প্রধানমন্ত্রীগী লোইশঙ
azadi ka amrit mahotsav

প্রধান মন্ত্রীনা আন্ধ্র প্রদেশকী বিশাখপতনমদা লুপা করোর ১০,৫০০ হেনবগী তোঙান-তোঙানবা প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে


“আন্ধ্র প্রদেশকী মীয়াম অসি লম খুদিংমক্তা মখোয় মশাগী ওইনা মশক থোক্না লৈজৈ”

“চাউখৎ-থৌরাংগী লম্বেল মলতিদাইমেনস্নেল ওই। মসিনা মীচম প্রজাশিংগী মথৌ তাবা অমসুং তঙাই ফদবশিংদা মীৎয়েং চংই অমসুং এদভান্স ইনফ্রাস্ত্রকচরগী রোদমেপ অমা পীরি”

“ঐখোয়গী মঙলান অসি ইনক্লুসিব গ্রোথ অমসুং ইনক্লুসিব দিবেলপমেন্তগীনি”

“পি.এম. গতি শক্তি নেস্নেল মাস্তর প্লান্না ইনফ্রাস্ত্রকচর শেমগৎপগী খোঙজেল য়াংখৎহনবা খক্তা নত্তনা প্রোজেক্তশিংদা চংবা শেনফমসু হন্থহনখি”

“অহানবা ওইনা ব্ল্যু ইকনোমী অসি য়াম্না মরু ওইনা লৌরকখি”

Posted On: 12 NOV 2022 12:16PM by PIB Imphal

 প্রধান মন্ত্রী, শ্রী নরেন্দ্র মোদীনা ঙসি আন্ধ্র প্রদেশকী বিশাখপতনমদা লুপা করোর ১০,৫০০ হেনবগী তোঙান-তোঙানবা প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে।

প্রধান মন্ত্রীনা বিপ্লব ভীরুদু অল্লুরু সিতারামরাজুগী ১২৫শুবা মপোক কুমওনগী থৌরমদা আন্ধ্র প্রদেশধা লাকপগী খুদোংচাবা ফংখিবা অদু নীংশিংলদুনা ৱা ঙাংবা হৌখি। প্রধান মন্ত্রীনা বিশাখপতনম অসি ললোন-ইতিক্কী মমল য়াম্লবা চৎনবী লৈজবা য়াম্না অখন্নবা সহর অমনি হায়না ফোঙদোকখি। মহাক্না বিশাখপতনমনা অরিবা ভারতকী মরু ওইবা হীথাংফম অমা ওইদুনা চহি লিশিং কয়াগী মমাংদা নোংচুপ এসিয়া অমসুং রোমগী ললোন ইতিক তৌনবা লম্বীগী শরুক ওইখি অমসুং মসি ঙসিসু ভারতকী সেন্ত্রেল পোইন্ত ওইনা অদুমক লৈরি।.প্রধান মন্ত্রীনা হায়খি মদুদি ঙসি কত্থোকখিবা অমসুং উরেপ-উয়ুং তমখিবা লুপা করোর ১০,৫০০ হেনবা প্রোজেক্তশিংনা ইনফ্রাস্ত্রকচর, ইজ ওফ লিবিং অমসুং আত্মনির্ভর ভারতকী অনৌবা দাইমেন্সনশিং হাংদোক্তুনা বিশাখপতনম অমসুং আন্ধ্র প্রদেশকী আশা অমসুং অনীংবশিং থুংহন্নবগী পাম্বৈ অমা ওইরগনি। প্রধান মন্ত্রীনা ভারতকী হান্নগী উপ রাস্ত্রপতি, শ্রী এম. বেঙ্কৈয়া নাইদুবু অখন্ননা পল্লদুনা আন্ধ্র প্রদেশকীদমক মহাক্না ফাওরিবা নুংশিবা অমসুং কত্থোকপা অসি লম্বা লৈতে হায়না ফোঙদোকখি।

