ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਨੇ ਅੱਜ ਬੰਗਲੁਰੂ ਵਿਖੇ ਕੈਂਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦੇ ਟਰਮੀਨਲ 2 ਦਾ ਉਦਘਾਟਨ ਕੀਤਾ। ਪ੍ਰਧਾਨ ਮੰਤਰੀ ਨੇ ਹਵਾਈ ਅੱਡੇ ਦੇ ਅਧਿਕਾਰੀਆਂ ਨਾਲ ਵੀ ਗੱਲਬਾਤ ਕੀਤੀ, ਜਿੱਥੇ ਉਨ੍ਹਾਂ ਨੂੰ ਟਰਮੀਨਲ 2 ਭਵਨ ਦੇ ਮਾਡਲ ਬਾਰੇ ਜਾਣਕਾਰੀ ਦਿੱਤੀ ਗਈ। ਪ੍ਰਧਾਨ ਮੰਤਰੀ ਨੇ ਅਨੁਭਵ ਕੇਂਦਰ ਵਿੱਚ ਸਹੂਲਤਾਂ ਦਾ ਮੁਆਇਨਾ ਵੀ ਕੀਤਾ ਅਤੇ ਕੈਂਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਟਰਮੀਨਲ 2 ਪੈਦਲ ਚਲ ਕੇ ਦੇਖਿਆ। ਪ੍ਰਧਾਨ ਮੰਤਰੀ ਨੇ ਟਰਮੀਨਲ 2 ਬਾਰੇ ਇੱਕ ਲਘੂ ਫਿਲਮ ਵੀ ਦੇਖੀ।

ਪ੍ਰਧਾਨ ਮੰਤਰੀ ਨੇ ਟਵੀਟ ਕੀਤਾ;

“ਬੰਗਲੁਰੂ ਦੇ ਕੈਂਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਟਰਮੀਨਲ 2 ਸਮਰੱਥਾ ਅਤੇ ਸਹੂਲਤ ਵਧਾਏਗਾ। ਇਹ ਸਾਡੇ ਸ਼ਹਿਰੀ ਕੇਂਦਰਾਂ ਨੂੰ ਉੱਚ ਪੱਧਰੀ ਬੁਨਿਆਦੀ ਢਾਂਚਾ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਸਾਡੇ ਯਤਨਾਂ ਦਾ ਇੱਕ ਹਿੱਸਾ ਹੈ। ਟਰਮੀਨਲ ਸੁੰਦਰ ਅਤੇ ਯਾਤਰੀ ਅਨੁਕੂਲ ਹੈ! ਇਸ ਦਾ ਉਦਘਾਟਨ ਕਰਕੇ ਪ੍ਰਸੰਨਤਾ ਹੋਈ।”

Terminal 2 of the Kempegowda International Airport, Bengaluru will add capacity and further convenience. It is a part of our efforts aimed at providing top class infrastructure to our urban centres. The Terminal is beautiful and passenger friendly! Glad to have inaugurated it. pic.twitter.com/t5ohAr6WCm

— Narendra Modi (@narendramodi) November 11, 2022

ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ 2ನೇ ಟರ್ಮಿನಲ್, ಸಾಮರ್ಥ್ಯ ಮತ್ತು ಅನುಕೂಲತೆಯನ್ನು ಹೆಚ್ಚಿಸುತ್ತದೆ. ಇದು ನಗರ ಕೇಂದ್ರಗಳಿಗೆ ಉನ್ನತ ದರ್ಜೆಯ ಮೂಲಸೌಕರ್ಯಗಳನ್ನು ಒದಗಿಸುವ ಗುರಿಯನ್ನು ಹೊಂದಿರುವ ನಮ್ಮ ಪ್ರಯತ್ನಗಳ ಒಂದು ಭಾಗವಾಗಿದೆ. ಟರ್ಮಿನಲ್ ಸುಂದರ ಮತ್ತು ಪ್ರಯಾಣಿಕರ ಸ್ನೇಹಿಯಾಗಿದೆ! pic.twitter.com/F315D5wjJV

