നിങ്ങൾക്കെല്ലാവർക്കും ദീപാവലിയും പുതുവർഷവും ആശംസിക്കുന്നു! ഇന്ന് പുതുവർഷത്തോടനുബന്ധിച്ച് നിങ്ങളെ എല്ലാവരെയും കണ്ടുമുട്ടാൻ സാങ്കേതിക വിദ്യയിലൂടെ സാധിച്ചു. പുതുവർഷം നിങ്ങൾക്ക് സന്തോഷവും സമാധാനവും സമൃദ്ധിയും നൽകട്ടെ, ഗുജറാത്തിലെ എന്റെ എല്ലാ പ്രിയ സഹോദരങ്ങൾക്കും വേണ്ടി ഞാൻ പ്രാർത്ഥിക്കുന്നു.

ആർസെലർ മിത്തൽ നിപ്പോൺ സ്റ്റീൽ ഇന്ത്യ ഹസിറ പ്ലാന്റിന്റെ വിപുലീകരണത്തിൽ നിങ്ങൾക്കെല്ലാവർക്കും അഭിനന്ദനങ്ങൾ.

ഈ സ്റ്റീൽ പ്ലാന്റ് നിക്ഷേപം കൊണ്ടുവരിക മാത്രമല്ല, പുതിയ സാധ്യതകളുടെ നിരവധി വാതിലുകളും ഭാവിയിലേക്ക് തുറക്കുകയാണ്. 60,000 കോടിയിലധികം രൂപയുടെ നിക്ഷേപം ഗുജറാത്തിലെയും രാജ്യത്തെയും യുവാക്കൾക്ക് നിരവധി തൊഴിലവസരങ്ങൾ സൃഷ്ടിക്കും. ഈ വിപുലീകരണത്തിന് ശേഷം ഹാസിറ സ്റ്റീൽ പ്ലാന്റിലെ ക്രൂഡ് സ്റ്റീൽ ഉൽപ്പാദന ശേഷി പ്രതിവർഷം 9 ദശലക്ഷം ടണ്ണിൽ നിന്ന് 15 ദശലക്ഷം ടണ്ണായി ഉയരും. ലക്ഷ്മി മിത്തൽ ജിയെയും ആദിത്യയെയും അദ്ദേഹത്തിന്റെ മുഴുവൻ ടീമിനെയും ഞാൻ അഭിനന്ദിക്കുന്നു.

അമൃത് കാല'ത്തിലേക്ക് കടന്ന നമ്മുടെ രാജ്യം ഇപ്പോൾ 2047ലെ വികസിത ഇന്ത്യ എന്ന ലക്ഷ്യത്തിലേക്ക് നീങ്ങാൻ ഉത്സുകരാണ്. രാജ്യത്തിന്റെ വികസന യാത്രയിൽ ഉരുക്ക് വ്യവസായത്തിന്റെ പങ്ക് വളരെ പ്രധാനമാണ്, കാരണം എപ്പോൾ രാജ്യത്തെ ഉരുക്ക് മേഖല ശക്തമാണ്, അടിസ്ഥാന സൗകര്യ മേഖല ശക്തമാകുന്നു. ഉരുക്ക് മേഖല വികസിക്കുമ്പോൾ, റോഡുകൾ, റെയിൽവേ, വിമാനത്താവളങ്ങൾ, തുറമുഖങ്ങൾ എന്നിവയുടെ വികസനവും വർദ്ധിക്കുന്നു. സ്റ്റീൽ മേഖല വളരുന്നതനുസരിച്ച്, നിർമ്മാണ, വാഹന മേഖലകളിൽ പുതിയ മാനങ്ങൾ കൂട്ടിച്ചേർക്കപ്പെടുന്നു. സ്റ്റീൽ മേഖലയുടെ ശേഷി വർദ്ധിക്കുമ്പോൾ, പ്രതിരോധം, മൂലധന വസ്തുക്കൾ, എഞ്ചിനീയറിംഗ് ഉൽപ്പന്നങ്ങൾ എന്നിവയുടെ വികസനത്തിനും ഉത്തേജനം ലഭിക്കുന്നു. ഇതുവരെ ഇരുമ്പയിര് കയറ്റുമതി ചെയ്യുന്നതിൽ ഞങ്ങൾ സംതൃപ്തരാണ്. സാമ്പത്തിക വികസനത്തിന് നമ്മുടെ ഭൂമിയുടെ ആസ്തികൾ വിലയിരുത്തേണ്ടത് വളരെ പ്രധാനമാണ്. ഇത്തരം സ്റ്റീൽ പ്ലാന്റുകളുടെ വിപുലീകരണത്തോടെ നമ്മുടെ ഇരുമ്പയിര് നമ്മുടെ രാജ്യത്ത് ശരിയായി ഉപയോഗിക്കപ്പെടും. രാജ്യത്തെ യുവാക്കൾക്ക് ധാരാളം തൊഴിലവസരങ്ങൾ ലഭിക്കും, കൂടാതെ ഇന്ത്യയുടെ ഉരുക്ക് വ്യവസായവും ലോക വിപണിയിൽ അടയാളപ്പെടുത്തും. പ്ലാന്റിന്റെ വിപുലീകരണം മാത്രമല്ല, പുതിയ സാങ്കേതികവിദ്യയും ഇതോടൊപ്പം ഇന്ത്യയിലേക്ക് വരുമെന്ന് ഞാൻ മനസിലാക്കുന്നു . ഇലക്ട്രിക് വാഹനം, ഓട്ടോമൊബൈൽ, മറ്റ് നിർമ്മാണ മേഖലകളിൽ ഈ പുതിയ സാങ്കേതികവിദ്യ വളരെയധികം സഹായിക്കാൻ പോകുന്നു. ആർസലർ മിത്തൽ നിപ്പോൺ സ്റ്റീൽ ഇന്ത്യയുടെ ഈ പദ്ധതി മേക്ക് ഇൻ ഇന്ത്യ എന്ന കാഴ്ചപ്പാടിലെ ഒരു നാഴികക്കല്ലായി മാറുമെന്ന് എനിക്ക് ഉറപ്പുണ്ട്. ഉരുക്ക് മേഖലയിൽ വികസിതവും സ്വാശ്രയവുമായ ഇന്ത്യക്കായുള്ള ഞങ്ങളുടെ ശ്രമങ്ങൾക്ക് ഇത് പുതിയ ശക്തി നൽകും.