এজুকেসন নত্ত্রগা ওন্তপ্রিনোর্শিপ, তেক্নিলোজী নত্ত্রগা মেদিকেল প্রোফেসন ওইরবসু প্রধান মন্ত্রীনা হায়খি মদুদি আন্ধ্র প্রদেশকী মিয়াম্না লম খুদিংমক্তা মশক থোকপা ঙমখি। মহাক্না মখা তারদুনা হায় মদুদি মসিগী শকখঙবা অসি প্রোফেস্নেল ক্বালিতীশিংগী ফল খক্তা নত্তনা আন্ধ্র প্রদেশকী মীয়ামগী হরাউ-তয়াম্বা মতৌ অসিগী ফলনা ঙমহনবনি। প্রধান মন্ত্রীনা ঙসি কত্থোকখিবা অমসুং উরেপ-উয়ুং তমখিবা প্রোজেক্তশিং অসিদা অপেনবা পোক্লদুনা হায় মদুদি মসিনা রাজ্য অসিগী চাউখৎ খোঙচৎ খোঙজেল য়াংশিনবা ঙমহল্লগনি।

প্রধান মন্ত্রীনা হায়খি, “অমৃত কালদা লৈবাক অসিনা চাউখৎপা ভারতকী পান্দমগা লোয়ননা চাউখৎ খোঙচৎতা খোঙজেল য়াংনা মাংদা চংশিল্লি”। চাউখৎ খোঙচৎ অসি মলতিদাইমেনস্নেল ওই হায়রদুনা প্রধান মন্ত্রীনা মীচম প্রজাশিংগী মথৌ তাবা অমসুং তঙাই ফদবশিংদা মীৎয়েং চংলি অমসুং এদভান্স ইনফ্রাস্ত্রকচরগী রোদমেপ অমা শেম্মি হায়না ফোঙদোকখি। মহাক্না সরকারগী ইনক্লুসিব গ্রোথকী বিজন থমখি। প্রধান মন্ত্রীনা মমাংগী সরকারশিংনা ইনফ্রাস্ত্রকচর শেমগৎপগী আইসোলেতেদ এপ্রোচ শীজিন্নদুনা লোজিস্তিক্সকী চাদিং ৱাংহনবা অমসুং সপ্লাই চেন্দদা অহোবা লৈহনখিবা অদুবু য়ানীংদবা ফোঙদোকখি। মহাক্না হায়খি মদুদি সরকারনা চাউখৎ থৌরাংগী ইন্তিগ্রেতেদ ওইবা ৱাখল্লোন্দা মীৎয়েং চংবগা লোয়ননা ইনফ্রাস্ত্রকচর শেমগৎপগী অনৌবা থৌশিল অমা পাইখৎখি মরমদি সপ্লাই চেন অমসুং লোজিস্তিক্স অসি মলতি-মোদেল কন্নেক্তিবিতীগী মখা পোল্লি। ঙসিগী প্রোজেক্তশিং অসিদগী চাউখৎ থৌরাংগী ইন্তিগ্রেতেদ ওইবা ৱাখল্লোনগী খুদম অমা পীরদুনা প্রধান মন্ত্রীনা পুখৎখিবা ইকনোমিক কোরিদোর প্রোজেক্তকী লেন-৬কী লম্বীশিং, পোর্ত কন্নেক্তিবিতীগী তোখাইবা লম্বী, বিশাখপতনম রেলৱে স্তেসন ফজথোকহনবা অমসুং স্তেৎ-ওফ-দি-আর্ত ফিশি হরবর শাবা অসি পনখি। প্রধান মন্ত্রীনা চাউখৎ থৌরাংগী ইন্তিগ্রেতেদ ওইবা ৱাখল্লোনগী মনা অসি পি.এম. গতি শক্তি নেস্নেল মাস্তর প্লান্দা পীখি অমসুং হায়খি মদুদি মসিনা ইনফ্রাস্ত্রকচর শেমগৎপদা খোঙজেল য়াংখৎহনবা খক্তা নত্তনা প্রোজেক্তশিংগী শেনফমসু হন্থহনখি। মহাক্না মখা তারদুনা হায়, “মলতি-মোদেল ত্রান্সপোর্ত সিস্তেম অসি সহর খুদিংমক্কী তুংলমচৎনি অমসুং বিশাখপতনম্না মাইকৈ অসিদা খোঙথাং অমা লৌখৎলি”। মহাক্না হায় আন্ধ্র প্রদেশ অমসুং মাগী সমুদ্র মপালগী মফমশিং অসিনা অনৌবা শাহৌ অমসুং শক্তিগা লোয়ননা চাউখৎ থৌরাংগী লমজেলদা মাংদা চংশিল্লি।