— Narendra Modi (@narendramodi) November 11, 2022

ਪਿਛੋਕੜ

ਬੰਗਲੁਰੂ ਵਿੱਚ ਕੈਂਪੇਗੌੜਾ ਅੰਤਰਰਾਸ਼ਟਰੀ ਹਵਾਈ ਅੱਡੇ ਦਾ ਟਰਮੀਨਲ 2 ਲਗਭਗ 5000 ਕਰੋੜ ਰੁਪਏ ਦੀ ਲਾਗਤ ਨਾਲ ਬਣਾਇਆ ਗਿਆ ਹੈ। ਇਹ ਟਰਮੀਨਲ ਹਵਾਈ ਅੱਡੇ ਦੀ ਯਾਤਰੀਆਂ ਦੀ ਸੰਭਾਲ ਸਮਰੱਥਾ ਨੂੰ 2.5 ਕਰੋੜ ਦੀ ਮੌਜੂਦਾ ਸਮਰੱਥਾ ਤੋਂ ਦੁੱਗਣਾ ਕਰ ਕੇ 5-6 ਕਰੋੜ ਯਾਤਰੀ ਪ੍ਰਤੀ ਸਾਲ ਕਰ ਦੇਵੇਗਾ।

ਟਰਮੀਨਲ 2 ਨੂੰ ਬੰਗਲੁਰੂ ਦੀ ਗਾਰਡਨ ਸਿਟੀ ਦੇ ਪ੍ਰਤੀ ਇੱਕ ਟ੍ਰਿਬਿਊਟ ਦੇ ਤੌਰ ‘ਤੇ ਡਿਜ਼ਾਈਨ ਕੀਤਾ ਗਿਆ ਹੈ ਅਤੇ ਇਸ ਦੇ ਯਾਤਰੀ ਅਨੁਭਵ ਨੂੰ “ਬਗੀਚੇ ਵਿੱਚ ਟਹਿਲਣ” ਜਿਹਾ ਬਣਾਉਣ ਦਾ ਉਦੇਸ਼ ਹੈ। ਯਾਤਰੀ ਇੱਥੇ 10,000 ਤੋਂ ਅਧਿਕ ਵਰਗਮੀਟਰ ਦੀਆਂ ਹਰੀਆਂ ਦੀਵਾਰਾਂ, ਹੈਂਗਿੰਗ ਗਾਰਡਨ ਅਤੇ ਆਊਟਡੋਰ ਗਾਰਡਨਸ ਵਿੱਚੋਂ ਗੁਜਰਨਗੇ। ਇਸ ਹਵਾਈ ਅੱਡੇ ਨੇ ਪਹਿਲਾਂ ਹੀ ਪਰਿਸਰ ਵਿੱਚ ਅਖੁੱਟ ਊਰਜਾ ਦੇ 100 ਪ੍ਰਤੀਸ਼ਤ ਉਪਯੋਗ ਦੇ ਨਾਲ ਸਸਟੇਨੇਬਿਲਿਟੀ ਦੇ ਮਾਮਲੇ ਵਿੱਚ ਇੱਕ ਬੈਂਚਮਾਰਕ ਸਥਾਪਿਤ ਕਰ ਲਿਆ ਹੈ। ਟਰਮੀਨਲ 2 ਨੂੰ ਬਣਾਉਂਦੇ ਹੋਏ ਇਸ ਦੇ ਡਿਜ਼ਾਈਨ ਵਿੱਚ ਸਸਟੇਨੇਬਿਲਿਟੀ ਦੇ ਸਿਧਾਂਤਾਂ ਨੂੰ ਪਰੋਇਆ ਗਿਆ ਹੈ। ਨਿਰੰਤਰਤਾ ਦੀਆਂ ਅਜਿਹੀਆਂ ਪਹਿਲਾਂ ਦੇ ਅਧਾਰ ‘ਤੇ ਟਰਮੀਨਲ 2 ਦੁਨੀਆ ਦਾ ਅਜਿਹਾ ਸਭ ਤੋਂ ਵੱਡਾ ਟਰਮੀਨਲ ਹੋਵੇਗਾ, ਜਿਸ ਦਾ ਪਰਿਚਾਲਨ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਉਸ ਨੂੰ ਯੂਐੱਸ ਜੀਬੀਸੀ (ਗ੍ਰੀਨ ਬਿਲਡਿੰਗ ਕੌਂਸਿਲ) ਦੁਆਰਾ ਪਹਿਲਾਂ ਹੀ ਪ੍ਰਮਾਣਿਤ ਪਲੈਟੀਨਮ ਰੇਟਿੰਗ ਪ੍ਰਾਪਤ ਹੋ ਗਈ ਹੈ। ‘ਨੌਰਸ’ ਦੀ ਥੀਮ ਟਰਮੀਨਲ 2 ਦੇ ਲਈ ਕਮਿਸ਼ਨ ਕੀਤੀਆਂ ਗਈਆਂ ਸਾਰੀਆਂ ਕਲਾਕ੍ਰਿਤੀਆਂ ਨੂੰ ਇੱਕ ਕਰਦੀ ਹੈ। ਇਹ ਕਲਾਕ੍ਰਿਤੀਆਂ ਕਰਨਾਟਕ ਦੀ ਵਿਰਾਸਤ ਅਤੇ ਸੱਭਿਆਚਾਰ ਦੇ ਨਾਲ-ਨਾਲ ਵਿਆਪਕ ਭਾਰਤੀ ਲੋਕਾਚਾਰ ਨੂੰ ਦਰਸਾਉਂਦੀਆਂ ਹਨ।