ഇന്ന് ലോകം വലിയ പ്രതീക്ഷയോടെയാണ് നമ്മെ ഉറ്റുനോക്കുന്നത്. ലോകത്തിലെ ഏറ്റവും വലിയ ഉൽപ്പാദന കേന്ദ്രമായി മാറുന്നതിലേക്ക് ഇന്ത്യ അതിവേഗം നീങ്ങുകയാണ്. ഈ മേഖലയുടെ വികസനത്തിന് ആവശ്യമായ നയപരമായ അന്തരീക്ഷം സൃഷ്ടിക്കുന്നതിൽ ഗവണ്മെന്റ്  സജീവമായി ഏർപ്പെട്ടിരിക്കുകയാണ്. ഭൂപേന്ദ്രഭായ് പട്ടേലിന്റെ നേതൃത്വത്തിലുള്ള പുതിയ വ്യവസായ നയം ഗുജറാത്തിനെ ഉൽപ്പാദന കേന്ദ്രമാക്കി മാറ്റുന്നതിൽ വളരെ ദീർഘവീക്ഷണമുള്ളതാണ് എന്നതിന് ഗുജറാത്ത് ഗവണ്മെന്റിനെയും  ഞാൻ അഭിനന്ദിക്കുന്നു.

കഴിഞ്ഞ എട്ട് വർഷമായി ഇന്ത്യൻ സ്റ്റീൽ വ്യവസായം കൂട്ടായ പ്രയത്നത്താൽ ലോകത്തിലെ ഏറ്റവും വലിയ രണ്ടാമത്തെ ഉരുക്ക് ഉൽപ്പാദിപ്പിക്കുന്ന വ്യവസായമായി മാറി. ഈ വ്യവസായത്തിൽ വികസനത്തിന് വലിയ സാധ്യതകളുണ്ട്. ‘ആത്മനിർഭർ ഭാരത്’ കാമ്പെയ്‌നെ ശക്തിപ്പെടുത്തിക്കൊണ്ട് സർക്കാരിന്റെ പിഎൽഐ പദ്ധതി അതിന്റെ വിപുലീകരണത്തിന് വഴിയൊരുക്കി. ഉയർന്ന ഗ്രേഡ് സ്റ്റീലിന്റെ ഉൽപ്പാദനം വർദ്ധിപ്പിക്കാനും ഇറക്കുമതിയെ ആശ്രയിക്കുന്നത് കുറയ്ക്കാനും ഇത് ഞങ്ങളെ പ്രാപ്തമാക്കി. ഈ ഉയർന്ന ഗ്രേഡ് സ്റ്റീലിന്റെ ഉപയോഗം നിർണായകവും തന്ത്രപരവുമായ ഉപയോഗങ്ങളും  വർദ്ധിച്ചു. ഐഎൻഎസ് വിക്രാന്ത് നിങ്ങളുടെ മുന്നിലുള്ള ഒരു ഉദാഹരണമാണ്. നേരത്തെ വിമാനവാഹിനിക്കപ്പലുകളിൽ ഉപയോഗിക്കുന്ന ഉരുക്കിന് നാം  മറ്റ് രാജ്യങ്ങളെ ആശ്രയിച്ചിരുന്നു. രാജ്യത്തിന്റെ സുരക്ഷ ശക്തിപ്പെടുത്തുന്നതിന് മറ്റ് രാജ്യങ്ങളുടെ അംഗീകാരം ഞങ്ങൾക്ക് ആവശ്യമായിരുന്നു. ഈ സാഹചര്യം നല്ലതായിരുന്നില്ല. ഈ അവസ്ഥ മാറ്റാൻ നമ്മൾ സ്വയം പര്യാപ്തരാകണം. ഇന്ത്യൻ സ്റ്റീൽ വ്യവസായം ഈ വെല്ലുവിളിയെ നവോന്മേഷത്തോടെ സ്വീകരിച്ചു. താമസിയാതെ, ഡിആർഡിഒയിലെ ശാസ്ത്രജ്ഞർ വിമാനവാഹിനിക്കപ്പലിൽ ഉപയോഗിക്കുന്ന പ്രത്യേക സ്റ്റീൽ വികസിപ്പിച്ചെടുത്തു. ഇന്ത്യൻ കമ്പനികൾ ആയിരക്കണക്കിന് മെട്രിക് ടൺ ഉരുക്ക് ഉത്പാദിപ്പിച്ചു. കൂടാതെ ഐഎൻഎസ് വിക്രാന്ത് തദ്ദേശീയമായ കഴിവും സാങ്കേതികവിദ്യയും ഉപയോഗിച്ച് സജ്ജമാകും. അത്തരം ശേഷി പ്രോത്സാഹിപ്പിക്കുന്നതിന് ക്രൂഡ് സ്റ്റീലിന്റെ ഉൽപ്പാദന ശേഷി ഇരട്ടിയാക്കുകയെന്ന ലക്ഷ്യം രാജ്യം ഇപ്പോൾ നിശ്ചയിച്ചിട്ടുണ്ട്. നിലവിൽ ഞങ്ങൾ 154 മെട്രിക് ടൺ ക്രൂഡ് സ്റ്റീൽ ഉത്പാദിപ്പിക്കുന്നു. അടുത്ത 9-10 വർഷത്തിനുള്ളിൽ 300 മെട്രിക് ടൺ ഉൽപാദന ശേഷി കൈവരിക്കുകയാണ് ഞങ്ങളുടെ ലക്ഷ്യം.