প্রধান মন্ত্রীনা খুদোংথিনীংঙাই ওইরবা গ্লোবেল ক্লাইমেৎকী মতাংদা পনখি অমসুং ক্রিতিকেল প্রদক্তশিং অমসুং ইনর্জীগী মথৌ তাবশিংগীদমক সপ্লাই চেন্দা অপনবা থোক্লিবা অসিগী মতাংদা ফোঙদোকখি। প্রধান মন্ত্রীনা হায়, অদুম ওইনমক ভারতনা অৱাবা তানফমশিং অসিদা চাউখৎ থৌরাংগী অনৌবা পন্দুপ অমা ইরি। মালেম্না মসিবু শখখঙবীখি মরমদি এক্সপর্তশিংনা ভারতকী মাইপাকপশিং অসিবু থাগৎনরি অমসুং মহাক্না হায়, “ভারতনা মালেম পুম্বগী আশাগী হৌরকফম ওইরি”। মসি ওইথোকপা ঙম্বগী মরম অমা খক্তা লৈ মদুদি “ভারতনা মাগী প্রজাশিংগী অনীংবা অমসুং মথৌ তাবশিং খঙনা থবক তৌরি। থৌশিল-থৌরাং অমসুং ৱারেপ খুদিংমক্না মীচম প্রজাগী পুন্সি ফগৎহল্লি”। প্রধান মন্ত্রীনা পি.এল.আই. স্কিম, জি.এস.তি., আই.বি.সি. অমসুং নেস্নেল ইনফ্রাস্ত্রকচর পাইপলাইন্না ভারত্তা ইনভেস্তমেন্ত হেনগৎনবগী মরম ওইখি হায়না ফোঙদোকখি। মসিগা ইরোইননা মহাক্না হায়খি লায়রবশিংগী য়াইফ থৌরাংগী স্কিমশিং পাকথোক চাউথোকহল্লি। মহাক্না হায়খি, “ঙসি চাউখৎ থৌরাংগী খোঙচৎতা মমাংদা মর্জিনেলাইজ তৌখিবা লমশিং অদু হাপচিনখ্রে। খ্বাইদগী শোত্থরবা জিলাশিংদা ফাওবা চাউখৎ-থৌরাংগী স্কিমশিং অসি এস্পিরেস্নেল দিস্ত্রিক্ত প্রোগ্রামগী মখাদা চৎনহল্লি”। প্রধান মন্ত্রী হৌখিবা চহি অনি মখাইদা মীয়ামদা লেম্না রাসন পীবা, লৌমী খুদিংমক্কী একাউন্তদা চহিদা লুপা লিশিং ৬ হাপ্পা অমসুং দ্রোন, গেমিং অমসুং স্তার্তঅপকা মরী লৈনবা কাংলোনশিং কোমথোকখিবা অসিগুম্বা খোঙথাং কয়াগী মতাংদা পনখি।

ময়েক শেংবা পান্দমশিং থম্বগী মরু ওইবগী মতাংদা প্রধান মন্ত্রীনা আন্ধ্র প্রদেশতা মোদর্ন তেক্নোলোজীগী খুত্থাংদা দীপ ৱাতর এক্সত্রেক্সন তৌবগী খুদম পীখি। মহাক্না হায়খি সরকারনা ব্ল্যু ইকনোমীদা মীৎয়েং চংলি। মহাক্না মখা তারদুনা হায়, “ব্ল্যু ইকনোমী অসি অহানবা ওইনা খ্বাইদগী মরু ওইনা লৌনরকখি”। মহাক্না ঙামীশিংগী কিসান ক্রেদিত কার্দশিং অমসুং বিশাখপতনম ফিশিং হরবর মতমগা চুনবা মওংদা শেমগৎপা ঙসি হৌখিবা অসিগুম্বা খোঙথাংশিংগী মতাংদা পনখি।

