ভারত ইমানা য়াইফরে

ভারত ইমানা য়াইফরে

ভারত ইমানা য়াইফরে

ঙসি অসি গুজরাত অমসুং লৈবাক অসিগী ত্রাইবেল খুন্নাইগী ওইনা য়াম্না মরু ওইবা নুমিৎ অমনি। মীকুপ খরগী মমাংদা ঐহাক্না মানগর ধামদা চৎখি অমসুং মানগর থামদা গোবিন্দ গুরু য়াওনা ত্রাইবেলগী থৱায়না পোন্থা পীখ্রবা ইচিল-ইনাও লিশিং কয়াদা ইকাই খুম্নবা উৎদুনা আজাদী কা অমৃত মহোৎসবকী মতম অসিদা ত্রাইবেলশিংগী অথৌবশিংদা ইকাই খুম্নবা উৎচনবগী খুদোংচাবা ফংজখি। অমসুং হৌজিক জাম্বুঘোরাদা ময়ামগী মরক্তা য়াওরে অমসুং ঐখোয়গী জাম্বুঘোরানা ঐখোয়গী ত্রাইবেল খুন্নাইনা চাউনা কত্থোকখিবা অদু উবা ফংখি। ঙসি অসি শাহিদ ওরিয়া পরমেশ্বর, রুপ সিংহ নায়ক, গলালিয়া  নায়ক, রজবিদা নায়ক অমসুং বাবরিয়া গল্মা নায়কগুম্বা অমর ওইরবা অথৌবশিংদা ইকাই খুম্নবা উৎলি। ঙসি ত্রাইবেল খুন্নাই অসি ত্রাইবেল খুন্নাইগী মীংচৎকা মরী লৈনৈ অমসুং মসি পাকথোক চাউথোক্নবগীদমক হকশেল, এজুকেসন, স্কিল দিবেলপমেন্তগুম্বা মরু ওইবা খুদোংচাবা কয়াগা উরেপ-উয়ুং তম্লি অমসুং শঙ্গারি। গোবিন্দ গুরু য়ুনিভর্সিতীগী এদমিনিস্ত্রেসন কেম্পস অসি য়াম্না ফজরে অমসুং মফম অসিদা কেন্দ্রীয় বিদ্যালয় শাবা অসিনা, সেন্ত্রেল স্কুল শাবা অসিনা ঐখোয়না লৈবাক অসিদা তুংগী মীরোলনা মচু অহুমগী জাতিগী ফিরাল চিংখৎনবা অদুগুম্বা থবক তৌরি। স্কিমশিং অসিগীদমক মশিং য়াম্না লেংবীরক্লিবা ইচিল-ইনাওশিংবু হন্না থাগৎচরি।

ইচিল-ইনাওশিং,

জাম্বুঘোরা অসি ঐঙোন্দা অনৌবা নত্তে। মফম অসিদা ঐহাক্না কয়ারক লাকখ্রে অমসুং মফম অসিদা ঐহাক্না লাকপা খুদিংগী ঐহাক্না শেংলবা লাইফমলেনদা লাকপগুম্না ফাওজৈ। জাম্বুঘোরা অমসুং অপুনবা লমদম অসিদা ১৮৫৭কী ইহৌদা অনৌবা থৌনা হাপ্নবা চত্থখিবা নাইকরা অন্দোলন্না অনৌবা কন্সিয়সনেস পোকহনখি। পরমেশ্বর জোরিয়ানা ইহৌ অসি পাকথোক চাউথোকহনখি অমসুং রুপ সিংহ নায়কনা মসিদা য়াওশিনখি। অমসুং মীওই কয়ানা খঙলমলোই মদুদি ১৮৫৭কী ঐখোয়না খন্নরিবা অন্দোলন অসিদা তাত্যা তোপেনা মরু ওইবা থৌদাং লৌখি। তাত্যা তোপেগী খোঙলোয় ওইনা লান শোক্নখিবশিং অদু লমদম অসিগী বীরবঙ্কাগী মনুং চল্লি।

অকক্নবা রিসোর্সশিং লৈরবসু শীংথানীংঙাই ওইবা থৌনা, ইমা লৈবাক নুংশিবনা ব্রিতিশ লৈঙাকপু থেংনখি। অমসুং কত্থোকপদা তুংহনখিদে। অমসুং অথৌবশিং থৌরি য়ান্দুনা হাৎখিবা উগী মখোঙদা ঐহাক্না চৎতুনা মখোয়দা ইকাই খুম্বা উৎপগী খুদোংচাবা ফংজবা অসি লাইবক ফবনি। ২০১২দা ঐহাক্না মফম অদুদা লাইরিক অমা ফোঙখি।