സുഹൃത്തുക്കളേ ,

വികസനം എന്ന കാഴ്ചപ്പാടോടെ നാം മുന്നോട്ട് പോകുമ്പോൾ ചില വെല്ലുവിളികൾ കൂടി ശ്രദ്ധിക്കേണ്ടതുണ്ട്. ഉരുക്ക് വ്യവസായത്തിന് കാർബൺ പുറന്തള്ളൽ അത്തരമൊരു വെല്ലുവിളിയാണ്. അതിനാൽ, ഒരു വശത്ത്, നാം  ക്രൂഡ് സ്റ്റീൽ ഉൽപ്പാദിപ്പിക്കുന്നതിനുള്ള ശേഷി വിപുലീകരിക്കുന്നു, മറുവശത്ത്, പരിസ്ഥിതി സൗഹൃദ സാങ്കേതികവിദ്യകളുടെ ഉപയോഗവും  പ്രോത്സാഹിപ്പിക്കുന്നു. കാർബൺ ബഹിർഗമനം കുറയ്ക്കുക മാത്രമല്ല, കാർബൺ പിടിച്ചെടുക്കുകയും പുനരുപയോഗിക്കുകയും ചെയ്യുന്ന ഇത്തരം ഉൽപ്പാദന സാങ്കേതികവിദ്യകൾ വികസിപ്പിക്കുന്നതിൽ ഇന്ത്യ ഇന്ന് കൂടുതൽ ഊന്നൽ നൽകുന്നു. രാജ്യത്ത് സർക്കുലർ സമ്പദ്‌വ്യവസ്ഥയും പ്രോത്സാഹിപ്പിക്കപ്പെടുന്നു. സർക്കാരും സ്വകാര്യമേഖലയും ഈ ദിശയിൽ സഹകരിച്ചാണ് പ്രവർത്തിക്കുന്നത്. എഎം/എൻഎസ് ഇന്ത്യ ഗ്രൂപ്പിന്റെ ഹാസിറ പദ്ധതിയും ഹരിത സാങ്കേതികവിദ്യയുടെ ഉപയോഗത്തിന് വളരെയധികം ഊന്നൽ നൽകുന്നതിൽ എനിക്ക് സന്തോഷമുണ്ട്.

സുഹൃത്തുക്കളേ ,

എല്ലാവരും പൂർണ്ണ ശക്തിയോടെ ഒരു ലക്ഷ്യത്തിനായി പരിശ്രമിക്കാൻ തുടങ്ങുമ്പോൾ, അത് തിരിച്ചറിയാൻ പ്രയാസമില്ല. ഉരുക്ക് വ്യവസായത്തെ പുതിയ ഉയരങ്ങളിലെത്തിക്കാൻ സർക്കാർ പ്രതിജ്ഞാബദ്ധമാണ്. ഈ പദ്ധതി മുഴുവൻ മേഖലയുടെയും സ്റ്റീൽ മേഖലയുടെയും വികസനത്തിന് ഊർജം പകരുമെന്ന് എനിക്ക് ഉറപ്പുണ്ട്. ആർസെലർ മിത്തൽ നിപ്പോൺ സ്റ്റീൽ ഇന്ത്യ ടീമിനെ ഞാൻ ഒരിക്കൽ കൂടി അഭിനന്ദിക്കുകയും എന്റെ ആശംസകൾ അറിയിക്കുകയും ചെയ്യുന്നു.

ഒത്തിരി നന്ദി!

--ND--