প্রধান মন্ত্রী, শ্রী নরেন্দ্র মোদীনা ঙসি বেঙ্গলুরুদা কেম্পেগৌরা ইন্তর্নেস্নেল এয়রপোর্তকী তর্মিনেল ২ শঙ্গাখ্রে। প্রধান মন্ত্রী এয়রপোর্ত ওথোরিতীশিংগা ৱারী শাখি মখোয়না তর্মিনেল ২ বিল্দিংগী মোদেলগী মতাংদা প্রধান মন্ত্রীদা তেন্তক্না পাউদমখি। প্রধান মন্ত্রীনা এক্সপিরয়েন্স সেন্তরদা লৈরিবা ফেসিলিতীশিং য়েংশিনখি অমসুং কেম্পেগৌরা ইন্তর্নেস্নেল এয়রপোর্তকী তর্মিনেল ২গী ৱাকথ্রু তৌখি। প্রধান মন্ত্রীনা তর্মিনেল ২গী মতাংদা শোর্ত ফিল্ম অমসু মীৎয়েং তাখি।

প্রধান মন্ত্রীনা ত্বিত তৌখি;

“বেঙ্গলুরুগী কেম্পেগৌরা ইন্তর্নেস্নেল এয়রপোর্তকী তর্মিনেল ২না কেপাসিতী অমসুং খুদোংচাবা হেনগৎহল্লগনি। মসি ঐখোয়গী অর্বান সেন্তরশিংদা খ্বাইদগী ৱাংবা ক্লাসকী ইনফ্রাস্ত্রকচর ফংহন্নবা পান্দম থমখিবা ঐখোয়গী খোঙথাংশিংগী শরুক অমনি। তর্মিনেল অসি য়াম্না ফাজৈ অমসুং পেসেঞ্জর ফ্রেন্দলী ওই! মসি শঙ্গাবা ফংজবা অসিদা নুংঙাইবা পোকই।”

Terminal 2 of the Kempegowda International Airport, Bengaluru will add capacity and further convenience. It is a part of our efforts aimed at providing top class infrastructure to our urban centres. The Terminal is beautiful and passenger friendly! Glad to have inaugurated it. pic.twitter.com/t5ohAr6WCm

— Narendra Modi (@narendramodi) November 11, 2022

ಕೆಂಪೇಗೌಡ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣದ 2ನೇ ಟರ್ಮಿನಲ್, ಸಾಮರ್ಥ್ಯ ಮತ್ತು ಅನುಕೂಲತೆಯನ್ನು ಹೆಚ್ಚಿಸುತ್ತದೆ. ಇದು ನಗರ ಕೇಂದ್ರಗಳಿಗೆ ಉನ್ನತ ದರ್ಜೆಯ ಮೂಲಸೌಕರ್ಯಗಳನ್ನು ಒದಗಿಸುವ ಗುರಿಯನ್ನು ಹೊಂದಿರುವ ನಮ್ಮ ಪ್ರಯತ್ನಗಳ ಒಂದು ಭಾಗವಾಗಿದೆ. ಟರ್ಮಿನಲ್ ಸುಂದರ ಮತ್ತು ಪ್ರಯಾಣಿಕರ ಸ್ನೇಹಿಯಾಗಿದೆ! pic.twitter.com/F315D5wjJV

— Narendra Modi (@narendramodi) November 11, 2022

বেকগ্রাউন্দ

বেঙ্গলুরুগী কেম্পেগৌরা ইন্তর্নেস্নেল এয়রপোর্তকী তর্মিনেল ২ অসি লুপা করোর ৫০০০রোম চঙনা শাখি। ‍তর্মিনেল অসিনা এয়রপোর্ত অসিগী পেসেঞ্জর হেন্দলিং তৌবগী কেপাসিতী শরুক অনি হেনগৎহন্দুনা হৌজিক লৈরিবা চহিদা পেসেঞ্জর করোর ২.৫ অসিদগী করোর ৫-৬তা হেনগৎহনগনি‍।

তর্মিনেল ২ অসি গার্দেন সিতী ওইরিবা বেঙ্গলুরুদা কত্থোকপা ওইনা দিজাইন তৌবনি অমদি পেসেঞ্জরশিংদা “লৈকোয়দা চৎপগুম” ইহুল ফাওহনগনি‍। পেসেঞ্জরশিংনা স্ক্বার মিতর ১০,০০০গী অশংবা ফক্লাং, য়ান্দুনা থম্বা লৈকোল অমদি মপানগী লৈকোল মরক্তা চৎকনি‍। এয়রপোর্ত অসিগী কেম্পস শিনবা থুংনা রিন্যুএবল ইনর্জী ১০০% শীজিন্নদুনা সস্তেনেবিলিতীগী পাদম অমা ওইরবনি‍। তর্মিনেল ২ অসি দিজাইন তৌবদা সস্তেনেবিলিতীকী পথাপশিং য়াওনা শেম্বনি‍। সস্তেনেবিলিতী ইনিসিএতিব্তা য়ুম্ফম ওইবা তর্মিনেল ২ অসিনা মথৌ তৌবা হৌদ্রিঙৈদা য়ু.এস. জি.বি.সি. (গ্রীন বিল্দিং কাউন্সিল)না প্রি-সর্তিফাইদ প্লাতিনম রেতিং পীবা মালেমগী খ্বাইদগী চাউবা তর্মিনেল ওইরগনি‍। ‘নৌরাসা’ হায়রিবা থীম অসিনা তর্মিনেল ২গী কম্মিসন তৌরবা আর্তৱর্ক পুম্নমক পুনশিল্লি‍। আর্তৱর্ক অসিদা কর্নাতকা অমদি ভারতকী মপুং ওইবা তোপ তোপ্পা মশক্কী মমি তারি‍।

অপুনবগী ওইনা, তর্মিনেল ২গী দিজাইন অমসুং আর্কিতেকচর অসি লৈকোলদা লৈবা তর্মিনেল, তুং কোইনা চৎকদবা, তেক্নোলোজী অমদি আর্ত অমসুং কলচর হায়রিবা লমজিংলিবা পথাপ মরিসিনা ইথিল পীবনি‍। শক্লোন পুম্নমক অসিনা তি২বু মতমগা চুনবা অদুগা মহৌশাবুসু নুংশিবা তর্মিনেল অমা ওইনা উৎলি অমদি চত্থোক চৎশিন তৌরিবা পুম্নমক্তা নীংশিংনিংঙাই ওইগদবা ‘লমথুংফম’গী মহাও অমা পীরি‍।

প্রধান মন্ত্রীবু কর্নাতকাগী মুখ্য মন্ত্রী, শ্রী বসবরাজ বোম্মাই অমসুং কর্নাতকাগী রাজ্যপাল, শ্রী থাৱর চন্দ গহলোৎ অমসুং কেন্দ্রগী মন্ত্রী, শ্রী প্রহলাদ জোশিনা লোয়নখি।

*****