প্রধান মন্ত্রীনা হায়খি চহিচা কয়াদগী সমুদ্র অসি ভারতকী য়াইফনবগী হৌরফম অমা ওইদুনা লাকখি অমসুং ঐখোয়গী সমুদ্র তোর্বানশিং অসিনা য়াইফনবগী গেৎৱে ওইদুনা লাকখি। মহাক্না হায়খি মদুদি লুপা করোর লিশিং কয়াগী লৈবাক্কী হীথাংফমশিং চাউখৎহন্নবা প্রোজেক্তশিং অসি ঙসিগী মতুংদা হেন্না শাহৌ ফংলগনি।

ৱারোল পীবা লোইশিংনবদা প্রধান মন্ত্রীনা হায়খি, “২১শুবা চহিচাগী ভারতনা চাউখৎ থৌরাংগী হোলিস্তিক ওইবা ৱাখল্লোন থবক ওইনা ওন্থোক্লি”। মহাক্না আন্ধ্র প্রদেশনা লৈবাক্কী চাউখৎ খোঙচৎতা মরু ওইবা থৌদাং মখা তানা লৌগনি হায়না থাজবা থমখি।

থৌরম অদুদা আন্ধ্র প্রদেশকী মুখ্য মন্ত্রী শ্রী ৱাই.এস.আর. জগন রেদ্দী, আন্ধ্র প্রদেশকী রাজ্যপাল, শ্রী বিশ্বা ভুশন হরিচন্দন, কেন্দ্রগী মন্ত্রী অশ্বিনি ভৈশ্নব, মেম্বর ওফ পার্লিয়ামেন্তশিং অমসুং আন্ধ্র প্রদেশকী লেজিস্লেতিব কাউন্সিলগী মেম্বরশিংনা শরুক য়াখি।

বেকগ্রাউন্দ

প্রধান মন্ত্রীনা লুপা করোর ৪৫০রোম চঙনা নৌনা শেমগৎকদবা বিশাখপতনম রেলৱে স্তেসনগী উরেপ উয়ুং তমখ্রে‍। নৌনা শেমগৎকদৌরিবা স্তেসন অসিনা নোংমদা পেসেঞ্জর ৭৫,০০০দা সর্ভিস পীগনি অমদি মোদর্ন এমেনিতীশিং ফংহন্দুনা পেসেঞ্জরশিংনা ফংলিবা খুদোংচাবা হেনগৎহনগনি‍।

প্রধান মন্ত্রীনা বিশাখপতনম ফিসিং হরবর মোদর্নাইজেসন অমদি অপগ্রেদেসন তৌবগী উরেপ উয়ুংসু তমখ্রে‍। প্রোজেক্ত অসিগী অপুনবা চঙগদবা শেনফম অসি লুপা করোর ১৫০রোম্নি‍। অপগ্রেদ অমদি মোদর্নাইজ তৌরবা মতুংদা, ফিসিং হরবর অসিনা হেন্দলিং কেপাসিতী নোংমদা তন ১৫০ ওইরম্বদগী ৩০০দা হেনগৎহন্দুনা শরুক অনি ওইহন্দুনা সেফ লেন্দিং অমদি বর্থিং অমদি অতৈ মতমগা চুনবা ইনফ্রাস্ত্রকচর, জেত্তীদা হল্লকপগী মতম হন্থহনবা, মাঙবা হন্থহনবা অমদি শেন্দোং হেন্না লৈহনবগী ফীভম ফংহনগনি‍।