ਕੁੱਲ ਮਿਲਾ ਕੇ, ਟਰਮੀਨਲ 2 ਦਾ ਡਿਜ਼ਾਈਨ ਅਤੇ ਵਾਸਤੂਕਲਾ ਚਾਰ ਮਾਰਗਦਰਸ਼ਕ ਸਿਧਾਂਤਾਂ ਤੋਂ ਪ੍ਰਭਾਵਿਤ ਹੈ: ਟਰਮੀਨਲ ਦਾ ਇੱਕ ਬਗੀਚੇ ਵਿੱਚ ਹੋਣਾ, ਸਸਟੇਨੇਬਿਲਿਟੀ, ਟੈਕਨੋਲੋਜੀ ਅਤੇ ਕਲਾ ਤੇ ਸੱਭਿਆਚਾਰ। ਇਹ ਸਾਰੇ ਪਹਿਲੂ ਟੀ-2 ਨੂੰ ਇੱਕ ਅਜਿਹੇ ਟਰਮੀਨਲ ਦੇ ਰੂਪ ਵਿੱਚ ਪ੍ਰਦਰਸ਼ਿਤ ਕਰਦੇ ਹਨ, ਜੋ ਆਧੁਨਿਕ ਹੋਣ ਦੇ ਨਾਲ-ਨਾਲ ਕੁਦਰਤ ਨਾਲ ਵੀ ਜੁੜਿਆ ਹੈ ਅਤੇ ਸਾਰੇ ਯਾਤਰੀਆਂ ਨੂੰ ਇੱਕ ਯਾਦਗਾਰ ‘ਡੈਸਟੀਨੇਸ਼ਨ’ ਅਨੁਭਵ ਪ੍ਰਦਾਨ ਕਰਦਾ ਹੈ।

ਪ੍ਰਧਾਨ ਮੰਤਰੀ ਦੇ ਨਾਲ ਕਰਨਾਟਕ ਦੇ ਮੁੱਖ ਮੰਤਰੀ, ਸ਼੍ਰੀ ਬਸਵਰਾਜ ਬੋਮਈ, ਕਰਨਾਟਕ ਦੇ ਰਾਜਪਾਲ, ਸ਼੍ਰੀ ਥਾਵਰ ਚੰਦ ਗਹਿਲੋਤ ਅਤੇ ਕੇਂਦਰੀ ਮੰਤਰੀ ਪ੍ਰਹਲਾਦ ਜੋਸ਼ੀ ਵੀ ਸਨ।

*****

ਡੀਐੱਸ/ਟੀਐੱਸ