নমস্কার এক্সিলেন্সী!

অহানবমক্তদা, কোবিদ-১৯না মরম ওইদুনা স্বিদেনদা লৈখিদ্রবশিংগী মফমদা ঐহাক অমসুং ভারত পুম্বগী মফমদগী অৱাবা ফোংদোকচরি। ঐহাক্না ভারতকী নাগরিক পুম্নমক্কী মহুৎ শিন্দুনা নহান স্বিদেনদা থোকখিবা হিংশাগী থৌদোকশিং অদুগীদমক নুংঙাইতবা ফওংদোকচরি। এতেক অদুদা শোক্লবশিং অথুবা মতমদা ফগৎলক্নবা ঐখোয়না থৌনিজরি।

এক্সিলেন্সী,

স্বিদেন্না ২০১৮দা অহানবা ইন্দিয়া-নোর্দিক সম্মিত য়ুম্বু ওইখি। মতম অদুদা, স্তোকহোল্মদা লাকপগী খুদোংচাবা অমা ঐহাক্না ফংজখি। অথুবদা অনিশুবা ইন্দিয়া-নোর্দিক সম্মিত মনুংদা অমুক হন্না উনবগী খুদোংচাবা অমা ফংগনি হায়না ঐহাক্না আশা তৌই। ২০১৯দা হিজ মেজেস্তী কিং অমসুং হর মেজেস্তীগী ভারত খোংচৎ অদু ঐখোয়গীদমক লাইবক ফবা অমনি। মখোয়গা লোয়ননা ঐহাক্না হিরম কয়াদা য়াম্না অফবা খন্ন-নৈনবা অমা পাংথোকখি।

এক্সিলেন্সী,

কোবিদ-১৯ মনুংদা, ঐখোয়না রিজনেল অমসুং গ্লোবেল লেবেল অনিমক্তা কোলাবোরেসনগী মরুওইবা অদু খংমিন্নখি। কোবিদ-১৯ লাইচৎকী মায়োক্তা থেংনবদা ভারতনা লৈবাক ১৫০ হেনবদা হিদাক লাংথকশিং অমসুং মথৌ তাবা পোৎলমশিং ফংহন্দুনা মালেমগী মতেং পাংখি। ঐখোয়না ওনলাইন প্রোগ্রামশিংগী থোংদা এসিয়া, সাউথ-ইস্ত এসিয়া অমসুং আফ্রিকাদগী ফ্রন্তলাইন হেল্থৱার্করশিং অমসুং পোলিসী মেকরশিংগা লোয়ননা ঐখোয়গী এক্সপরিয়েন্সশিংসু শেয়র তৌখি। হৌজিক ফাওবদা ঐখোয়না লৈবাক ৫০রোমদা ‘মেদ ইন ইন্দিয়া’ ভেক্সিনশিংসু য়ৌহনখ্রে। অমদি মখা তারকপা নুমিৎশিংদসু অতোপ্পা লৈবাক কয়া অমদা ভেক্সিন সপ্লাই তৌনবা ঐখোয়না ৱাফমসু থম্লি।

এক্সিলেন্সী,

ঙসিগী ইনভাইরনমেন্ত অসিদা ৱাখল মান্নবা লৈবাক পুম্নমক্কী মরক্তা কোওর্দিনেসন, কোওপরেসন অমসুং কোলাবোরেসন অসি হেন্না মরুওইবা ওইরক্লি। দেমোক্রেসী, হ্যুমেন রাইতস, রুল ওফ লো, ইক্বেলিতী, ফ্রীদম, জস্তিসগুম্বা শেয়র্দ ভেল্যুশিংনা ঐখোয়গী রিলেসনশিং অমসুং ম্যুচেল কোওপরেসনশিং হেন্না চেৎশিলহল্লি।

পেরিস এগ্রীমেন্তদা থমখিবা ঐখোয়গী ৱাফম অদুগী মায়কৈদা ঐখোয়না লেপ্পা লৈতনা চংশিল্লি। ঐখোয়না মসিগী তার্গেৎ অসি এচিব তৌবা খক্তা নত্তনা মখোয়বু এক্সসীদ তৌরি। জি২০ লৈবাকশিংগী মরক্তা, ভারত খক্তনা মসিগী ৱাফমশিং অসিদা অফবা প্রোগ্রেস ফংবা ওইরম্বা য়াই। ঐখোয়গী রিন্যুএবল পাৱর জেনরেসন কেপাসিতী অসি হৌখিবা চহি মঙাদা চাদা ১৬২ হেনগৎলে। ২০৩০ ফাওবদা রিন্যুএবল ইনর্জী গিগা ৱাত ৪৫০ ইন্সতোল তৌনবা ঐখোয়না তার্গেৎ অমা তৌরি। এল.ই.দি. লাইতশিং শিজিন্নবা প্রমোত তৌদুনা ঐখোয়না কার্বোন দাইওক্সাইদ মিলিয়ন তন ৩০ থাদোকপা কনবা ঙম্লে। ইন্তরনেস্নেল সোলর এলাইন্সতা শরুক য়ানবা স্বিদেন্না লাওথোকখিবা অদু ঐখোয়না তরাম্না ওক্লি। অথুবা মতমদা কোলিএসন ফোর দিজাস্তর রেসিলিয়েন্ত ইনফ্রাস্ত্রকচর জোইন তৌনবসু ঐখোয়না অদোম্বু বার্তন তৌজরি।

এক্সিলেন্সী,

ইন্দিয়া-স্বিদেন পার্তনরশিপ অসিনা পোস্ত-কোবিদ স্তেবিলাইজেসন অমসুং রিকভরীদা মরুওইবা থৌদাং অমা লৌবা য়াই। ঐখোয়না ইনোভেসন, তেক্নোলোজী, ইনভেস্তমেন্ত, স্তার্তস-অপস অমসুং রিসর্সকী লমদা ম্যুচেল কোওপরেসন মখা তানা চেৎশিলহনবা য়াই। স্মার্ত সিতীজ, ৱাতর ত্রিতমেন্ত, ৱেস্ত মেনেজমেন্ত, সর্কুলর ইকোনোমী, স্মার্ত গ্রীদস, ই-মোবিলিতী, দিজিতেল ত্রান্সফোর্মেসন অসিনচিংবা অসিসু ম্যুচেল কোওপরেসন হেনগৎহন্নবা অফবা পোতেন্সিএল লৈরি। ঐহাক্না থাজবা থম্লি মদুদি ঙসিগী ঐখোয়গী ভর্চুএল সম্মিত অসিনা ঐখোয়গী কোলাবোরেসনদা অনৌবা দাইমেন্সনশিং হাপচিল্লগনি।

এক্সিলেন্সী,

ঐহাক্না অমুক হন্না স্বিদেনগী নাগরিকশিংগা লোয়ননা ভারতকী থোইদোক হেন্দোকপা মরূপ ওইবগী ওইবা ঐখওয়গী অপুনবা খোংচৎ অদু নৌহৌননা নিংশিংদুনা হৌজিক অদোমগী হৌদোক ৱারোল পীবিনবা বার্তন তৌজরি।

দিসক্লেমর: মসি প্রধান মন্ত্রীগী ৱারোলগী চাওরাকপা ৱাহন্থোকনি। অশেংবা ৱারোলদি হিন্দীদা পীখি।  

***