প্রধান মন্ত্রীনা লেন তরুক্কী গ্রীনফীল্দ রাইপুর- বিশাখপতনম ইকনোমিক কোরিদোরগী আঅন্ধ্র প্রদেশ সেক্সনগী উরেপ উয়ুং তমখ্রে‍। মসি লুপা করোর ৩৭৫০ হেন্না চঙনা শাগদবনি‍। ইকনোমিক কোরিদোর অসিনা ছত্তিসগর অমসুং ওরিসাগী ইন্দস্ত্রিএল নোদশিং অমদি বিশাখপতনম হিথাংফম অমসুং চেন্নাই – কোলকতা নেস্নেল হায়ৱেগী মরক্তা হেন্না থুনা চত্থোক চৎশিন তৌবা য়াহনগনি‍। মসিনা অন্ধ্র প্রদেশ অমসুং ওরিসাগী ত্রাইবেল অমদি শোত্থহৌরবা মফমশিংদা চত্থোক চৎশিনগী ফীভম ফগৎহনগনি‍। প্রধান মন্ত্রীনা বিশাখপতনমগী কনভেন্ত জংসনদগী সীলা নগর জংসন ফাওবগী কত্থোক্লবা হিথাংফম লম্বী অমগী উরেপ উয়ুংসু তমগনি‍। মসিনা লমদমদুগী অমদি হিথাংফমদা চৎকদবা পোৎচৈ পুবা ত্রাফিক তোখাইনা খাইদোক্তুনা বিশাখপতনম সিতীদা ত্রাফিক চীনবা হন্থহনগনি‍। মহাক্না শ্রীকাকুলম-গজপতী কোরিদোরগী শরুক অমা ওইনা লুপা করোর ২০০ চঙনা শাগৎলিবা এন.ঐচ.-৩২৬এগী নরসন্নেপেতাদগী পথপত্তনম ফাওবগী শরুকসু লৈবাক মীয়ামদা কত্থোকখ্রে‍। প্রোজেক্ত অসিনা লমদম অদুদা চত্থোক চৎশিনগী পাম্বৈ হেন্না ফগৎহল্লগনি‍।

প্রধান মন্ত্রীনা অন্ধ্র প্রদেশতা লুপা করোর ২৯০০ হেন্না চঙনা শেমগৎপা ও.এন.জি.সি.গী য়ু-ফীল্দ ওনসোর দীপ ৱাতর ব্লোক প্রোজেক্ত লৈবাক মীয়ামদা কত্থোকখ্রে‍। মসি প্রোজেক্ত অসিগী খ্বাইদগী লুবা গ্যাস দিস্কভরীনি অমদি মসিদগী গ্যাস পুথোকপগী মতিং অসি মিলিয়ন মেত্রিক স্তেন্দর্দ ক্যুবিক মীতর পর দে (এম.এম.এস.সি.এম.দি.) ৩লোম ওইগনি‍। মহাক্না এম.এম.এস.সি.এম.দি. ৬.৬৫রোমগী কেপাসিতী লৈবা জি.এ.আই.এল.গী স্রীককুলম এঙ্গুল নেচরেল গ্যাস পাইপলাইন প্রোজেক্তকী উরেপ উয়ুংসু তমখ্রে‍। কিলোমিতর ৭৪৫ শাংবা পাইপলাইন অসি লুপা করোর ২৬৫০ হেন্না চঙনা শাগদবনি‍। নেচরেল গ্যাস গ্রীদ (এন.জি.জি.)গী শরুক অমা ওইরিবা পাইপলাইন অসিনা অন্ধ্র প্রদেশ অমসুং ওরিসাগী তোঙান তোঙানবা দিস্ত্রিক্তশিংদা য়ুম, ইন্দস্ত্রী, কম্মর্সিএল য়ুনিৎ অমদি ওতোমোবাইল সেক্তরদা নেচরেল গ্যাস পীননবা মরুওইবা ইনফ্রাস্ত্রকচর শেমগৎকনি‍। পাইপলাইন অসিনা আন্ধ্র প্রদেশকী শ্রীকাকুলম অমসুং ভিজয়নগরম দিস্ত্রিক্তা লৈরিবা সিতী গ্যাস দিস্ত্রিব্যুসন নেৎৱর্কদা নেচরেল গ্যাস সপ্লাই তৌগনি‍।

***** 



(Release ID: 1875413) Visitor Counter : 41