদমক শীজিন্নবা ইনফ্রাস্ত্রকচর অসি দিস্ত্রিব্যুতেদ ওই। খরনা মনুং হঞ্জিনবা মফমশিং অমসুং ওনলাইন রিসোর্দশিংদগী খুৎলাইগী ত্রেনিং ফংহল্লি। তোঙান-তোঙানবা লৈবাকশিংদা কম্ম্যুনিকেসনশিং, ত্রেবেল অমসুং লোজিস্তিক্সকী চেনগী লিঙ্ক কয়া লৈ। লৈবাক অমমমনা মখোয়না য়ৌশিনবা ঙম্বা চেনগী শরুক অদুগী মায়োক্তা থবক পাইখৎপা য়াগনি অমসুং পাইখৎকদবনি।

মরুপশিং,

তোঙান-তোঙানবা লৈবাক কয়াগী মখোয়গী মশাগী প্রিন্সিপল, প্রোসিজর অমসুং প্রোসেসশিং লৈজৈ। সোভরেন ওইনা লৈবাকশিংনা মখোয়গী মশাগী সিস্তেমশিং থমজনবগী হক লৈ। অদুম ওইনমক ঐখোয়না সিস্তেমশংগী মরক্তা লৈরিবা খেন্নবশিংগী অসি এক্সত্রিমিস্তশিংনা লান্না শীজিন্নবা য়াহল্লোইদবনি। মসি সরকারশিংগী মরক্তা হেন্না কোওর্দিনেসন পীনবা অমসুং ৱাখল তানরবা মতমদা ঙাকথোকপা ঙমগনি। অপুনবা ওপরেসনশিং, ইন্তেলিজেন্স কোওর্দিনেসন অমসুং এক্সত্রাদিসন্না তেররগী মায়োক্তা লান্থেংনবদা মতেং পাংই। ঐখোয়না রেদিকেলাইজেসন অমসুং এক্ত্রিমিজমগী সমস্যা কোকহন্নবা পুনশিনবা মরু ওই। রেদিকেলাইজেসন শৌগৎনবা কনাগুম্বা অমা হেক্তগীদমক লৈবাক অমা হেক্তদা চংজফম পীরোইদবনি।

মরুপশিং,

হৌখিবা থা খরা অসিদা সেক্যুরিতীগী তোঙান-তোঙানবা দাইমেন্সনশিংগা মরী লৈনবা ভারত্তা কনফরেন্স কয়া পাঙথোকখ্রে। ভারতনা নই দিল্লীদা ইন্তরপোলগী জেনরেল এসেমব্লী পাঙথোকখি। মুম্বাইদা য়ুনাইতেদ নেসন্স সেক্যুরিতী কাউন্সিলগী কাউন্তর-তেরোরিজম কম্মিতিগী স্পেসিএল সেসন পাঙথোকখি। হন্দক্কী ‘নো মনী ফোর তেরর’ কনফরেন্স অসিদা ভারতনা তেরর ফন্দিংগী মায়োক্তা গ্লোবেল মোমেন্তম লৈহনবদা মতেং পাংলি। ঐখোয়গী অপাম্বদি তেরোরিজমগী মায়োক্তা চত্থবা লান অসিবু নেক্স লেবেলদা পুখৎনবা মালেমবু পুনশিনহনবনি।

মরুপশিং,

নুমিৎ খরনি অসিদা খন্ন-নৈনগদবশিং অসি মাইপাকপা ওইনবগীদমক শরুক য়ারিবা পুম্নমক্তা য়াইফ মঙ্গোল পীজরি। ময়াম্না তেরর ফন্দিংগী দাইমেন্সন পুম্নমক্তা এতেক তৌগদৌরিবা অসিদা মতেং পাংগনি হায়না থাজবা থম্মি।

থাগৎচরি।

হন্না-হন্না থাগৎচরি।

****