মরুপশিং,

ঐখোয়না মতম কয়াগী মমাংদা গুজরাত্তা মরু ওইবা থবক অমা হৌখি। অথৌবশিংগী মমাং লৌদুনা স্কুলশিং মমিং থোনবগী চৎনবী হৌদোকখি। স্কুল অদুদা তম্লিবা অঙাংশিংনা, তুংগী মীরোলশিংনা মখোয়গী থৌনা ফরবা মপা-মপুশিংগী মরমদা খঙবা ঙম্লগনি। অমসুং ৱাখল্লোন অসিনা মরম ওইদুনা ঐখোয়না সন্ত জোরিয়া পরমেশ্বর অমসুং রুপ সিংহ নায়ক মখোয়গী মমিং লৌদুনা বেদল অমসুং দন্দিয়াপুরাগী স্কুলশিংগী মমিং থোন্দুনা মখোয়গী মমিং অমর ওইহনখি। ঙসি স্কুলশিং অসিনা অনৌবা শক্লোনগা লোয়ননা লেপ্লরি, মতমগা চুনবা মওংদা শেমগৎলি। অমসুং ঙসি ঐআক্না স্কুলশিং অসিদা ত্রাইবেলগী অথৌবা অনিগী অচৌবা মীফম অমা মাইখুম হাংদোকপগী খুদোংচাবা ফংজরি। স্কুল অসিনা নীংতম ইহৌদা ত্রাইবেল খুন্নাইনা লৌখিবা থৌদাংগী মরমদস লায়না এজুকেসন পীনবা শরুক ওইরগনি।

ইচিল-ইনাওশিং,

চহি ২০-২২গী মমাংদা ময়াম্না ঐঙোন্দা গুজরাতকী শেবা তৌনবা খুদোংচাবা পীখিবা মতমদা নখোয়গী ত্রাইবেলশিংনা তাবা মফমশিংগী ফীভম করম তৌরমখি নীংশিংবীয়ু। ঙসি ২০-২২গী নহাশিংনা মদুগী মরমদা খঙলরোই, নখোয়না করম্না হিংলমখি খঙলরোই। অমসুং দিকেদ কয়া শক্তি পাইরমখিবশিংনা ত্রাইবেলনা তাবা অমসুং ত্রাইবেলনা তাদবা মফমশিংগী মরক্তা চাউখৎ-থৌরাংগী ওইবা অচৌবা খেন্না অমা লৈহনখি। খেন্নবনা থলহনখি। ত্রাইবেলগী মফমশিংদা তঙাই ফদবা খুদোংচাবশিং ফংখিদে অমসুং ত্রাইবেলগী মফমশিংগী অঙাংশিংনা করিগুম্বা স্কুল চৎনীংবা তারবদি মদু অৱাবা অমা ওইবা মওংদা লৈরমখি। ঐখোয়গী থেক্করবাবাগী আশ্রমদা স্কুল খরগী গারী চেল্লমখি। চানবা অমসুং থক্নবগী সমস্যা মায়োক্নখি, মচি ওইবা চীঞ্জাক চাবা ফংদবগী সমস্যা লৈখি, চহি ১৩-১৪গী নুপীমচাশিংগী ফিজিকেল দিবেলপমেন্ত লৈখিদে।  ফীভম অসি কোকহন্নবা মীপুম খুদিংমক্কী খোঙথাংশিংগা লোয়ননা ঐখোয়না থবক অসি পাইখৎখি। অমসুং অহোংবা পুরক্নবগীদমক ঐহাক্কী ত্রাইবেল ইচিল-ইনাওশিংনা ঐহাক্কা লোয়ননা খুৎশম্নদুনা চৎখি। অমসুং য়েংবীয়ু ঙসিদি ত্রাইবেল ইচিল ইনাও কয়া, মীওই লাখ কয়ানা অহোংবা কয়াগী খুদোংচাবশিং লৌরি। অদুবু ৱাফম অমদি কাওরোইদবনি মদুদি পুম্নমক অসি নোংমদা ফংবা ঙমখিবা নত্তে মসিগীদমক কন্না হোৎনবা তাখি। থৌরাংশিং য়াৎপা তাখি। ত্রাইবেলগী ইমুংশিংনা পুং কয়া থবক শুখি, ঐহাকপু শৌগৎপীখি অমসুং মফম অসিদা অহোংবা অসি পুরকখি। অমসুং খোঙজেল য়াংনা অহোংবা পুরক্নবগী মতাংদা খন্নরবদু ঐখোয়গী ত্রাইবেলশিংবু প্রাইমারী অমসুং সেকেন্দরী স্কুলশিংদা তমহনখি, অনৌবা স্কুল লিশিং তরারোম শাখি। একলব্যা মোদেল স্কুলশিং, নুপীমচাশিংগী স্পেসিএল রেসিদেন্সিএল স্কুমশিং, মোদর্নাইজ আশ্রম স্কুলশিং অমসুং লেম্না বসকী খুদোংচাবা পীবা অসিনা নুপীমচাশিংনা স্কুল কাদুনা মহৈ তম্বা ফংখি, স্কুলদা মচি ওইবা চিঞ্জাক পীজখি।

ইচিল-ইনাওশিং,

অদোম্না নিংশিংবীরমগনি জুন থাদা অশাবা নুমিত্তা ঐগী ইচানুপি কেলাভানিনা খুঙ্গং অমদগী খুঙ্গং অমদা সন গারি তোংদুনা চৎলম্মি। মহাক খুঙ্গং অমদগী খুঙ্গং অমদা চৎলম্মি, অমসুং নুপিমচাশিংবু লাইরিক তম্বিনবা দান তৌরম্মি। ঐখোয়গী ত্রাইবেল ইচিল-ইনাওশিংগী মফমদা মহৈ-মশিং তম্বগী শীংনবা কয়া অমা লৈরম্মি। উমরগাওনদগী অম্বাজি ফাওবগী ঐখোয়গী ত্রাইবেল বেল্ত অসি চাউই, মফম অসিদা ঐখোয়গি ত্রাইবেল নহাশিং অমসুং নুপিমচাশিংদসু দোক্তর ওইনীংবগী অপাম্বা লৈ, করিগুম্বা ইঞ্জিনিয়র ওইবগী অপাম্বা লৈ, অদুবু সাইন্স স্কুল লৈত্রবদি করম তৌগনি। ঐখোয়না সমস্যা অদুসু কোকহনখি অমসুং ক্লাস XII ফাওবা সাইন্স স্কুলশিং হৌদোকখি। অমসুং ঙসি য়েংউ, চহি তরারী খুজিং অনি অসিদা সাইন্স কোলেজ ১১, কম্মরস কোলেজ ১১, আর্তস কোলেজ ২৩ অমসুং হোস্তেল লিশিং কয়া হাংদোক্লে। মফম অসিদা ঐহাক্কী ত্রাইবেল নহাশিং অমসুং নহাশিংগী পুন্সিনা মাংজিল থাখি, মখোয়গীদমক থবক তৌখি, চহি ২০-২৫গী মমাংদা গুজরাতকী ত্রাইবেল মফমশিংদা স্কুলগী অৱাত্পা য়াম্না লৈখি। অদুগা ঙসিদি ত্রাইবেল য়ুনিভর্সিতি অনি লৈরে। গোধারাগী গোবিন্দ গুরু য়ুনিভর্সিতি অমসুং নর্মদাদা লৈবা বিরসা মুন্দা য়ুনিভর্সিতি অসি অৱাংবা থাক্কি মহৈ তম্বগী অফবা ইন্সতিত্যুসনশিংনি। মফম অসিদা খ্বাইদগী ফবা অৱাংবা থাক্কি মহৈ-মশিং তম্বগী থৌরাং তৌরি, অমসুং মসি পুম্নমক্কী খ্বাইদগী চাউবা কান্নবা অসি ঐগী ত্রাইবেল খুন্নাইগী লাক্কদৌরিবা মীরোলনা ফংগনি। অনৌবা কেম্পস অসি শাবনা মরম ওইদুনা গোবিন্দ গুরু য়ুনিভর্সিতিদা তম্নবগী খুদোংচাবশিং মখা তানা হেনগৎলক্কনি, মওং অমদা মসিগী কেম্পসশিংগীমনুংদা অমা ওইরিবা স্কিল য়ুনিভর্সিতি ওফ অহমদাবাদ য়াওনা ত্রাইবেল এরিয়াগী নহারোলশিংসু মসিগী কান্নবা ফংলগনি। মসি লৈবাক অসিগী অহানবা য়ুনিভর্সিতিনি, মফম অদুদা দ্রোন পাইলোত লাইসেন্স পীবগী তম্বিবা হৌরে। ঐখোয়গী ত্রাইবেল নহাশিং অমসুং নুপিমচাশিংনা দ্রোনশিং ওপরেৎ তৌবা ঙম্নবা, অমসুং মোর্দন ৱর্ল্দতা চংলকপা ঙম্নবা ‘বনবন্ধু কল্যান য়োজনা’না হৌখিবা চহি তরাগী খুজিং কয়াদা ত্রাইবেল জিলাশিংগী মফম খুদিংমক্তা চাউখত্পা পুরক্লে, অমসুং ‘বনবন্ধু কল্যান য়োজনা’গী স্পেসিএলিতি অসি করি দরকার ওইবগে, কয়া য়াম্না দরকার ওইবগে অমসুং কদাইদা দরকার ওইবগে হায়বদুনি।

হৌখিবা চহি ১৪-১৫ অসিদা মখোয়গী ত্রাইবেল এরিয়াদা স্কিম অসিগী মখাদা লুপা কোতি লাখ অমা হেন্না চাদিং তৌখ্রে। লৈবাক অসিগী অসিগুম্বা রাজ্য কয়া লৈরি, মদুদা অসুক য়াম্বা বজেৎ লৈতে, ত্রাইবেল পাকথোক চাউথোকপদা মসিগী বজেৎ অসি চাদিং তৌরি। মসি ঐখোয়গী নুংশিবা, ইহুল, ত্রাইবেল খুন্নাইগীদমক কত্থোকপা, মসিগী মমিনি। গুজরাত সরকারনা লাক্কদৌরিবা চহি অসিদা অনৌবা লুপা কোতি লাখ অমা পাকথোক চাউথোকপগী থবক অসিদা চাদিং তৌগনি। ঙসিদি পাইপকী ঈশিং অসি ত্রাইবেল এরিয়াশিংদা লৈবা য়ুমদা য়ৌরক্লি, ত্রাইবেল বেল্ত পুম্বদা মাইক্রো-ইরিগেসন ফংলি। মরমদি ঐহাক্না খঙই মদুদি ঐহাক্না অনৌবা মুখয় মন্ত্রি ওইরকখি, মদুগী মতুংদা মতম অদুদা সি.কে.না এম.এল.এ. ওইখি করিগুম্বা মহাক লাক্লবদি ঐখোয়না মফম অসিদা হেন্দ পম্প অমা থমগদবনি হায়না ৱাকৎলক্কনি। অদুগা হেন্দ পম্পগী অয়াবা পীরকপা মতমদা, থোন থিনখি, খুঙ্গংদা অসিগুম্বা নুমিৎশিং লৈরম্মি। মসিগী মোদি সাহিব অমসুং মসিগী ভুপেন্দ্র ভাই অসিনা পাইপতগী ঈশিং পুরকপা হৌখি। ঐখোয়গী ত্রাইবেল ইচিল-ইনাওশিংবু শক্তি পীবা, মনুং মপান ফাওনা উবা হেনগত্হনবা, মখোয়গীদমক সাখি মন্দলশিং শেমগত্পা অমসুং মসিগী সাখি মন্দলশিং অসিনা বেঙ্কশিংদগী শেল হেন্না ফংহল্লি, মখোয়গী পোত্থোকশিং য়োনবা য়াবগী মপুং ফাবা থৌরাংসু তৌখি। অদুগা গুজরাত্তা ইন্দস্ত্রিয়েলাইজেসন অসি খোঙজেল য়াংনা চত্থরিবা মওং অসিনা ঐহাক্কী ত্রাইবেলগী নহা ওইরিবা ইচিল-ইনাওশিংনসু মসিগী কান্নবা ফংলগনি। ঐগী পঞ্চমহলগী ত্রাইবেল নহাশিং অমসুং নুপিমচাশিংনা তঙ্খাইদগী হেন্না থবক তৌদবা ফেক্তরি অমত্তা লৈররোই। নত্ত্রবদি ঐখোয়গী দাহোদ, ঐখোয়গী ত্রাইবেল ইচিল-ইনাও কদায়দা থবক তৌগদগে, মখোয়না হায়রম্মি মদুদি মখোয়না কুচ্ছ-কাথিয়াৱাদকী মনুংদা লম্বিগী থবক তৌই। অদুগা ঙসিদি মখোয়না ফেক্তরিশিংদা থবক তৌদুনা গুজরাতকী চাউখৎ খোঙচৎতা পার্তনর ওইরক্লি। ঐখোয়না মোর্দন ত্রেনিং সেন্তরশিং, ভোকেস্নেল সেন্তরশিং, আই.তি.আই.শিং, কিসান বিকাস কেন্দ্রশিং হাংদোক্লি, মসিগী খুত্থাংদা ত্রাইবেল নহা লাখ ১৮দা ত্রেনিং অমসুং প্লেসমেন্ত পীরি। ঐগিী ত্রাইবেল ইচিল-ইনাওশিং, চহি ২০-২৫গী মমাংদা হান্নগী সরকারশিংনা ৱাফম পুম্নমক অসিগী মতাংদা ৱাখল ৱাবা লৈখিদে। অদুগা নখোয়না খঙই মদুদি উমরগাওনদগী অম্বাজি ফাওবা অমসুং মদুদা য়াম্না হেন্না সিক্কল সেল লায়না অসি মীরোল অমদগী মীরোল্ৱ অমদা শান্দোক্লি, দাংগী অকোয়বদা লৈবা বেল্ততা, মখোয়না য়ুমদা সিক্কল সেলগী লায়না অসি মীরোল মঙা কোহন্নবা ঙমখি। ঐখোয়না মাংজিল থানা চংশিল্লি। লৈবাক পুম্বদগী সিক্কল সেল অসি করম্না মুত্থত্কনি, রিসর্চ তৌগনি, সাইন্তিসশিংগা উনগনি, শেল থাদগনি, ময়ামগী থৌজালগা লোয়ননা লম্বি অমা শোইদনা লাক্কনি হায়না ঐনা খল্লি। ঐখোয়গী ত্রাইবেল এক্সপান্সশিংদা অপিকপা দিস্পেন্সরিশিং, হৌজিক ৱেলনেস সেন্তরশিং, ঐখোয়গী মেদিকেল কোলেজশিং হাংলে, হৌজিক ঐখোয়গী নুপিমচাশিংনা নর্সিং তম্বা চৎলি। মরক্তা ঐহাক্না দাহোদতা ত্রাইবেল নুপিমচাশিংগা উনখি, ঐনা হায়খি মদুদি ইচে-ইচলশিং মপান্দা লাইরিক তম্বা চৎখিব্রা হায়না মদুদা মখোয়না থবক ফংলে হায়না খুমখি। হৌজিক্তি মহাকসু নর্সিশিংগী থবক্কীদমক মপান্দা চৎলি।

ঐগী ত্রাইবেলগী নহাশিং অমসুং নুপিমচাশিংনা মালেমদা মফম অমা কনবা ঙম্লি। মরুপশিং, মসি নরেন্দ্র ভুপেন্দ্রগী দবল ইঞ্জিন সরকারনি, ঐহাক্কী ত্রাইবেল এরিয়াদা হেল্থ-ৱেলনেস সেন্তর ১৪০০ হেন্না লিংখৎখিদ্রি। ও মমাংদা, অপিকপা অনাবশিংগীদমক্তসু কনাগুম্বা অমনা সহরশিংদা চত্পা তাখি। লম্বিদা নুমিৎ অদু লেকপা তাখি, অমসুং করিগুম্বা হিদাক অদু ফংলবদি য়ুমদা অমুক হন্না লাকপা তাখি। ঐখোয়না ফীভম অসিদা অহোংবা পুরকখি মরুপশিং। হৌজিক পঞ্চমহল-গোধরাগী মশাগী ওইবা মেদিকেল কোলেজ লৈরে, মফম অসিদা ঐখোয়গী নুপামচাশিং দোক্তর ওইরগনি, মরুপ, অনিশুবদা ইমা লোন্দা তম্বিরি। হৌজিক লায়রবা মমা-মপাগী মচাসু মশাগী লোন্দা তমদুনা দোক্তর, ইঞ্জিনিয়র ওইবা ঙম্লগনি, ইংলিস খঙলমদ্রবসু মহাক্কী তুংদা অকাইবা পীরোই। গোধরা মেদিকেল কোলেজকী অনৌবা বিল্দিংগী থবকসু খোঙজেল য়াংনা চত্থরি। মসিগা লোয়ননা দাহোদ, সাবরকান্থাগী পত্তা, বনাসকান্থা পত্তা, ভলসাদ পত্তা অসি উমরগাওদগী অম্বাজি ফাওবগী মেদিকেল কোলেজগি মপুং ফাবা পত্তা ওইরগনি।

ইচিল-ইনাওশিং,

ঐখোয় পুম্নমক্কী হোৎনজমন্না ঙসি ঐখোয়না ত্রাইবেল জিলাশিংদা ঐখোয়গী ইশাগী য়ুমশিং লৈহন্নবা, উমংগী নিয়মশিং ঙাক্না চত্তুনা লম্বি অসি করম্না শাগনি, ঐখোয়গী ত্রাইবেলগী অরোইবা ঙমখৈ ফাওবা পুং ২৪ মৈ করম্না ফংহনগনি হায়বগী সমস্যা কোকহন্নবা থবক পাইখৎলে অমসুং মসিগী মহৈশিং ঙসি ঐখোয় পুম্নমক্না উবা ফংলি।

ইচিল-ইনাওশিং,

চহি কয়াগী মমাংদা অদোম্না খঙবিরমগনি, পুং ২৪ মৈ থানবা হৌরকপা মতমদুদা ঐহাক্না অহমদাবাদ, সুরৎ, রাজকোৎ, বদোদরানা মফম অদুদা পুম্নমক অসি তৌনবা ভোৎ পীরম্লবদি করি ওইরমগনি, অদুবু ইচিল – ইনাওশিং, ঐহাক্না ত্রাইবেল ইচিল-ইনাওশিংগীদমক খনখি। অদুগা পুং ২৪ মৈ ফংহনবগী অহানবা থবক গুজরাতকী দাং জিলাদা পাঙথোকখি। ঐহাক্কী ত্রাইবেল ইচিল-ইনাওশিংগী থৌজালদগী ঐখোয়না থবক অসি মখা চত্থখি অমসুং গুজরাত পুম্বদা মপুং ফাহনখি। অমসুং মরম অসিনা ত্রাইবেল মফমশিংদা ইন্দস্ত্রিশিং লাকপা হৌরকখি, অঙাংশিংনা মোদর্ন এজুকেসন ফংখি অমসুং মমাংদা গোল্দন কোরিদোরগী মতাংদা খন্নরম্বা অদু ত্বিন সিতিশিংগা লোয়ননা শেমগৎলি। হৌজিক পঞ্চমহলনা দাহোদবু লাপ্না লৈহনখিদে। বদোদারা, হালোল-কলোল অমত্তা ওইরকখি। সহর অসি পঞ্চমহলঈ থোংদা য়ৌরক্লে হায়না লৌনৈ।

মরুপশিং,

ঐখোয়গী লৈবাক্তা য়াম্না চাউবা ত্রাইবেল সোসাইতি অমা চহি লিশিং কয়াদগী লৈরক্লবনি, ত্রাইবেল সোসাইতি অসিদা ভুপেন্দ্র ভাইগী সরকার লাকখি, মদুগী মতুংদা নরেন্দ্র ভাইগী সরকার শেমখি, ভগবান রাম লৈরমখি, মদুগী মতুংদা ত্রাইবেল লৈরবসু লৈরমদ্রবসু, সাবরি মাতা নীংশিংবীয়ু। মসিগী ত্রাইবেল সোসাইতি অসি মমাংঙৈদগী মফম অসিদা লৈরক্লি। অদুবু অদোম্না অঙকপা ফাওগনি মদুদি নীংতম্বগী চহি কয়াগী মতুংদসু দিল্লীদা বি.জে.পি.গী সরকার শেমদ্রিঙৈগী মতমদা অতলজিনা প্রধান মন্ত্রী ওইদ্রিঙৈদা, মতম অদু ফাওবদা মন্ত্রালয় অমত্তা লৈরমদে, মন্ত্রি অমত্তা লৈরমদে, ত্রাইবেলশিংগী বজেৎ লৈরমদে। বি.জে.পি.না ত্রাইবেলশিং নুংশিবা অদুনা মরম ওইদুনা লৈবাক অসিদা তোঙানবা ত্রাইবেল মন্ত্রালয় অমা শেমখি, মন্ত্রি অমা থমখি। অদুগা ত্রাইবেলশিংগী য়াইফনবা শেল থাদবা হৌরকখি। বি.জে.পি.গী সরকারনা ‘বন্ধন’গুম্বা স্কিমশিং শেমখি। উমংদা পুথোকপা পোৎ খুদিংমক ঐখোয়গী ত্রাইবেলশিংগী প্রোপর্তিনি, মদুগীদমক ঐখোয়না থবক তৌখি। খন্থবিয়ু, ব্রিতিসকী মতমদা ব্লেক লো অমা লৈরম্মি, মদুনা ত্রাইবেলশিংবু নমথখি। অসিগুম্বা ব্লেক লো অমা লৈরম্মি মদুদি অদোম্না ৱা য়ানবা য়াখিদে। ৱা অসি উপালনি, করিগুম্বা উপাল অমা ককথৎলবদি মদু জেলদা থমগনি, অদুবু ঐনা আইন অসি শেমদোকখি। ঐনা হায়খি ৱা অসি উপাল নত্তে, মদু নাপী মখল অমনি। অদুগা ঐহাক্কী ত্রাইবেল মরুপনা ৱা থাবা য়াই, ককথত্পা অমসুং য়োনবা য়াই। অমসুং ঐহাক্কী ত্রাইবেল মরুপশিং মসিদগী পোৎলমশিং শেম্মি মসিদগী মখোয়না শেল তাল্লি। ঐখোয়না ত্রাইবেলশিংদগী উমংগী পোত্থোক ৮০ হেন্না এম.এস.পি.দা লৈদুনা ত্রাইবেলশিংনা চাউথোকচবা হেনগত্হল্লি, মখোয়দা মরুওইবা পীদুনা, মখোয়গী পুন্সিবু লাইথোকহন্নবা, মখোয়না ইকাই খুম্ননা হিংনবা প্রোজেক্ত কয়া অমা লৌখৎখ্রে।

ইচিল-ইনাওশিং,

অহানবা ওইনা ত্রাইবেল সোসাইতিনা মখোয়বু মখোয়গী চাউখৎ-থৌরাংশিংগীদমক পোলিসি শেম্বদা পার্তনর অমা ওইহল্লি। অদুগা মদুগী মরমদগী ত্রাইবেল সমাজনা ঙসি মরোমদোম লেপ্তুনা গুজরাত পুম্বা মপুং ফানা চলাইনবা থবক পাইখৎলি। ঐখোয়গী সরকারনা ৱারেপ লৌরে মদুদি চহি খুদিংগী ঐখোয়গী ইশ্বর, ঐখোয়গী ত্রাইবেলশিংগী অথোইবা মীওই ভগৱান বিরসা মুন্দাগী মপোক নুমিৎ নবেম্বর ১৫ অসি জনজাতিয়া গৌরব দিৱস হায়না পাঙথোক্কনি। অদুগা লৈবাক পুম্বনা খঙজিনবিয়ু মদুদি ঐখোয়গী ত্রাইবেল সোসাইতি অসি মশাবু ইকাই খুম্নজবা, কয়াদা থৌনা ফবা, কত্থোকপা হৈবা, মহৌশাবু ঙাকপিবা ঙম্বা অমনি। ভারতকী মীয়ামদা খঙহন্নবা ঐখোয়না ৱারেপ লৌরে। দবল ইঞ্জিন সরকারনা লেপ্তনা হোৎনরি মদুদি ঐহাক্কী লায়রবা, দলিত, শোত্থরবা, ত্রাইবেল ইচিল-ইনাওশিং, মখোয়গী ইনকমসু হেনগত্হনগদবনি, অমসুং ঐখোয়না নহারোলশিংদা লাইরিক তম্বিনবা, শেন্থোক লৈহন্নবা, লৌমিশিংদা ঈশিং পীনবা অমসুং হিদাক-লাংথক পীনবা হোৎনরি। অহল ওইরবশিংদসু অৱাত্পা লৈরোইদবনি। মরম অসিনা ঐখোয়না এজুকেসন, শেন্থোক, ইরিগেসন, হিদাক-লাংথক্তা পুক্নিং চংলি। চহি ১০০গী মনুংদা খ্বাইদগী চাউবা ক্রাইসিস অসি কোরোনাদগী লাকখিবনি, কয়াদা চাউরবা লাইচৎ অমা লাকখিবনো অমসুং মতম অদুদা অরানবা থাজবদা থাজবা থমখিবা অদু হিংবা ঙমখিদে। ঐখোয়না ঐগী ত্রাইবেল মরুপশিংগী মতেং পাংখি, মখোয়দা লেম্ন তিকা থাখি অমসুং য়ুম-য়ুমদা চৎতুনা তিকা থাখি। ঐখোয়না ঐগী ত্রাইবেল ইচিল-ইনাওশিংগী পুন্সি কনবিখি, অমসুং ঐহাক্কী ত্রাইবেলগী য়ুমদা চাকশঙগী মৈ মুৎহনখিদে, মদুনা অঙাং অদু নুমিদাংদা চাক লাম্লগা তুমখিদনবা মীওই কোতি ৮০দা লেম্না রাসন য়েনখি। চহি অনি মখায়গী মতম অসিদা ঐখোয়গী লায়রবা ইমুংনা খ্বাইদগী ফবা লায়েং ফংবা ঙমখি। অদুবু নখোয়না অনা-অয়েক য়াওদবা ঐহাক্না পাম্মি অদুবু করিগুম্বা নখোয়না নাবা তারবদি ঐখোয় লায়েংগনি। মীরোল্লিঙৈ মতমদা ঐগী ইচে-ইচলশিংনা বেঙ্কতগি হকথেংননা শেল ফংখি, মদুনা ঐগী ইচে-ইচলশিংনা মীরোল্লিঙৈ মতমদা অফবা চীঞ্জাক চাবা ফংহনখি, মদুনা মহাক্কী পুক্নুংদা লৈরিবা অঙাংগী হকচাং চাউখত্পা ঙমহল্লি, অমসুং দিসএবিলিতি লৈবা অঙাং অমা পোকপা ঙমহনখিদে।

ফর্তিলাইজর, ইলেক্ত্রিসিতি অমসুং মখোয়গী বিলশিংদসু এক্সেম্পসনগীদমক অপিকপা লৌমীশিংগী মতাংদা ঐখোয়না ৱাখল ৱাবা থেংনখি। ‘কিসান সম্মান নিধি’না চহি খুদিঙ্গি অহুমলক লুপা লিশিং অনি ঐখোয়না ঐহাক্কী ত্রাইবেলশিংগী একাউন্ততা থাখি। অদুগা মদুগী মরমদগী, লম অসি লৈকুৎ-লৈতোং লৈবনা মরম ওইদুনা লায়রবা মীওই অদুনা চুজাক নত্রগা বজরা থাই, মদুনা মরম ওইরগা মহাক্না ঙসি অফবা লৌউ-শিংউ তৌবা ঙম্লি। মালেম পুম্বদা ফর্তিলাইজর মমল য়াম্না তাংলে, ফর্তিলাইজরগী বেগ অমা মালেমদা লুপা লিশিং অনিদা য়োল্লি। ঐখোয়না লিশিং অনিদা লৈরগা ২৬০দা য়োল্লি। মসিগী মরমদি, ঐহাক্কী ত্রাইবেল, লায়রবা লৌমিশিংদা লৌবুক্তা অৱাবা নংহল্লোইদবনি। ঙসি ঐখোয়না ঐহাক্কী লায়রবশিংগীদমক পুক্কা য়ুম অমা শানবা, তোইলেৎ অমা শানবা, গ্যাস কনেক্সন অমা ফংহন্নবা, ঈশিংগী কনেক্সন অমা ফংহন্নবা, অসিগুম্বা খুদোংচাবশিং অসিগা লোয়ননা খুন্নাই অসিদা নুংঙাইবা পুরক্নবা থবক পাইখৎলি। মদুনা সমাজ অসি মাংলোমদা চংশিল্লি। ঐখোয়গী চম্পানর চাওখত্পা ওইরসনু, পবগধনা চাউখত্পা ওইরসনু, সোমনাথ চাউখত্পা ওইরসনু, হাল্দিঘতি মফম অদুদা চাওখত্পা ওইরসনু। ঐখোয়গী ত্রাইবেল সোসাইতিদা থাজবা থম্বগী খুদম কয়া অমা লৈরি, ঐখোয়না অথৌবশিং অসিবু মসিগী চাউখৎ-থৌরাং অসিদা মরুওইবা মীৎয়েং চংনবা থবক পায়খৎলি। চহি ৫০০ রোম কনাগুম্বা অমত্তনা ঐহাক্কী কলি মাতাগী মরমদা খনখিদে, অদুবু ঐখোয়বু থৌজাল পীবিখি। ঙসি মহাকালি মাগী ফিরালনা ৱাংনা পাইরি। করিগুম্বা নহাক্না সামলাজিদা চৎলবদি ঐহাক্কী কালিয়া ভগবান, ঐহাক্কী ত্রাইবেলশিংগী দেবতা কালিয়াদা হংনবা কনাসু লৈরমদে। ঙসিদি মসি মপুং ফানা অমুক হন্না শেমগৎলে। নখোয়না উন্নাই মাতদা চৎপীয়ু মফম অদু নীংথিনা শেমগৎলবনি, ইমা অম্বাগী লৈফমদা চৎলু। মসি পুম্নমক অসি ঐহাক্কী ত্রাইবেলগী এক্সতেন্সননি, মসিদা ঐহাক্কী ইমা কালি লৈ। ঐহাক্না উখি মদুদি ঐহাক্কী চাউখৎ-থৌরাংনা মরম ওইদুনা মীওই লাখ অমা হেন্না চৎলি, অতোপ্পা মায়কৈ অমরোমদা সপুতারাগী চাউখত্পা, মায়কৈ অমরোমদা সতেচু ওফ য়ুনিতিগি চাউখত্পা, মসিগি অপুনবা পাকথোক্ চাউথোকপা অসিনা ত্রাইবেলশিংদা অচৌবা পাঙ্গল অমা পীরক্কদৌরিবনি। মালেম পুম্বনা মহাক্কী মখা পোনগদবা অদুগুম্বা ফীভম অমা ঐহাক্না শেমগত্চরি।

ইচিল-ইনাওশিং,

থবক ফংহন্দুনা শক্তি পীনবা ঐহাক্না থবক পায়খৎলি। পঞ্চমহল অসি করিগুম্বা মওং অমদা তুরিজমগী লমনি। চম্পানের, পভাগধ অসি অরিবা আর্কিতেকচরগীদমক মমিং চৎলি। অমসুং মসি সরকারগী হোৎনজমলনা ঙসিদি মীয়াম্না জাম্বুঘোরা অসিদা মালেমগী হেরিতেজ অমসুং ঐখোয়গী লমলক্কি শা-উচেকশিং য়েংবা লাক্লি, ঐখোয়গী হাথিনি মাতা ৱাতরফোল অসি তুরিজমগী পুক্নিং চিংশীন্নিংঙাই ওই, ধনপুরিদা ঐখোয়গী ইকো-তুরিজম অমসুং মনাক নকপদা লৈরিবা ঐখোয়গী কদা দাম লৈরি। ঐহাক্কী ধনেসবরি মাতা, জন্দ হনুমানজী পুম্নমক অসি নখোয়গী নরক্তা লৈরকপনা করম্না শেমগৎকনি হায়বা ঐহাক্না খঙই।

ইচিল-ইনাওশিং,

তুরিজম চাউখৎহনগদবনি, থবক্কী খুদোংচানা হেনগৎহনগদবনি, ঐখোয়গী ত্রাইবেলগী চাউথোকচবা মফমশিং শেমগৎকদবনি, মেক্সিমম ইনকম সোর্সশীং হেনগৎহনগদবনি, ঐখোয়না মসিগী মরমদা খনগদবনি। অমসুং দবল ইঞ্জিন সরকার অসিনা, নরেন্দ্র-ভুপেন্দ্র সরকারনা অফবা তুংলমচৎ অমগীদমক খুৎশম্নদুনা হোৎনরি। মসিগী মরমদি ঐখোয়গী পুকচেল শেংই, ঐখোয়গী থৌশিল থৌরাং ময়েক শেংই। ঐখোয় থমোয় শেংনা হোৎনবা মীওইশিংনি মসিনা মরম ওইদুনা চাউখৎ থৌরাংগী চংশিল্লিবা খোঙজেল অসি লেহল্লোই ঐখোয়না ফুল সেক্যুরিতী কবরগা লোয়ননা মাংদা চংশিনবা তাই। অমসুং ঙসি য়াম্লবা ইমা অমদি ইচে-ইচলশিংনা ঐখোয়বু থৌজাল পীনবা লেংবীরক্লিবা অসিনা ঐখোয়না চুঙ্গোইগীদমক ৱানীংঙাই লৈতে। ইমা অমসুং ইচে-ইচলশিংগী থৌজাল ফংলবদি চুঙ্গোইগী মথৌ তাদে। পুন্না উমারগাও অমসুং অম্বাজিদা লৈরিবা ত্রাইবেলশিংনা, বলসাদকী ঙামীশিংগী মফমশিংদগী মুন্দ্রা নত্ত্রগা ঐহাক্কী অর্বান এক্সপান্সনদগী ওইরবসু ঐখোয়না গুজরাত পুম্বা চাউখৎহনবা তাই, ভারত চাউখৎনবা গুজরাত চাউখৎহনবা তাই। অমসুং মখোয়দগী ইথিল লৌখিবা অথৌবশিংবু ইকাই খুম্নজরি, মাংদা চংশিন্নবা পুম্নমক্তা ঐহাক্না য়াইফ-মঙ্গোল পীজরি।

ভারত ইমানা য়াইফরে।

ভারত ইমানা য়াইফরে।

ভারত ইমানা য়াইফরে।

খঙহঞ্জবা: প্রধান মন্ত্রীগী ৱারোল অসি গুজরাতী লোলদা পীখি মসিগী ৱাহন্থোক হন্দোকচবনি।

****