প্রধানমন্ত্রীগী লোইশঙ
বালিদা পাংথোক্লিবা জি.২০ সম্মিত মনুংদা প্রধান মন্ত্রীগা ফেদেরেল রিপব্লিক ওফ জর্মনীগী চান্সেল্লরগা উন্নবা
Posted On:
16 NOV 2022 1:39PM by PIB Imphal
বালিদা পাংথোক্লিবা জি.২০ সম্মিত মনুংদা প্রধান মন্ত্রী, শ্রী নরেন্দ্র মোদীগা ফেদেরেল রিপব্লিক ওফ জর্মনীগী চান্সেল্লর, ঐচ.ই. শ্রী ওলাফ সোল্জকা ঙসি উন্নখ্রে।
হন্দক্কী অসিনা লুচিংবা অনি অসিগী অহুমশুবা উন্নবনি; মমাংগী মীফমশিংনা প্রধান মন্ত্রীনা মে ২, ২০২২দা ৬শুবা ভারত-জর্মনী ইন্তর গবর্নমেন্তেল কন্সলতেসনগীদমক্তা চৎখিবা বর্লিন খোঙচৎ মনুংদা অমসুং মতুং তারকপগী ওইনদি, চান্সেল্লর সোল্জনা পাউজেল পীরকপগী মখা পোন্না জি.৭ সম্মিত্তা পার্ত্নর লৈবাক অমা ওইনা প্রধান মন্ত্রীগী জর্মনীগী স্লোস এল্মাউ খোঙচত্তা উন্নখিবনি।
লুচিংবা অনিসিনা ভারত অমসুং জর্মনীগী মরক্তা লৈরিবা বাইলেতরেল কোওপরেসনগী হীরম কয়াগী ৱারী শাখি। প্রধান মন্ত্রী অমসুং চান্সেল্লরনা আই.জি.সি. মনুংদা পার্ত্নরশিপ ওন গ্রীন এন্দ সস্তেনেবল দিভেলপমেন্তকী য়ানচে খুৎয়েক পীনখিবদগী মরী অসিনা অনৌবা তাঙ্কক অমদা খোঙদাশিল্লি। লৈবাক অনিগী মরক্তা লৈরিবা ত্রেদ অমসুং ইনভেস্তমেন্তকী মরী হেন্না চেৎশিলহন্নবা অমসুং দিফেন্স অমসুং সেক্যুরিতী, মাইগ্রেসন অমসুং মোবিলিতী, অমসুং ইনফ্রাস্ত্রকচরগী লমদা তেংবাংনবা হেনগৎহন্নবা য়ান্নবসু মখোয়না পুরকখি।
লুচিংবা অনি অসিনা জি.২০ অমসুং য়ু.এন. য়াওনা মলতিলেতরেল ফোরমশিংদা তেংবাংনবা হেনগৎহনবগী ৱাফমসু য়ান্নখি।
***
(Release ID: 1876427)
Visitor Counter : 108
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam