ওনরেবল চিয়ারমেন,

য়োর এক্সিলেন্সীস,

ব্রিক্স বিজিনেস কাউন্সিল অমসুং ন্যু দিবলপমেন্ত বেঙ্ককী মীহুৎশিং,

মসিগী খন্ন-নৈনবা অসিদা ঐহাক শরুক য়াবদা নুংঙাইবা ফাওই। মসিগী মেকানিজম অনি অসি ব্রিক্স লৈবাকশিংগী মরক্তা প্রেক্তিকেল কোওপরেসনগীদমক কানরবা প্লেতফোর্মশিংনি। মখোয়না হোৎরিবশিং অসিগীদমক ঐহাক্না মখোয়বু থাগৎচরি। ব্রিক্স লৈবাকশিং অসি মালেমগী ইকোনোমিক গ্রোথকী আশাগী পরিং অমনি। ঐখোয়গী বিজিনেসশিংগী ইনোভেসন অমসুং হার্দ ৱার্ক অসি ঐখোয়গী ইনর্জীগী সোর্সনি। ঙসিগী ইরাদা বিজিনেস ওপোর্চুনিতী পুম্নমক রিকোগনাইজ তৌবা অমদি খুদক্তা মসিগী কানবা লৌবা অসি মরু ওই। মসিগা মরী লৈননা ঐহাক্না করিগুম্বা খরা সজেস্ত তৌবা পামই।

অহানবদা, মথংগী সম্মিত ফাওবদা বিলিয়ন দোলর ৫০০গী ইন্ত্রা-ব্রিক্স ত্রেদকী তার্গেৎ ফংনবগীদমক কাউন্সিলনা রোদমেপ অমা শেম্বা। অনিশুবদা, লৈবাক মঙা অসিদা এগ্রোতেক স্তার্ত-অপ কয়া অমা মচিল তুমখৎলক্লি। মখোয়গী নেতৱার্ক অসি ঐখোয়গী অচৌবা মার্কেতশিংগী এক্সপরিয়েন্স শেয়র তৌবা অমসুং কানবা লৌবদা কানগনি। অহুমশুবদা, য়ুনিভর্শেল হেল্থ কভরেজদা লাক্লিবা শিংনবশিং থেংননবগীদমক দিজিতেল হেল্থ এপ্লিকেসনশিং শিজিন্নবদা কাউন্সিলনা ভারত্তা হেক্কাথোন অমা শিনবদা মীৎ থম্বা। মরিশুবদা, স্মোল অমসুং মেদিয়ম ইন্দস্ত্রীশিংগীদমক ৱার্কিং গ্রুপ অমনা বেস্ত প্রেক্তিসশিং একচেঞ্জ তৌবদা লাইথোকহনগনি।

ব্রিক্স পে, ক্রিদিত রেতিং এজেন্সী, রিইন্সুরেন্স পুল অমদি সীদ বেঙ্কগুম্বা হিরমশিংদা আর্লি প্রোগ্রেসতগী ব্রিক্স বিজিনেস কমুনিতীবু প্রেক্তিকেল সপোর্তকী চাফনা কানবা ফংগনি। ন্যু দিবলপমেন্ত বেঙ্ক অমসুং ব্রিক্স বিজিনেস কাউন্সিলগী মরক্তা পার্তনরশিপ এগ্রীমেন্তনা ইন্সতিত্যুসন অনিমক্কী ওইনা কানবা ফংহল্লগনি। ঐখোয়গী ইকোনোমীশিংনা অচৌবা ইনফ্রাস্ত্রকচর ফাইনান্স মথৌ তাই। লম অসিদা ন্যু দিবলপমেন্ত বেঙ্কনা ভেল্যুএবল সপোর্ত ফংহনবা ঙমগনি হায়না ঐহাক্না থাজবা থম্লি। এন.দি.বি.না প্রোজেক্ত প্রিপরেসন ফন্দ হৌদোকখিববু ঐহাক্না তরাম্না ওক্লি।

মরূপশিং,

ঐহাক্না ব্রিক্স লৈবাকশিং অমসুং এন.দি.বি.বু দিজাস্তর রিসিলিয়েন্ত ইনফ্রাস্ত্রকচর ইনিসিএতিবকীদমক কোলিএসন জোইন তৌনবা হঙ্গৎচরি। দিজাস্তর রিসিলিয়েন্ত ইনফ্রাস্ত্রকচরগীদমক গাইদিং প্রিন্সিপলশিং শেম্বদা এন.দি.বি.গা লোয়ননা থবক তৌমিন্ননবদা ভারতনা অপেনবা পোক্কনি।

মরূপশিং,  

অদোম ভারত্তা ইভেস্তমেন্ত ওপোর্চুনিতী অমদি ইনোভেসনগী ইকো সিস্তেম হেনগৎলক্লিবা অদু খংবীরম্লগনি। ২০২২ ফাওবদা অনৌবা ভারত অমা শেমগৎপদা অমদি ভারতকী চাউখৎপগী লম্বীগী শরুক অমা ওইবীনবা ঐহাক্না ময়াম পুম্নমকপু বার্তন তৌজরি।

এক্সিলেন্সীশিং, মরূপশিং,

ৱাফম অসি হায়রগা ঐহাক লোইশিনজরগে মদুদি ব্রিক্স ইকোমোমিক কোওপরেসনবু মপাঙ্গল কনখৎহন্নবা ঐখোয়গী মংলান অসি কাউন্সিল অমসুং এন.দি.বি.গী তেংবাং খক্তনা মপুং ফাহনগনি। পান্দম অসিগীদমক অদোম্না হোৎনরিবশিংদা ভারতনা অদোমগীদমক লেপ্লি।

হন্না হন্না থাগৎচরি।

দিসক্লেমর: প্রধান মন্ত্রীগী ৱারোল অসি হিন্দীদা পীখিবনি। মসি ৱারোল অসিগী চাওরাকপা ৱাহন্থোক্নি।

*****